التوحد صعب دمرني -لصحتك 2024.

السلام يالغاليات.
صراحة والله يشهد علي كلامي ما عندي غيركم اشكيلة
الله لا يحرمني منكم
مشكلتي اني من صغري اقطع الورق اي ورقة أقطعها والحين انا في اولي ثنوي لازم اجمع معدل وكل أوراق المدرسة قطعتها ما بقي شي حتي الكتب اقطع منها وكل سنة تزيد حالتي ذي والكل في المدرسة يدرون و يتجاهلوني حتي امي وأبوي الي عمري ما حسيت بوجودهم

بنات الحمد الله معدلي مو كثير نازل انا ذكية وافهم بسرعة بس ليمتي بتم اقطع الاوراق حاولت امسك نفسي ما قدرت وغير كذا لو جيت أبا اكلم حد اتوتر وما اقول كل الي أبا اقوله وصوتي وااااااااطي مهما حاولت أعليه يعني كم مرة صارت اقول شي الناس يسمعونه شي ثاني

انا رحت عند الإحصائية النفسية في المدرسة وهي تدري بس دائماً اطلع أعذار وتقول مشغوله يعني ما ساعدتني واصلا المدرسة اللي انا فيها فيها كامرات مراقبة كل مكان يعني الكل يدري ومحد فكر يساعدني

انا أعاني من فراغ عاطفي كمان تصدقون عمري ما ذقت حناان وأهلي صرت ما ادانيهم لانهم اهملوني كثير بس ما اعصيهم حتي شغل البيت كلا علي ومحد يقدر

بنات ساعدوني انا عمري ما اخذت حقي من حد محد يحبني محد يفهمني اااااااااااهههه تعبت كثييييييييييير مرات احس اني طرمه خلاص تعبت

بنات اتوقع فيني توحد مرض التوحد طلبتكم اللي تعرف أخصائية ً دكتورة نفسية تدلني عليها من جد حياتي تدمرت ما عرف اسوي شي الامتحانات قربت كيف ادرس السنين اللي طافت ما كنت ادرس وكنت انجح بامتياز بس الحين صرت انزل في مادة وحده العربي والله صعب ما اقدر افهمه تخيلو درجاتي في كل المواد ممتازة الا العربي ليه

بس ماحبيت اطلع من غير لاارفع موضوعك

التوحد مرض ينولد الشخص مصاب به ويكون له علامات واضحه مثل ان الطفل يكبر ومايتكلم او يتكلم كلمات بسيطه ومو مفهومه ويرفرف بيديه ومايكون طفل اجتماعي

اللي تعاني منه انتي ممكن يكون وسواس قهرري يعني شي تعرفين انه غلط بس تسوينه وماتقدرين تمنعين نفسك منه

والوسواس القهري مرض نفسي يحتاج جلسات علاج نفسي