السلام عليكم اخواتي
ازاي تكوني جميلة في كلامك دا موضوع لكل بنت فمها بيحدف حجر وكل واحدة بتتكسف تتكلم مع اي حد واي واحدة تحب انها تتكلم كويس اتمني يعجبكم الموضوع
اول شي لازم نراعي حاجات
1-سن الشخص اللي بكلمه بمعني لا ينفع انك تكلمي امراة في الثلاثين زي ما بتتكلمي مع طفل في الثالثة فلازم كل سن ليه اوضاعه يعني
* الاطفال سن3- 4لازم تتكلموا معاهم بلطافة حتي لو الطفل شقي (الكلام دا مش للام طبعا الام مسموح لها ان تتعامل مع اولادها كيفما تريد لكن لا تظلم ) واوعي تضربي طفل في السن دا لانه هيبقي فاكرها ومعلمة فيه
*الاشخاص الاكبر سنا لازم الاحترام حتي وان اخطئوا لازم الاحترام واوعي تتجادلي معهم اوي في اي موضوع علشان لا يعتبروها قلة ادب وتهذيب
*الناس اللي في سن 15 -14-16فترة المراهقة تجنبي الكلام ذا المعنين لان المراهقين بيفهموا الكلام علي مزاجهم وحاولي تكوني الصديقة مش الامرة الناهية ( وطبعا استثناء الام لها الحرية في الكلام مع اولادها بدون ان تظلم )
*الناس العجائز لازم تتكلمي معاهم براحة علشان هما عندهم مقتنعات ممكن تختلف مع مقتنعاتك حاليا و لاتتجادلي معهم كثيرا هما ليهم اراء وانتي ليكي خلي الود ينتشر بدل الاختلاف
2-حالة الشخص ونبرة صوتك مع اللي هتكلموه بمعني
*لو زعلان لا ينفع تكلميه بعنف لازم تتكلمي معاه بنبرة هادئة فيها مواساة واوعي تطلبي حاجة منه /منها في الوقت دا علشان لا ينقلب الحزن لغضب
*فرحان لازم تشاركيه فرحه ونبرتك يكون فيها فرح ليه من جواكي مش من بره ومن جوه مغتاظة وفي الوقت دا ممكن تطلبي بعض الاشياء بس لا تزيدي احسان يحسب انك استغلالية
3-نوع الشخص ومدي قرابته بمعني
رجل ام انثي تختلف الانثي التكلم معها يكون رقيق ام الرجل فيجب ان تكون في شدة قليلا مش اوي
مدي القرابة يعني اخوكي ابوكي اختك مامتك صديقتك زميلتك في العمل زميلك في العمل جارتك وهكذا لازم في تفريق
*الام والاب لازم الاحترام في الكلام وعدم رد الكلمة بكلمة لان دا بيعصبهم وحتي ان اختلفتي لازم تكوني هادئة وتحطي نفسك مكانهم
*الاخوة والاخوات الاكبر لازم الاحترام وممكن تتناقشي معهم لكن لازم تعرفي انهم اكبر وليهم تحكمتهم وساعات بيعرفوا يتكلموا كويس فبتبقي ضحية لو ازعجتيهم ولازم تعرفي انه ليهم خصوصيتهم
*الاخوة و الاخوات الاصغر طبعا دول الاشقياء اللي بيطلعوا العين لازم تعرفيهم امتي يهزروا وامتي يلعبوا ولازم تفهمي انهم في السن الصغير(5حتي15)بيبقي لسه في شوية طفولة لازم يفهمو انك ليكي خصوصيات انما طريقة كلامك لازم شوية هزار وشوية جد وحاولي متعمليش دور ماما لانهم مش هيسمعوا الكلام (دا في حالة انك مش كبيرة الي حد ما يعني اكبر بسنة او اتنين وانهم مش متعودين علي انك زي ماما)
نصائح الكلام الجميل(لا اقصد المعسول)
1-خير الكلام ما قل ودل لا تكثري في الحديث كلما اكثرتي زادت هفواتك
2-لاتتكلمي في كل شي يعني مش اي حاجة تتكلمي فيها ولا اي مجلس لازم تكوني عارفة بتقولي ايه واذا كان صح ام خطا
3-اختاري الوقت اللي تتكلمي فيه والجمل اللي تقوليها اذا عملتي كده اقولك بنسبة 80%انه كلامك هو اللي هيفتكروه سواء اصدقائك ام اقاربك لان معظم الناس بتتكلم كتير اوي انما الكلام الموثر هو اللي بيتذكروه
4-ابتعدي عن ترويج الشائعات اذا لم تري شي بعينك لا تتكلمي علشان لو كلامك غلط الناس هتبعد عنك ومش هيصدقوا كلامك تاني حتي لو صدق
5-ابعدي عن دور ام العريف اللي عارفة كل حاجة وكل كلامها صح لانك هتجيبي لنفسك المشاكل وزي ماقال الامام الشافعي كلامي الخطا يحتمل الصواب وكلام غيري الصواب يحتمل الخطا وابتعدي عن الناس دي لان فيهم مصابون بداء العظمة
6-لما تتكلمي مع حد خليكي مركزة معاه (مش معني كده انك تحفظي ملامح وجهه)لكن لا تكثري من الحركة كثيرا لا تحركي عينك في جهات اخري كثيرة ولا تبدي ملامح الملل ولو وراءكي شي لازم تعمليه لازم تعتذري منه بادب وتخبريه انه يمكن ان نكمل الحديث في وقت اخر (ولازم دا مع الجارات كثيرات الحديث)
7-ابتعدي في حديثك عن النميمة حتي لو بدا لاخر بذلك لا تعيريه الانتباه وغيري الموضوع
8-ابتعدي عن المبالاغات(الفشر) لان دا غلط وكدا كده هتتكشفي
9-لا تطيلي علي احد في الحديث فهناك من وراءه امور كثيرة لابد عملها لكنه لا يستطيع ان ينهي حواره معك
10-اتكلمي كلام موزون علشا محدش يستهزء بيكي
11-خلي في كلامك علطول ذكر لله بمعني بدل شكرا الله يبارك ليكي بدل وااو عن العجب سبحان الله وهتلاقي الغير اتاثر بيكي واصبح يفعل مثلك
12-لاتتجادلي كثيرا وان حصل يكون بادب وتهذيب
13-بلاش الشتيمة (السب)ولو علي سبيل الهزار
14- من تدخل فيما لا يعنيه نال مالا يرضيه ميبقاش ماما وبابا بيتكلموا وتحشري نفسك بينهم
15-احترمي خصوصيات الاخرين في كلامك
16-لا تتكلمي بلغة العين والحاجب بمعني الاستهزاء عايزة توضحي حاجة ممكن تستعملي ايدك لكن مش الاستهزاء بالاخريت
17-يجب مراعاة احوال الاخرين من الاعاقة او لو حد عليه دين او فقير علشان لا تجرحيهم
اتمني اكون افدتكم لا تنسوا التقييم
بوركتي غاليتي