السلام عليكم ورحمة الله
كيف حالكم حبيباتي ان شاء الله بخير
هاد الطبق كنت اكلتو في مطعم في إسطنبول وكانت اول مرة ناكل الكاري وعجبني كثير ولما شفت قائمة الطعام ومكونات الوصفة قلت سهل وجربتو وطلع روعة
لكن الطبق الأصلي فيه غير البصلة والفلفلة والدجاج والكاري والقشدة الطرية ويقدم مع الارز الابيض
لكن انا من كثرة حبي للخضر زدت فيه الشمبنيون والجزر والذرة باش يكون مغذي وغني أكثر
المقادير :
حبة فلفل حمرا وخضراء وصفرا
علبة ذرة صغيرة
بصلة كبيرة مقطعة مربعات
الشمبنيون من الافضل الطري احسن من المعلب مقطع شرائح
الجزر مقطع قطع صغيرة
صدر دجاج مقطع شرائح او مربعات
علبة قشدة طرية خاصة بالطبخ
ملعقة كبيرة من الكاري
ملح وزيت زيتون
بالنسبة للأرز بالشعرية :
نصف كأس من الشعرية
كأس من الأرز بسمتي
2 ملاعق كبار زبدة
ملح
وماء مغلي
الطريقة :
في طنجرة نضع الزيت بلدية والبصل والجزر مع شوية ملح حتى كيطيحو ثمن نضيفو باقي الخضر وملي تطلق الماء ديالها كنضيفو الدجاج وملي كيطيب كنضيفو علبة قشدة طرية والكاري ونكتفي بالكاري حيت هو مجموعة توابل بلا ما تضيفو توابل اخرى باش تبقى النكهة ديالو ومنديروه حتى نديرو القشدة الطرية باش تبقى النكهة ديالو واضحة
ملي كيغلي ويتشرب شوية كنطفي عليه النار
في هذه الأثناء في مقلاة او طنجرة كنديرو الزبدة مع الشعرية ونحمروها ومنحيدوش عليها يدينا حيت دغية كتحمر وحاولو متحرقش
من بعد كنضيفو الأرز بسمتي والملح ونشحروه حتى هو شوية باش يتلبس بالزبدة ثم كنمرقو بالماء الساخن وملي كيغلي كنقص عليه العافية وكنخليه يطيب على المهل بدون ما تحركوه حتى كيتشرب كل الماء
ونقدموه بالصحة والراحة
تسلم يداتك