[/center]
الجرح غاير والسنين اتعبتني
الجرح غايـر والسنيـن اتعبتنـي
سايرتها رغـم الهمـوم الأليمـه
ابكي حوال الناس لو مـا بكتنـي
عندي من الأحزان دولـه عظيمـه
هي غربة الأيـام مـا ساعدتنـي
ما شفت بالدنيـا قلـوبٍ رحيمـه
عشت الحيـاة وكنهـا عيشتنـي
بين الجحيم وبيـن نـار الهزيمـه
اقرا عيون الناس لو مـا قرتنـي
عيـنٍ تصوبنـي وعيـنٍ كريمـه
الحال مايل والظـروف ارهقتنـي
والدمع سيلٍ سال من دون غيمـه
الخـد حافـي والليالـي وطتنـي
وعزي لمن سود الليالـي تظيمـه
عشت الحيـاه ودنيتـي عذبتنـي
والله يعين اللـي حياتـه سقيمـه
لو جيت ابا اشرح قصتي عورتنـي
الصمت في بعض المعاني غنيمـه
ولولا هموم القلب يـوم احرقتنـي
ما قلـت كلمـه والنوايـا سليمـه
يا بوي وين امي عسى ما جفتنـي
ما شفتها يا بوي وش هالظليمـه
طلقتها وتقـول لا مـا اعجبتنـي
وش يعجبك يابوي ماني غشيمـه
راحت وكانت ودهـا لـو شرتنـي
ضاع الحنان مع النـدم والنديمـه
ذكرتها واليوم هـي مـا نستنـي
يمـه تعالـي لـك معـزه وقيمـه
يمه ترى الدنيـا بعدكـم رمتنـي
في بيت ابوي ولا عرفت الحشيمـه
تدرين يمـه والعيـون اسهرتنـي
ما ذقت طعم النوم ذقـت الحريمـه
الناس وعيـون العـواذل بلتنـي
ولولا الحيا لسوي اكبـر جريمـه
يمه شربت المـر حتـى سقتنـي
ايـام بقعـاء مرهـا والصريمـه
لو جيت ابا اضحك بالألم عاقبتنـي
عشت الليالي مثل عيـش اليتيمـه
سبحت في بحر الألـم واغرقتنـي
طبع القسى فيهـا تبينـي وليمـه
رمح الغدر شفته وفيـه اطعنتنـي
وزادت جروح القلب واصبح هشيمه
يمه وشوفي كيف بقعاء احضنتنـي
بدل حنانك ذقـت غـل وحميمـه
واليـوم والله حالتـي محزنتنـي
قمت اتذكـر لـي جـروحٍ قديمـه
ذكرى جروحٍ مع شقاهـا غزتنـي
ما عاد به رحمه ولا فيـه شيمـه
هذا وانا ذكرى السنيـن اتعبتنـي
جاريتها رغـم الضغـوط الأليمـه
الكاتب / خليل المطيري
يتبع رد على القصيده
الكاتب أبوهذيل على القصيده
يقول الشاعر
لقد سمعت قصيدة الشاعرالمطيري(الجرح غايروالسنين اتعبتني)
وتأثرت بها وكانت هذه القصيدة ليست في طفل فقد امه بل في من لايعرف ام ولا اب له
وهذا أبيات يهون فيها الشاعرعلى صاحب القصيدة
[color=#800080]شكــواكَ ياصــــــــاحي ترى أوصلتني
للموت من بعد المرض والسقيـــــــــمه
ارفق علينـــــــــــــا قــصتـــك عذبتني
قلبي ترى ماعــــــاديقوى ظلـيـــــــــــمه
تكفي همــــــــــــــــومي التي شيبتني
شبت براسي مثل شب الهشيــــــــــــــمه
العظم بــــــــــــارز والمحن هشمتني
لم يبقَ لي لوكانِ عظمـــه سلـيـــــــــــمه
الوقت يفرسني ولاســـــــــــــاعدتني
حتى قـلـــــــــوب الوالدين الرحـيــــــــمه
من يــــــــــــــوم إني جيتها أحرقتني
بالنـــــــــارو البنزين فوقي كغيــــــــــــمه
مــــــاأعرف الأم الـتــــــــي أنجبتني
والـــنـــــــاس تنظرلي كأني جريــــــــــمه
ســـــــاعة غرام الفسق هي دمرتني
لابــــــارك الله في عشيــق اللئيــــــــــــمه
في وحلها يانــــــــاس هي جرجرتني
للهم للغربه حيــــــــاتي وليــــــــــمه
عيشة فقيــــــــــــــد الأم ولاذل متني
أمٌ تطلق خيــــــرِ مَن هي بهيــــــــمه
أدعي أنافي كل ليـــــــــــــــله أتتني
يارب لاترحم رمـــــــاة الفطيـــــــــمه
سحقاً لمن في هالشــــــوارع رمتني
أيدي تصفقني وأيدي كريـــــــــــمه
لاخــــــال لاجد لاعمـــومـــــه حوتني
لاني فقيــــــــد لاني حتى كاليتيــــــــمه
بس القلــوب الطيبـــــــــه هي بكتني
سحقاً لقلبٍ ماترى فيــــــه شيــــــــمه
أبغى أولع في حيـــــــــــــــاةٍ شوتني
لولم يكن عندي لربي حشيــــــــــمه
أصبحتُ ما أَقدِم على مــــــــانهتني
عنهُ الشريعه لو عزومي عظيـــــــــمه
عيبي كفاني والفضيــــــــــحه كفتني
ما أصحبَ المذنب ولاني كليـــــــــــمه
أبعد عن الغي قصتـــــــــــي أدبتني
وانتَ اتعظ يابو آذانٍ فهيـــــــــمه
[color]
بصراحة قصيده مؤثره وتسلميييين فديتج
فديت قلبك
رائـــــــــــعة
يسعدلي مساك
اشكر لك نواجدك
فديت قلبك
مشكووووووووووووورة
ابياتهاآآ مفعمه بالالم ،،،
غاليتي //
كل الشكر لطرحك الراقي ،،،
وابعد الله عنك الاحزان ،،،
تحيتي لكـ 🙂
وحظوركم المميز
لا عدمتكم يارب
