السلام عليكم و رحمه الله وبركاته
انا محتاجه افضفض لكم لاني ماعرف افضفض لمن
مشكلتي هي امي
امي احبها وطول عمري محترمتنها ومافي يوم قصرت فيها ب شي ولا بدر مني سوء لها مهما غلطت عليه اتحمل
لكن من فتره امي تغيرت و صارت ترمي كلام وتقول انا عفتكم ومليت منكم وبروح بيت اهلي !
ليش؟
لان مايا نصيبنا من الزواج ! تقدمو لنا ناس ولكن دوم الرفض من عند الناس ليس من طرفنا ! نحن بدورنا ماقصرنا نلبس نترتب و نستقبل الضيوف و نتكلم معاهم لكن امي ماشافت شي من هذا بالاحرى ماتحس بمحاولاتنا لارضائها
وصارت مشاده كبيره بينها وبين اختي وامي جرحتنا بكلامها و راحت كلمت ابوي و ابوي متغير علينا
واليوم كلمت اختي الاكبر وحده فينا وقالت لها قوليلهن اذا ماحترموني وماتزوجن بطلع من البيت وبكمل حياتي في بيت اهلي !
طيب ليش هالكلام نحن في حياتنا ماقلينا ادبنا عليها وفي حياتنا مارفضنا امر لها ومافي احد غيرنا ينفعها كيف قدرت تقول هالكلام !
والزواج قسمه ونصيب مش في جيوبنا الزواج متى مابغينا تزوجنا؟
انا تايهه مش عارفه اتصرف معاها و نظراتها وكلامها لنا كنه نحن عجائز و وعوانس مع انه للعلم اعمارنا كلنا فالعشرين يعني 21و25و26و27 ،، واكبر وحده متزوجه
شو الحل بنات نفسييتي تعبت وانا كثر ماشوف منها اتحمل واسكت لكن هي بكلامها ظلمتنا حتى ابوي اليوم ماخلاني اسلم عليه من شافني راح ودبر عني !
والله احس بتخبل ماقدر اتحمل هالوضع !
قومي صلي صلاة الليل وادعي الله يحنن قلب امك
عليك و بعدين انتي و اخواتك اشتروا لامك و لأبوكم هدية
واجلسو معهم و حاولو نتفاهمو معهم بهدوء الله يحنن قلب أمكم
وابوكم عليكم يارب .. ويرزقكم الذرية الصالحة .. قولي امين
وقيام الليل إختي له فضل عظيم ** الله سبحانه ما يخيب
من رجاه و وقف على بابه ** ادعي الله في الثلث الأخير
والله يوفقك بس اهم شي ادعي الله بتذلل و خشوع
انا متأكده لو سمعتي كلامي راح تدعي لي
الزواج مو بيدكم وانتو ما قصرتو ،، واستغفر ربنا يفرج همك انتي واخواتك ،، يمكن ما يتقبلو منكم الان
فعشان كذا خلي اخوكم الكبير احد كذا يدافع ويقولهم يوقفو لو تروحو لاخوكم كلكم وتبكو عنده ان شاء الله دموع تماسيح بس دامه يوقف يكلم امكم وابوكم ،،!
امك وابوك مو عشان ما يحبونكم ،، لانهم يبون يفرحون فيكم بس مو عارفين كيف ،، ولاهم قادرين ،، وخايفين عليكم من الايام ،، حتى لو طريقتهم خطأ واسلوبهم حاولو تتفهمو ضعفهم وقلة حيلتهم ،، مايمنع تكلمو اخوكم يعني يخليهم يخففو عنكم شويه ،،،!
وادعي ربنا لان كل حاجة بيدو ،، الله يرزقكم الزوج الصالح عاجل غير اجل ويوفقكم 
ماعليه اختي اصبرو
ولمن تشوفوها مروقه كلموها بادب قولوها هذا قدر ومكتوب
واكثري من الدعاء الله يحنن قلبها
خلي هالشي في مخج ان هذي مرحلة وتعدي ان شاءالله وبعدين انتو توكم في بداية شبابكم يعني لا تخافين القطار ما راح والله يقدر يغير حياة الانسان في ثواني سواء للاحسن او الاسوء وانتي انشاءالله رح تتغير حياتج للاحسن بس اصبري وادعي لله
موفقة