اول شي اختاري الملفوف اوراقو خضراء احسن من الابيض والسبب انو بتكون الاوراق مو ملتصقه.. متفككه
ثانيا" …
ولسهولة السلق -قسمي رأس الملفوف لأربع اقسام طبعا بعد ازالة اللب الي بالوسط .. بهالطريقه بتحصلي على اوراق تقريبا جاهزة للحشي واللف ..ممكن تحتاجي تشيلي الضلع القاسي من بعض الاوراق
ثالثا .. نيجي للحشوة
في كتييير تتبيلات وحشوات للملفوف وكلها حسب الرغبه
هاي الحشوة الي اعتمدتها انا :
★كاستين ارز مصري منقوعين مسبقا(لرأس ملفوف صغير)
♣بصله مفرومه ناااعم
♥ماجي بودرة -هيل -كزبرة مطحونه-كاري
☆والسر الذييذ هو زيت زيتون
¤رشة ملح
وهيك الحشوة جاهزة وممكن نحط فيها لحم طازج مفروم
نيجي للطبخ……
بعد لفهم وصفهم بالطنجرة نبرش مكعبين ماجي ونحطهم من فوق
**رشة ملح زغييرة**
طبعا بنحط عليهم صحن مناسب لحجم الطنجرة حتى نضمن يضلو بترتيب
نسكب ماء يغمرهم بس مو اكثر ….
نحطهم على نار عاليه لحد الغليان
هنا عنا خطوة مهممممة وسحريه وهي اضافة
دبس الرمااان .. خيااالي طعمو ويغني عن الليمون
هو حامض و بنفس الوقت مناسب لحلاوة الملفوف
نحط كميه منيحه على داير الطنجرة
نهدي النار عليهم وعلى مهل تنطبخ
وبالعااااااافيه ♥♥
امبارح عملتها على صوبة الكاز .. يم يم
