السلام عليكم ورحمة الله وبركاته
اهلا وسهلا بيكم يا بنات وحشتونى من الاكله اللى فاتت
مش هطول عليكم النهارده جايبلكم الحوواوشي (اعتقد فى بلاد عربيه اخرى بيسموه عرايس)
عملت طريقتين
اول طريقه بيسموها فى مصر حواوشى اسكندرانى بتكون عن طريق اننا بنخبز العجين ف البيت
والتانيه بتتعمل بالخبز البلدى او الابيض
النوع الاول الحواوشي الاسكندرانى
العجينه
نص كيلو دقيق
كوب زبادى
ربع كوب زبده او زيت
بيضه
ملعقه لبن بودرة
رشه ملح
م ص سكر
م ك خميرة
نص كوب لبن دافئ( او ماء)
للحشو ممكن تعملى الحشوة العاديه للحواوشي اللى فى النوع الثانى
بس حبيت اغير واضيف لها شويه اضافات من عندى
لحمه مفرومه- بصله مفرومه -فلفل اخضر واحمر واصفر مقطع – بقدونس مفروم -زيتون مخلل مقطع صغير – ملح وفلفل وتوابل
بتتركى العجينه تتخمر لمده ساعه تقريبا
وبعدين بتقطعيها كرات ثم تفردى كل كره وتبدا فى وضع الحشو على نصف الدائره وتثنى النصف الفارغ عليها وتقفلى الاطراف وادهنيه بالبيض المخفوق
وتخبزيها فى فرن متوسط لمده حوالى ساعه الا ربع مع تحمير الوجه
بعد خروج الحواوشي من الفرن
وقدميه
انا قدمته مع سلطه الثوميه لذييييذه
(لو عاوزين طريقتها قولو اقولكم عليها)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
الحواوشي بالخبز العادى
طبعا دى طريقه سهله بدون عجن ولا شي
بس نتيجتها حلوة جدا ودى اللى منتشره عندنا فى مصر
تحضري اللحم المفروم مع البصل المفروم والفلفل الاخضر (الحار حسب الرغبه) وتوابل مشكله ملح وفلفل اسود وشويه كمون
تفتحى الخبز من احد الجانبين
وتبداى فى الحشو تقريبا كل رغيف بيحتاج 5 ملاعق لحمه كبيره
وتقفليه الخبز وتدهنيه بشويه زيت خفيف
وتلفيه بورق الفويل وتدخليه الفرن فى الرف الاوسط وعلى درجه حراره متوسطه حوالى ساعه او اقل حسب الحراره
حتى نضج اللحم تماما
ثم قدميه
اتمنى تجربوه لانه بجد خطييييييييييييييييييييييييير
شكرا لكن يا حلوااااااااااااااااااااااااااات
MIIMII اتمنى تكون الهديه عجباكى ههههههه
ايه العظمة دى كلها
دى وصفة سهلة .. دى وصفة هايلة
تحفففففففففة ريحته غطت ع المنتدى
هدية روعة مقبولة ونص
شكرا ليكى على الوصفة السهلة
وان شاء الله اعملها بكرة واوريكى التطبيق
شكرا ليكى يا ابلة نظيرة بتاعتى
ألف شكر
وانا اول وحدة ترد ها شو رايك ياعسل..
شكلها جنان
ان شاء الله نجربها
احنا فالجزائر نسمي الوصفة الاولى سوفليه
روعة وتحفة انا بحبها قوي وطريقتك حلوة
تسلم ايدك 🙂
متقولى التومية بتتعمل ازاى ؟؟
وجوعتيني بصراحة مع ان الدنيا لسه….صبح
تسلم ايدك يا احلى دودو…
مميزة كالعادة
|
المشاركة الأصلية كتبت بواسطة miimii
 واد يادودو يا ابهة
ايه العظمة دى كلها دى وصفة سهلة .. دى وصفة هايلة تحفففففففففة ريحته غطت ع المنتدى |
هههههههه
تسلمى ميمي
انا مستنيه التطبيق
ومع ان المفروض انك اللى تهادينى عشان النهارده عيد ميلادى بس يلا هعديها ههههههه
شكرا يا عسل