اليوم سخفة علي البراج و درتهم و هذو هوما 
البراج الجزائري
3 كيلات سميد متوسط
1 كيلة سمن (المائدة ) روعة
قليل من الملح
ماء و ماء الزهر
الحشوة
التمر
القرفة
قرنفل
ملعقة زبدة
ماء و ماء الزهر
التحضير
نخلط السميد مع السمن و درة من الملح نمحروهم مليح حتي نحسو بيه عاد ثقيل او رغوة او مبلول من كثر المحير نحيو منهم قد كاس و نشمخو الباقي غير بالشوية حتي تتلم عندنا العجينة نقسمها علي إثنان و نغطيوهم
نكونوا وجدنا التمر (نقيتو و فورتو و رحيتوفي الرحية و هو سخون زدتلو مغرف زبد و شوية قرفة وقرنفل مرحيين وعجنتو بشوية ماء وماء الزهر حتي يعود طري
بداء العمل
1 نفرش قطعة من البلاستيك ونرش شوية سميد الي في الكاس تساعدنا في الحل (ساشي)
2نحل العجينة الاولي بالحلال
3 نفرشو التمر علي العجينة الاولي
4 نحلو العجينة الثانية نجزاؤها و نحلوها باليد أو بالحلال و نفرشو بالرقع حتي نغطيوها كامل ونزيدو عليها باقي السميد الي في الكاس و نغطيوها بالبلاستيك و نحلو بالحلال
5 تقسم مقروطات
6نطيبوها فوق الطاوة او مقلة بلا زيت
(معلومة السميد لي في الكاس غير مشمخ بالماء لكي يساعد في الحل و عند الطهي لاتحترق حبة البراج ويطيب ذهبي شباب)
اسمحولي كي طولة عليكم هذا فقط لشرح و المصدقية
شهية طيبة من فوفو
ولكن ديما فبالي وباذن الله نجرب لوصفه نتاعك ونردلك بلخبر هههههه
ماشاء الله روعه ،بارك الله يكي
مشكورة علي الرد يابنت بلادي أن شاء الله الدريهم هما في الاول يبانو صعاب و ثقال و حكاية طويلة بصح في الاخير كي ادريهم يبانو ساهلين هذه الصورة مهداة لكي
[/IMG] raoinak مرحبا بيك صديقة متشرفين بيك و مشكورة ياأختي و أن شاء الله تجربيهم و يعجبوك و البارح ما كنتش هنا رحت لطبيب الاسنان
جربي ديري في الغرس الزيست قشور القارص يعطيك ذوق جد رائع انا نديرهم فالشتاء لزوجي يموت عليها و فالربيع لازم عادات وتقاليد مع الحلاوة و الشينة
يسلمو ايديك بنت البلاد الغالية يعطيك الصحةوما تنسايش ابعثيلي شوية راني غير فالبرج العالي هههههههه
مبروك عليك و ربي يتمم ليك و تشوفيه في حضنك وربي يفرحك و تهلاي في روحك 
لوكان جيت قربية ذرك نبعتلك خسارة انا وبعيدة وان شاء الله توقفي بسلامةو ولدك يجي حلو متزعفيش و ادعيلي معك
