افضل معهد تعليم الانجليزي في الرياض
مرحبا بنات انا ودي ادرس انجليزي بس مو عارفه افضل معهد انا بالرياض وخريجة محاسبه بس الانجليزي مستواه يعني ودي اخذ كم مستوى لان الوظائف كلها تشترط انجليزي وكمبيوتر 
، الكومبيوتر خلصنا منه باقي الانجليزي ، وانا سمعت عن دايركت انجلش بس حبيت اخذ راي خواتي في المنتدى
ومشكوريين مقدما على الردود 
حبيبتي اذا كنت في الرياض ادخلي المعهد البرياطاني في السفارات انا دخلته وتوني في البداية بس روعه00
مشكوره حبيبتي على الرد ، وانا ان شاء الله بسأل ،وراح اسجل لان ودي استغل الصيفيه بشي مفيد لانه مافي سفر هالسنه
العفو اختي 00 ودي انبهك لشي انه في الصيف اغلب المدرسات الممتازات يسافرون وانت اسألي قبل لاتدفعي فلوسك عن الموجودات 00 دمت بود
مشكوره حبيبتي وجنة التفاح انا بسأل عنه وعن دايركت انجلش / انا مابي دبلوم بس ابي اخذ كم مستوى بس
شوفي يا قلبي دايرت انقلش ما يمدحونه وسمعت ان اللي يدرسون فيع عرب لكن المعهد البريطاني كل اللي يدرسون فيه ما يتلكلمون عربي يعني اللي انقليزيه واللي كنديه واسترالية وهنديه ما خذه الجنسية البريطانية وبكذا تاخذين اللغه من اهلها افضل من حده عربية يضيع الوقت وهي تتكلم معك عربي 00 هذا اللي انصحك فيه وانت استخيري 00
حبيبتي المعهد البريطاني المشكله فيه انه بعيد ودخول السفارات مشكله كل يوم تفتيش وزحمه ، والله مو عافه ، سمعتي عن معهد ثاني كويس دليني الله يوفقك
انت وين ساكنه ؟ ومن ناحية الدخول بيعطونك المعهد بطاقة دخول وان كان على التفتيش كنت اشيل هم مثلك لكن بعدين صار شي عادي لاني احاوا اجي بدري مثلا لو كان الدرس يبدأ ست ونصف المغرب اكيد قبلها بربع ساعة زحمة لكن انا اجي قبلها بنص ساعة او ساعة ولا القى زحمة لأن الناس يجون قبل الوقت بعشر دقايق ويتزاحمون عند الدخول 00 وبسأل لك عن معهد ثاني ان شاء الله