ياريت تسلعدوني لاني تعباااانه لدرجه محد يتخيلها
انا متزوجه من ثلاث سنوات وعندي ولد واحد ربي يخليه لي
ساكنه مع اهل زوجي
وزوجي هو اكبر اخوانه
ام زوجي من اول يوم زواج بدت تسويلي مشاكل مع زوجي والمشكله ان زوجي يصدقها ويوقف معاها مهما قالتلو
ماطلعت شهر عسل
ما اطلع مع زوجي لحالنا ابدا الا بطلوع الروح
لازم تروح معانا او ترسل ابوه معانا عشان يوصلها الاخبار
ممنوع ازور اي احد
وممنوع يزورني احد
جالسه بغرفتي ليل نهار حابسه نفسي وحابسه هالمسكين ولدي معاي
اطلع اطبخ وانظف وارجع غرفتي
حتى حمام خاص فيني ماعندي
خلت زوجي يمنعني من زيارة اقاربي وحلف علي بالطلاق ما اروحلهم بحجة انهم يتكلمون على امه عاد هم مايعرفون امه عشان يتكلمو عنها وماشافوها الا مره وحده يوم جت خطبتني من بيت عمي
باعتبار الوالد متوفي وامي كمان وماعندي الا اخين متزوجين ورافضين اعيش معاهم فكنت عايشه ببيت عمي اخو ابوي
ما اطلع ابدا
مايعطيني مصروف ابدا
بعمره ماجابلي هديه
ومع هذا امو دايما اقولو زوجتك مبذره
بس لاني اجيب اغراض من بنده للبيت واطبخ وانفخ
ماتخليني اجيب لنفسي شي
ولو دخلنا او طلعنا وماراحت معنا تفتشنا لانكون جايبين شي لنفسنا حتى لو ملابس داخليه
تعبانه
دايما لما يطلع زوجي تجي تفتح علي باب غرفتي بدون استئذان حتى لو كنت مو لابسه مايهمها
ولما اقول لزوجي يوقف مع امه ضدي
ولو رديت عليها يهزأني ويقولي مو عاجبتك العيشه روحي انقلعي
دايما يهينني ويذلني ويسبني ووصلت معاه مرات يظربني
ومو كاسر ظهري الا ولدي
لو هربت من وين اجيبله حليبه واكله وشربه
بس كمان تعبت مو قادره اتحمل
اترجاكم ساعدوني
اهرب منه واترك ولدي
ولا اهرب واخذ ولدي معاي
ولا اقعد بالذل والاهانه ساعدوني
كثير تعبانه
اسأل الله ان يفرج همك ويسخر لك قلبه وقلب اهله يااارب