السلام عليكم
سأتخطى المقدمات الطويلة وابدأ في مشكلتي
في الحقيقة والواقع انا انخطبت صغيرة بالعمر .. والان صار لي 5 اشهر على هالخطوبة فقط
وصار العقد ..مع الاسف الشديد انه العقد صار يا جماعه .. ال ع ق د صاااار من خمس اشهور
..يابنات نا مو من النوع اللي احب اقول مشاكلي .. انا مااشكي لاحد وهذا الموضوع مو القصد منه اني اشكي حالي ..
سبب كرهي لهذا الرجل هو اسلوبه الطفولي بالكلام يتفاخر باسلوب طفولي بنفسه ويصف نفسه بالوسيم. وهو لس له صلة بالوسامة استغفر الله . ويتكلم باساليب انا اكرهه ان اراها في الرجل
تصدقون احيانا احس نفسي ارجل منه .. يضحك على اقل واتفهه الاشياء حتى انا ماتضحكني معني اضحك ببسرعه .. ماعنده هيبة ولا حتى شوية شخصية .. يا جماعة الرجل ضعيف شخصية للحد اللذي لا يطاق
وانا كانت امنية حياتي اتزوج واحد يحمل قوة شخصية .. احب الرجولة في الرجل
احين صارت امنية حياتي اتزوج رجل عادي بس مابي ضعيف شخصية ياجمعة شعور يعور القلب
مو مثل كل المخطوبين احس بغصة لو يجيب ليه هدية اكرهه هداياه وكل الفلوس اللي يعطيني ياها احس انها مو فلوسي واني لازم اردها له
صدقوني مااحب اتكلم عن احد هالطريقة بس لانكم ماتعرفونه ولاتعرفوني
فلي كل الحرية بما اقول .. راح اتكلم على كيفي
ياجمعاة من اتكلم عن سالفة اني مااتحمل اعاشره واقعد معاه امي تطب علي وكاني مسويه جريمه حرام والرجل طيب .. والرجل اخلاق وصاحب خلق ودين .. وكلشي وبتندمين
ويقولون اشياء كانهم شايفينها وانا اللي مو شايفه فيه ربعها .. مااختلف على انه اخلاق ودين ..
لكن ياجماعة .. ماعنده اسلوب . ماعنده شخصية مستقله . ولا عنده راي
ولا له اي كلمة .. شلون يكون هذ سندي !!؟؟ مشاكلي انا احلها بروحي
كنت اتمنى لو اتزوج رجال بس يكون سند لي من بعده مااخاف من شيء . انا اكون بين اده اتعلم عنده .. انا عمري كله اكره الرجل اللي يتعلم مني وانا ماتعلمت منه ولا شيء
احب اخذ واعطي .. ماحب بهالطريقه اععيش
صدقوني مثل الماي البارد اللي انكب على راسي لما اتخيل اني ممكن اكمل حياتي معاه
ولا مره حسيت بالراحه من اقعد وياه .. ولا مره حسيت انه اللي قدامي هذا ممكن اصفه بالرجل .. حتى لما يقولون هذا الرجال اقول بخاطري ( والله مااشوفه رجال )
من كثر ماتعودت اشوفه بصورة الضعيف
بعد حتى لو شنو يصير بعد وشلون يستوي مااقدر اشوفه بنظره غير
اه والف اه .. لما اششوف اخوي المتوسط او اخوي الكبير شلون شخصياتهم
ماكنت انتبه لهذا الشيء بس احين صرت ادقق .. اقول يالله.. شوف شلون حتى واهم اصلا مو ذيك الشخصية الا انه لهم كلمة .. لهم صوت .. كلامهم تحس فيه من الجولة الشء الكثير .. محد يهينهم ومحد يصرخ عليهم مايسمحون لاحد
اذا قلت لامي او خواتي مثلا اني مااتقبله يقولون احنه كنا في البداية وكنا وكنا
بس محد مثلي انا ادري صدقوني احس نفسي غير عن مشاكلهم
ورب الكعبة هذا الرجال انا ماانسجم وياه ..
مايرضيني من كل النواحي ياجماعة مو بس شخصيته
انا ماحب رجال يكلمني عن ضعفه فوق ماانا اشوفه ضعيف
ابي جل يكون لي سند
حتى نصيحته لي مهما كانت صحتها اكرهه اسمعها منه
كلشي فيه ومنه وله .. اكرههه … والله العضيم اكرهه اكرهه
محد فاهم شعوري .. محد فاهم .. هذي صدمة حياتي ماكنت احمد الله ع النعمة اللي كنت فيها .. ولو احاول اتخلص منه ياجماعه الكل يصير ضدي
طيب ليش
انا مااتحمله
حطي نفسك مكاني .. يقولون البنت تكون معززة عند زوجها يكون لها سند وتكون عزيزة
والله ماحسيت بالعزة من عرفتها وماحسيت لي سند من عرفته
وجوده وعدمه واحد . محد جابلي المشاكل كثره
وهذا كله نتيجه عدم تقبلي
ياجماعه انا قريت على نفسي سور قرانيه وشكيت بديني
وتقربت من الله .. ومع ذالك مااحسني قادرة اتقبله
ولما اقول للاهل هالكلام يقولون انتي ايمانك ضعيف
والله ماله شغل بالايمان
بس انا مااتحمل هالرجال مااتمحله
شلون اتخلص منه والله مابيه والله مابيه والله مابيه
في هالخمس شهور بجيت من كل قلبي ودعيت انه الله يخصلني منه
احسني مقيدة والمشاكل تربط رقبتي ربط .. ياجماعة تربطها ربط
تعرفون ذاك الشعور اللي تشوفين كل اللي حواليج حتى اللي مو سعيدين يعيشون لحظاتهم بكل طبيعية وانتي بس تحسين نفسج مترددة وخايفه وضايعه وبين نارين
ماتبين احد يوصفج بالمطلبقة ولا انتي قادرة تتقبلين اللي اكل يعتبره رجال وغيره
بس انتي ماتشوفين فيه ذرة رجوللة ولا عنده شخصية مستقلة
لدرجة انه الشغل ماكلين حقه ومو عاطينه حقه ولا عارف يتكلم
كلمن يحركه ويشكله على كيفه
ويقولن لي هذا سندي .. والله ف الفترة اللي كنت فيها انا بموت من التعب لو ماحاميت عن نفسي وامي دافعت عني وحمتني من صراخ وعصبية ابيو بسبب هالرجال جان انا ميته وكله ببركاته وبسببه.. وين السند في الموضوع.؟!
صرت انا من بعد الله سند لنفسي ولاتغير شيء
ومن اتكلم عنه بس اسمع بتندميييييييييييييييييييين !!!
اكثر من هالندم اللي ندمته يوم اخذته صدقوني مابندم
هذي ندمة عمري كله
وماحد بتفهم شعوري غير اللي جربته صدقوني بنات
بنات .. انا من النوع اللي احب الرجل اللي يحمل قوة شخصية وهالشي مهوسسة فيه لحد ماتتوقعونه . وكنت احب اشوف الشموخ في الرجل والكلمة الثابته مااطالع الشكل ابدا
انا يجيب راسي هذا النوعية من الرجال .. ومع ذالك مااعترف
والرجل اللي كنت اخاف ارتبط فيه يوم من الايام مع الاسف واسال الله الواحد الاحد انه يبعده عني وشغله عني .. ارتبطت فيه .. 
كل اللي ابي اسالكم ياه . شلون اتخلص منه
والاهل حابينه وراضين فيه .. انا ماقدر اعطيه حقه
ولااقدر انام وياه .. صدقوني بنات لو سبوسني لو اي شي ماحب لمساته
وبارد بشكل مو طبيعي وماتتصولورنه اكره البررود في الرجل
كاني قاعده مع وحدة من البنات .. مايعرف يتصرف ..
يتقلني يقتلني كلشيء فيه مقته
هذي اسوأ فترة خطوبة ممكن تمر عليكم .. محد عاش خطوبة كعدمها مثلي وكانه غريب وفراقه عندي عيد وبي الشاهد عادي مااشوفه اسبوع واستانس بهالاسبوع اسوي كلشيء احبه واليوم اللي اشوفه فيه ابيه بسرعه يردني البيت
وهالخمس الشهور كلها .. ماصار فيها خطوبة ولاعرس يعني ماصار فرح بس عقد لاني مو راضيه يصير عرس عشان لاااروح معاه واعيش وياه
من الجانب الاخر ترا اهو مسكين .. ولانه مسكين ولانه ماله كلمه يثبت فيها نفسه
قانا مو مستعدة اكونه .. انا احب الرجل اللي اتعلم منه اكثر من اللي يتعلم مني
اهو ترا ماظرني … بس وجوده مظر لي مع الاسف
تمنيت احبه لخلقه ودينه .. بس ماجاي احبه
سويت كلشيء عشان احبه .. بس انفر من طريقته واسلوبه الطفولي وبروده
وكوني بنت .. لازم يجي يوم يقدر يسيطر علي
بس اهو مايقدر ولا واحد بالمئه . ..
ابدا مانسجمت معاه ولا يمكن اتحمله ..
مش عَآجبكِ بِشخصيتـه ، حَآولي قَدر الإمكآن تَغيريـه ..
إن رأيتِ أنكِ لن تَحتملي ، إستخيري وَ إنفصلي لأنكِ بمآ أنكِ كِرهتيـه إستحآله تتقبلي أي شيء مِنـه !
فلآ تَظلميه بزوآجكِ مِنه وإنتِ مِن الأسآس مآتبغيـه ..
بس يكون بعلمكِ غيركِ يتمنى رَجل ، وإنتِ إللي تِعمليه إسمه كُفر للنعمـه !
بُكرهـ إذآ إنفصلتي أيش يَضمنكِ تِنخطبي ؟ فرضاً إنخطبتِ ممكن يكون سيء جِداً وبلآ أخلآق !
وبآلنهآيـه دآ قرآركِ وإنتِ إللي بتعيشي معآهـ ، وسؤآل أخيـر ..
ترضي أي شخص يتكلم معآكِ بهآلأسلوب وهآلطريـقه ؟ من توآضع لله رفعـه ..
ختى لو مآعجبكِ مآلك أدنى حقكِ تتكلمي عنه كذآ ، وكل شخص فيه سلبيآت وَ إيجآبيآت ..
موفقـه ":)
وبما انك مو قابلة تتقبليه ليش تعيشي بالم عشان ترضي غيرك لو صار فيكي شي ما حد بنفعك وانتي الي تعاني وحدك ويمكن تتسببي بمعاناه غيرك
انا ما اشجعك على انك تتركيه لكن اعطيه فرصه واعطي نفسك فرصة واهم شي اهم شي استمري بصلاة الاستخارة والدعاء وقولي اللهم اني وكلتك امري فانك خير وكيل ودبر لي امري فاني لا احسن التدبير ولو حسيتي حالك مو متقبليته فلا تظلمي نفسك ولا تظلميه معاكي بالاول وبالاخرهاي حياتك انتي ومستقبلك والزواج عشرة عمر مش يومين
انتي تبي شخص يزعق عليك ويضربك مثلا ويرغمك على كلامه حتى لو مو عاجبك اهم شيء كلمته ماشية ! اذا ذي شخصية برأيك غلط ! ذي مو حياة للكل له حق بالتعبير ،،! شخص زي كذا تتحمليه اب اخ ،، زوج ما يتحمل ترى والله شيء يكبت !
اخوك المتوسط يزعق وكلمته تمشي ليه خير ! اذا صح اوكي اذا غلط والله لو يزعق لبكره لا يعني لا
انتي تحبي احد يحكمك ليه ! افضل حاجة يكون عندك زوج متفهم يخليك على راحتك ،،! بحدود طبعاً
مفهومك غلط ،، مع ان لك الحرية كمان !
لا تقارني الزوج بالاخ والاب ،، لكل واحد مسؤولية ومقامه ! والناس اجناس ماراح يجونك مطقمين نفس الشخصية او نفس التصرف والاسلوب،،!
شخصية خطيبك تقدري تعدليها ،، اكثر من واحد عصبي وكلمته ماشيه ،،!
قولي له فلان لا تخليهم يستغلونك بعملك وكذا لمحي له ،، مو تذلينه او تكبتينه !
يمكن مو حاس لو حس يفوق ويتصرف !
مو دليل انه اهبل و ضعيف !
وانا معاك بعض البنات شداد واقوياء كانهم رجال ! وكمان في اولاد رخى ولينين كانهم صغار او بنات
لا تزعلي كونه كذا ،، لانك انتي كمان ماشاء الله عليك قوية كانك رجال زي ما قلتي يعني متعادلين !
واحسن حاجة الشديدة تجي من الهين
والشديد يجي مع الهينه معروف كذا يقدرون يتعايشون
اما شديدة وهو شديد كل يوم متصافقين متذابحين وتخربون بيتكم
اما هينه وهين ضعاف ينوكل حقهم وحق عيالهم
حلو التوازن ،، انا اقولك مو معقول اهلك واحنا نقولك تفكيرك خطأ ونطلع كذابين وانتي الصادقة !
فكري حكمي عقلك ،، استخرتي انتي يا بنت الحلال اصلا !
حوالي تعرفين شخصيته شنو وتأثرينه عليها !
اقرب لك قصدي ،، امك وابوك شلون حياتهم بالبيت ! امك دافعت عنك هينه ولينه واضح ،، ابوك شديد يوم عصب عليك ،، ما شاء الله عايشين مع بعض عمر ما ضرهم ! وحقوقهم ماتنوكل ! وكمان الحنان ينعطي لكم ب، وفرة مو صح ! ايه عشانهم متنوعين لو هم نفس الشيء كيف بتكون حياتكم !
فكري خذيها للمدى البعيد ،، !
اوكي ماتحبي يشكي لك كثير ،، انتي حولي الموضوع اسئلي عشان لا يتشكى ،، شنو احلى موقف مريت فيه ،، يعني حاجة سمباتيكا
انتي مانتي عارفه توصلين له مشاعرك وهو يحاول يتقرب منك حاولي ،،!
ولا تربطي المواقف وعصبية ابوك بسببه هو المسكين لو عارف مارضاها عليك ،،!
لا تقارنين بينه وبين اي احد ! عشان تعيشون !
وباقول لك حاجة عادة الخطيب مره لين وهين ويدلع خطيبته بالبداية بعين يشتغل زن وحن وكلام يمشيه ،، لا تستعجلي ،، هو بالبداية ما يقدر يحاول يلطف الجو لا تستعجلي راح تلاقيه بالبيت غير !
ولا تدعيه عليه ،، هو على باله انتي تبغيه ولا ما يسوي كذا !
فكري بعقلانية الله يرحم والديك ،،!
حتى لو تحسين انك ضايعة ،، استخيري واستغفري ربك ،، انصرفي بالتفكير بمحاسنه وكيف تتعاملين معاه ،،!
ومحد منا يجي فارس احلامها زي ما تبي لا بد في حاجات مختلفة ولازم نتقبلها !
طبيعي صديقيني ،، وبيجي يوم تضحكين على نفسك ،، كيف ماحبيته من البداية وكيف كذا
تلاقيك انتي اللي تتعلقي فيه بعدين ،،!
في النهايه انتي اللي بتعيشين معاه
اعرف وحده زين
مابقي على زواجها الا شهر واشترت كل شي
بس هي ماتبغاه نفسك وزياده خطيبها كان ازفت من خطيبك
وتمشكلت معاه بسبب بسيييط بس لانها تبغى الفكه واخوها كان واقف معاها وتطلقت منه
كانت بالجامعه وقالت لسا العمر قدامي
وبعد يمكن 5 او 6 سنوات تزوجت غيره
استخيري واحسبيها صح وقرري
ولاتنقال لاي احد خصوصا انسان يبغى يشاركك الحياه وزوجك
قولي ماحبيته مااحس بانجذاب ما اقبله بس ماتقولين كره!!
الصراحه مالك غير حل واحد اذا انتي مو حابه الرجال انفصلي عنه
ونصيبك بيجيكي لكل فوله كيال بس لاتنكالين لفوله غير فولتك
وتجيبين عيال وبعدين تصحين وفيه ضحايا غيرك نصيحه حدك على البر
لاتضلمين نفسك وتضلمين الولد معاكي ويفضل انك تتعجلين في القرار
لان كل ماطالت المده كل ماسائت الاوضاع
اذا عمرك يسمح لك تنتظرين غيره تطلقي وارتاحي
واذا عندك الجرأه والقوه لتحمل اي شي بعد الطلاق تحملي قرارك
اذا على قولتك ماله اي رأي ولا اي قرار
معناه بعد الزواج الكل بيتحكم فيه
وفي حياتكم
لو انا عندي الجرأه وعندي الوقت الكافي ان كان سويت مثلك من زمااان
وترى بعضهم يقولون لاتتهتمين بشخصية الرجل شخصيته لنفسه