الحمد لله ملكت بس ولد خالتي يضايقني -لصحتك 2024.

صبحكم _ مساكم سعيد

اولا والحمد لله انا فتاة وأعوذ بالله من كلمة انا ربي موقفني في كل حياتي عشت طفوله رائعة بين ماما وبابا وتدلعت كثير وما في شيء ناقصني وانا متفوقه في دراستي وجامعتي .. وكل الي حولي يجبوني ويعاملوني معاملة رائعة..
قبل سنه خطبني ولد خالتي بس مو شيء رسمي يعني عادي كلام بي بين خالتي وماما ..
بصراحه انا ماحسيت بأي مشاعر تجاه ولد خالتي الي هو اكبر مني ب4سنوات..
فقلت لماما اجلي الموضوع لما اتخرج ..
طبعا وصل الخبر لولد خالتي وزعل كثير وارسل خالتي تقول خلاص مافي نصيب اذا خطبها غيره الله يوفقها ..
انا مافكرت ولا شلت هم له ابدا لأني كنت اعتبره اخ ..
خلصت الجامعه وخطبني رجل من معارفنا و بعد النظرة استخرت وارتحت وملكنا الحمد لله..
ولما وصل الخبر لولد خالتي الله يهديه صار يطلع علي اشاعات في عائلتنا ويقول هي كانت تحبني وتموووووووت فيني بس انا الي تركتها وما أبيها ..
لأن عقلها عقل طفله وماهي قد المسؤوليه .. هذا سمعته من قريباتي وحتى خالتي لما ماما عزمتها للملكه قالت ما أقدر أجي عندى موااعيد ألين فوق رأسي ..
بصراحه انا مرا زعلت وجلست ابكي واخاف الأن خطيبي يسمع هذي الأشاعات ويصدقها وبعدين يطلقني ..
وللمعلوميه ولد خالتي هو الي يحبني وأقولكم الحركه الي سواها وانتم افهموا ..
مرا في العيد كنا معزومين عندهم وكان الشباب في مجلس والبنات في المجلس الثاني وكان اولاد خالاتي الصغار يروحون عن الشباب ويجون عندنا .. وفجأة ولد خالتي الثانيه الصغير قالي يافلانه قلت له نعم حبيبي وش تبي قالي فلان الي هو محور حديثنا يقولك خذي ..وأعطاني الحلاوة الي على شكل قلب أحمر .. انا مرا استغربت ومن غبائي اخذتها بحسن نيه..