في ذمتي يامـن ذبحنـي وأنـا حـيّ
إنك مثل ظلـي معـي ويـن مـاأروح
وإنك عليّ أغلا مـن الـروح بشـويّ
لو جيت أميّز وش غلاك وغلا الـروح
حبي لك أكثر من كـرم حاتـم الطـيّ
وباب المشاعر بين الأحبـاب مفتـوح
أغرب غريبات الصـدف جابتـك لـيّ
جتني مثل صبح ٍ به الليـل مفضـوح
من قبلها مسرى الليالـي بـلا ضـيّ
ومن عقبها صار لوميض الأمل وضوح
بذرت لك بـذرة غـلاء تعتبـر هـيّ
روح الغلاء كان لحيـاة الغـلاء روح
وأصبح لها وصلك مثل ساقـي الـريّ
غيثـك لهـا دفّـاق وبروقـه إتلـوح
بذره ولا تروي عطشهـا مـن المـيّ
ترويه فيض إحساس من صوت مبحوح
وأيامنـا صفحاتهـا تنطـوي طــيّ
نقرأ بها المكتـوب وتمـرّ وتـروح
ويكبر غلاك بخاطري شيّ عـن شـيّ
واليوم شف زرعك بساتينه إصـروح
جيتك جريح الوقـت ياشمعـة الحـيّ
ولمّيت جرح الوقت في قلـب مجـروح
في قربك الملجى عن الشمـس للفـيّ
وفي بعدك التعذيب والضيـق والنـوح
أقول هايم فيـك وتقـول وش فـيّ؟؟
سؤال مالـك مـن وراه أي مصلـوح
فيك الدلع موجود من عـادك إصبـيّ
وفيك الغموض اللي بدا منك بوضـوح
وروح التواضع فيك مع غطرسة غـيّ
وفيك إجتمع كل الحلاء وأنت مملـوح
،،
منقول لع ــيونكم
تسلمي قلبي ع نقلك الراااااااااااااااائع
وفي بعدك التعذيب والضيـق والنـوح
من لام في حبن ولا الغي بالضي
ولا يهم الا مريضن به اجروح
لاهـــنـــــتـي
وفيك إجتمع كل الحلاء وأنت مملـوح
نقل ولا اروع
جوزيتي خيرا
تحياااتي