الشوق يلهث ما بقى حيل للشوق!!!!!!
أنا هنا جالس أسولف مع الشوق …!
وأسقيه ،، شعرٍ كل ما جف ريقه
وهنا حنين ،، ودمع .. وأشلاء مخلوق
وحلمٍ تكبل ثم سبته ،، حقيقة
وهنا ردى حظٍ كسر خاطر العوق
ووقيود ..! ب يدين الشعور الرقيقة ..!
وهنا أزرع آلامي وتنبت بي طروق
وتثمر وأقطفها .. معاني عميقة
يا عاشقي .. ! شف صدر الإحساس مخنوق
يوم الزمن حده بما لا .. يطيقه
أشرب مكابرتي خمر ل أجل ماافوق..!
وأفوق ..! وأرجع أشرب الخمر ضيقة ..!
وين الخطا ما بين عاشق ومعشوق ..!
ما به .. خطا .. إلا سلوم الخليقة
ما ابيك ليل من المواعيد مسروق
موت الهدف .. ولا إعوجاج الطريقة
محتاج لك .. صبح وعصافير وشروق
محتاج لك .. كرت وزفاف ووثيقة
محتاج لك .. وردٍ مندي ومفتوق
يروي ضما طفل المشاعر رحيقة
محتاج لك .. حضن وأمان ودفا عروق
وقمرى وهمس وذكرياتٍ عتيقة
محتاج لك .. عينٍ إذا طالعت فوق
ما ودها بـ شوفة عيوني غريقة
ياوسع صدر الصبر فيني ويا ضوق
صدر إنتظار الثانية والدقيقة
الشوق يلهث ما بقى حيل بالشوق
أقطر بـ فمه شوفتك جف ريقه
دمتم بحفظ الرحمن
أذا أعجبكم موضوعي لا تنسون تقيموني 
أقطر بـ فمه شوفتك جف ريقه
وااااااااااااااو
أبيات أكثر من رائعة ما شاء الله عليك يا عسل
أعجبتني كثيرا وراآقت لي
بارك الله فيك
يوم الزمن حده بما لا .. يطيقه
سلمت يمناك غاليتي,,,,,,,,,
قصيده رائعه بكل مافيها’’’
ننتظر جديدك,,,,
مودتي لكٍ,,,