السلام عليكم ورحمة الله و بركاته :
ماعرف. شنو أقول أو شنو آخلي عمري. 19 بس تمر على مشاكل
ؤالله. تعب ماعرف. شسوي ؤالله أكتب لك يا خواتي ؤلو إن ماعرف
ؤلا وحده أكتب ؤانا أصيح من هل ضيق ، أنا حساسه ؤائد
– أول شيء حبيت إنسان مده 3 سنين واخر شيء طلع مايحب
ويقول بياخد بنت عمه هو مايقدر على أخوه إلي أكبر منه !!
مشكلة إن. أول حب في حياتي و الحب مب حرام إذا. ماكان
به. شيء يغضب رب العالمين ؤالله إن سويت شيء في حدود
الغلط. ؤلو إن عمري صغير ، الحب فطره بس آحين أنا
مأقدر آنسى هل إنسان لأن كل لي كل شيء ، مماعرف
شقول ؤالله الكلام مآيعبر على الضيق
– أنا عآيشه في بيت أنا أكبر وحده و آبوي و أمي
ماياخذون رأي في شيء كل شيء يقرورن عني
كل يسمعوني كلام يجرح. أمي ؤائد وأييد
تضايقني ؤالله بنات جد هي أمي. بس
عمرها. مأفرحت لي دوم تهاوش
دوم. تصارخ. آانا مليت. دون تقارن
بين وبين الناس. كله أنا ماعرف
كله أنا مأفهم كله أنا. إنسانه
فيني لعانه، ؤالله. ماعرف
حاولت اتفاهم معاها
بس تضارخ و كله تطردني من الغرفه
حتى ؤالله العظيم أمس إسولف مع أختي عمرها سنه تضحك. معآي
تخليو تدعي. على بدون سبب و طردتني من الغرفه !
– أنا آحين أدرس و أول أسبوع داؤم. وأييد تعب. آبوي شغلني بدون
مايسالني إذا قدر على هل شيء ؤلا. و يبي يأخذ ثلث الراتب. يقول لي
ؤايد عليج الرأتب !!!!!! من كنت في النيه أعطيه. لك هو إلا بياخد الثلث. كنت أقول له أنا أبي إعلاج أسناني و أكفل يتم مارضى أكفل يتم
طيب هل فلوسي. ايش الحل
– في. إنسان معآي ف الجامعة طبع تؤه طلع ف حياتي. جاني يقول لي أنا معجب فيج و أبيج ف حلال. بس بترتب ظروفي و ظروف الأهل و بي لج البيت ، وبعدها طلع رقمي ويطرش لي مسجات بين الفتره والثاني
أنا. توني طالعه من تجربه. يعني. نفسي و قلبي مب متقبلين أي أحد
– أنا. لأبس الحجاب بطريقة صحيحه وحده من أهلي تقول لي مب هلون عليج أو دوم تتربج و أنا انقهر إن. تقول لي هلون و أحيان لين اطلع معاها و باقي بنات الأهل أكره نفسي مأتعجبني تصرفاتهم و أحقر عمري
لأن طلعت معاهم على كبر سنهم لكن بدون يناظرون الشباب ، أعمارهم. في العشرين
كيف. الحل هل. أمور كلها ؤالله كاتب و أنا أصيح من التعب من الهم
و الأفكار من كل شيء ، ؤالله ادعي. واحاول أصبر و أتحمل لكن ،،،،
الله يخليكم ساعدوني ، أدعو لي.
في هالسن ومحترمه ومؤدبه
الله يبارك فيك ويعوضك بالافضل
مافي مانع يااختي اذا معاك بالعمل وشفتي انه كويس ايش المانع
الا بالعكس معاك بالعمل يعني عارفه تحركاته
ومن الحين الى ان يجهز نفسه عندك وقت ترتبي حالك وتكوني نسيتي الماضي
اما امك ابوك
فالله يعينك الواحد يقدر يغير اي شيء الا اهله
سايريهم شوي
وان شاء الله وتتزوجي وتنسي الماضي والاسى
اما صديقاتك انصحك اذا يبصبصوا ويناظروا الرجال لا تمشي معاهم
بعدين يقولوا فلانه تمشي معاهم ويشوهوا سمعتك
وخاصة ان في واحد حاط عينه عليكي حاليا
واكيد بيسأل عنك وعن صحباتك
اما الحجاب فطنشي ولا عليكي منهم قوليلهم بالفم المليان انا عاجبني كذا وش عليكم مني
والله يوفقك ياقمر
سبحان الله زوجوه كذا فجاءه في يوم وليله
حبيبتي النوع هذا اعرفه تلقينه حاجز بنت عمه وهي في اللفه ويحبها
بس يتسلى في بنات الناس الى ما الله يفرجها ويتزوج ومتاكده انو مو انتي الوحيده في حياته
اكيد بتقولين لا مادري ايش
لانك حبيتيه ودائم حب المراهقه كذا اعمى بس لما تكبري وتتذكرينه تضحكي على غبائك
اتركيه الحين واعتبريه ماضي وانتهى لا تضعفي للشيطان
بالله انتي ايش تنتظري منه الحين انه يترك اهله وبنت عمه وعايلته كلها ويركض وراك هذي بس نشوفها بالافلام الهنديه بس فكري باعقلك واكيد الله بيعوضك بالزوج اللي يعشق التراب اللي تمشين عليه
من ترك شي لله عوضه بخيرا منه
لكي القرار ومصير فلا تدمرين نفسك
بالتوفيق
الله يعينك ياوخيتي ويصبر قليبك
شووفي اختي نصيحتي الوحيده انك تصبري اصبري رغم كل المشاكل وادعي ربك واقراي القران وصلي وقومي في ثلث اليل ,,,, ولا تكلمي هالولد نصيحه مني
وشوفي اختي ابغيكي تقرااي هاذاا القص وبيزيد ايمانك في الله
وكوني قوويه وفكري في اشياء يمكن تسعدك ولا تستسلمي وخلي ايمانك في الله قووووووي مره اقوووى من كل شي وادعي دعاء الهم واقراي سورة البقره وسور يس وادعي وان شاء الله كل هاذا بيزووول
وما راح اخليكي من دعاااي ان شاء الله وعن الهم والضيق صدقيني اذا بترجعي لربك كثير وتخلي ايمانك قووي في الله كل شي بيزووول
ان الله يمهل ولا يهمل واتمنا لك الراااحه والحياة السعيده الله يسعدك ويفرج همك وهمنا جميعا
ان شاء الله يتقدم لك ولد الحلال وترتاحي في حياتك ومهما صار لا تستسلمي لاي شي مهما كان كل شي كبير وقاسي الله اكبر من كل شي وقدرته تعمل كل شي
اختي حاولي تحمدي اله وتشكريه وتستغفريه كل ساعه وكل حين
هاي القصه اقرااايها وان شاء الله تفيدك
بقولكم شنو سويت عشان الله استجاب دعائي المستحيل
دمتي في رضا الرحمان
ترى انتي الحين تحسين امك تكرهك بس بكره تكبرين وتعرفين مدى حبها
وخوفها عليك,يمكن هي مظغوطه بالبيت او من ابوك او اي شي ثاني
لازم تصبرين عليها .
باين عليك عاقلة وحبابه بس حساسه حبتين
اصبري واصبري وربي بيعوضك بكل خير ياعمري
لا تخلين مجال للشيطان عليك تراه هو اللي يصور لك كل هذي الهموم
والاحزان.ناظري الحياة بشكل احلا واستعيني بصلاتك وبكره اكيد باذن الله بيكون احسن ,بس تذكريني وادعي لي بصلاح حالي وابنائي وزوجي
كل ما تضايقتي من احد قولي بكره احسن ,وانا مؤمنه وقوية
ويرب يحقق لك كل اللي تتمني ويسعدك دنيا واخره
امك "
احلام ام"
اللهم امييين ..