اريد دعوه بظهر الغيب فقط -لصحتك 2024.

السلام عليكم أخواتي ….بدخل في الموضوع على طول …أنا لي قريبه في حاله الله يعلم فيها بس ابي اي احد يقرا الموضوع يدعي لها وبناتها …..هي إنسانه ما شفت احد في طيبتها وعندها هموم ما تشيلها جبال مع هذا كلو تشوفها دائم مـبتسمه وما تشتكي لاحد غير ربها …انظلمت كثير من يوم ما تزوجت وهي شقيا نه بحياتها زوجها كل يوم يضربها على شي تافه ما يسوى حتى مره ضربها وجلس فوقها وهو جسمه ضخم وكانت تبي تموت وربما أعطاها بنات بس عندها ست بنات حتى بناته ما سلمو من يده ضرب بنته الكبيرة كالعادة على شي تافه والله ما يسوى رفسها على صدرها ورماها على الجدار البنت أغمى عليها ولا يصرف عليهم ومسكنهم في مكان شبه مهجور وهم كلهم بنات يطلع الصبح ويرجع الليل وهي صابره وأم زوجها العن من زوجها تحرش ولدها عليهم ويطيح فيهم ضرب بدون رحمه مره عمتها رمتها بره البيت بدون عبايه وعلى شمس الظهر وهي تبكي تترجاها تدخلها والبنات يبكو ويترجوها تدخلها مع كل هذا صبرت وما تشتكي لاحد غير لوحده من أخواتها اما أمها وأخوانها ما يسألون فيها …ومرت السنين وكبرت البنات وأم زوجها ماتت فتزوجت بنتها الكبيرة لاقارب زوجها ولا دفعو مهر ولا سوو حفله وهي مسكينه تدبر لبنتها من عندها …لا زوجها يعطي ولا اهل العريس يدفعو …اه بس الله يعينها وكل هذا يهون المصيبة لمن زوجت بنتها الثانيه اهل العريس سمعتهم مره سيئه وأخلاقهم مؤ زينه ابد زوجت البنت مثل الاولى بدون شي لأنهم يقربون لزوجها بعد كم سنه زواج لبنتها الثانيه فجأه يمرض زوج بنتها الثانيه ويموت والسبب مصيبه كبيره طلع عنده إيدز وأهله يدرون وبنتها انتقل لها المرض اه يارب رحمتك …الحين هي في أسوا حال بنتها ارمله ومريضه وياعالم أش يصير فيها يا بنات تكفون ادعوا لها وابنتها والله حالتها في الويل طول عمرها متحمله المصائب بس هاذي اكبر مصيبه تشوف ضنا ها كل يوم تروح من ايدينها صار عندها القلب وزوجها عنده سكر وكل ما يشوف البنت تسؤ حاله …حسبي الله ونعم الوكيل …مدري ادعي على زوجها ولا على زوج بنتها الي مات مؤ عارفه كيف تساعدها يارب انك ترفع عنها وعن بنتها وتشافيها أمانه اي احد يقرا الموضوع يدعي لها بظهر الغيب ساعدوها بس بدعوه …وانا كتبت الموضوع عشان تدعون لها واني تساعدها ولو بدعوه …والله مقهوره عليها الله يفرج عنها … واتمنى الموضوع ينزل بأقرب وقت ..أخواتي أدعو لها تكفون مؤ شرط تكتبين رد ادعي لها بصلاتك لان دعوتك لأخيك بالغيب مستجابة بإذن الله

يارب اشفهااا يااارب فرج همووومهم يااارب ارحمهم يااارب استر عليهم فوق الارض وتحت الأرض ويوم العرض

المشاركة الأصلية كتبت بواسطة الدمعة دموع لا حول ولا قوة الّا بالله العليّ العظيم الله يشفيها ويشفي اهلها ويقومهم بالسلامه في العاجل القريب الرقيه الشرعيه ما في منها و الله ياخذ بيدها ان شاء الله لا حول ولا قوة الّا بالله العليّ العظيم والله حزنت عليها وقطعت قلبي

يلرب