السلام عليكم
طبعا انا سجلت بالمنتدى عشان ابي حل لمشكلتي
بداءت مشكلتي قبل نحو عام
بداءت علاقاتي بشخص , ثم بعد ذالك احببنا بعض كثيرا
وبدائنا بفكره الزواج وانا قبلت منه هذه الخطوه ولكن ؟
قالي انا باصارحك بشي انني متزوج من ابنت عمي ولديه خمسه اطفال.
طبعا تفاجاءت بالموضوع كثير وانصدمت وصارت حالتي النفسيه سيئه جداا
ولما عاتبته وقلت له ليه مابلغتني من البدايه انك متزوج قال راح تتركيني اذ1 قلت هالشي وبعدها استشرت وحده من زميلاتي قالتي خلاص انهي العلاقه اللي بينكم
بعدها كلمته وقلت له اللي بينا لازم ينتهي وانا ماابي ارتبط بشخص متزوج
اقام والدنيا كلها وصار يتهمي بالخيانه وانو حبيت غيره
احاول افهمه اني ماابي اخرب عليه حياتك. وزوجتك اولى بحبك وحنانك
ولكن لاحياة لمن تنادي , وبعدها رجعت له لاني ماني قادره اخليه
انا احبه يابنات وماابي بهالدنيا غيره وماتحمل اشوف حبيبي ينهار قدامي.
ولكن ضميري يأنبني كثيرا ماابي اخرب على وحده واخذ زوجها منها
قبل يومين قلت له خلاص انا ماابيك ولا ابي هالحب اللي بيدمر حياة وحده مالها اي ذنب ,
والبارح سويت حركه بالجوال يخليه مشغول عشان يتصل ويلقاه مشغول
ابيه يبعد . وابيه يفهم اني ارتبط بغيره. وصار يرسل لي رسايل قااسيه جداا ويتهمني بخيانته
والان ابي استشيركم هل اللي سويته معه صح او خطا ,وبنفس الوقت ماابي اظلم هالحب اللي بينا
ارجو منكم ان تعطوني النصيحه الصحيحه
اختكم ريم
تحيتي
هو بالبداية عارف انك لو عرفتي بزواجه راح تتركينة فوراَ
بسألك سؤال واحد ياليت تجاوبي عليه بكل صراحة ؟
ايش اساس الحب بمنظورك ؟
بعدها راح ارجع وارد عليك يالغلا
بالنسبه لسؤالك
ايش اساس الحب بمنظورك ؟
اساس الحب هو التفاهم والتناغم بينا
الحب هو السعاده اذ1 كنت معه
تحيتي
اسأل الله العظيم ان يفرج همك ويجلؤ حزنك ويبعد عنك الضيق والكدر
يالغلا
اقدر شعورك واحساسك الآن لكن
حبك أنتي هو ما تشعرين به اخلاصك مشاعرك الطاهرة الخالية من الكذب والتزييف
ياقلبي الشخص اللي يكذب ويمثل سنة كاملة قادر على التمثيل سنوات عدة
واللي يحب الشخص يقدر مشاعره بأن مجروح وقت اكتشاف حقيقة الشخص الآخر
وأنتي لك الحق برفض العلاقة اللي اساسها كذبة
وينك عنه يوم يكون مع زوجته ويضحك معها وغيره وغيره
فكري بالأشياء هذي اللي تخليك تعطي قلبك اجازة وتخلي العقل يفكر لبعيد بعيد جدا
فيه نقطه استفزتني "انه يقول انتي حبيتي غيري ويرسلك رسالة قاسية "
هذا انسان حرام يكون من نصيبك حرام تدفني نفسك معه هو بالأول خدع زوجته ام اولادة وخدعك انتي
بعدها يتهمك بأبشع التهم .
صدقيني راح تنسية وتنسية وتبدي حياتك من جديد
بس خلي عندك العزيمة والاصرار
غيري رقمك اقطعي كل وسيلة اتصال فيه
اشغلي نفسك في اي شيء
صلي صلاة الليل بدل ما تسهري تندبي حظك اقرأي القرآن شغلي قرآن
انتبهي للآيات اللي تذكر تمعني فيها وربي راح تبكي وتبكي بعدها راح ترتاحي
يالغلا
لازم تبعدي عنه عشان تعيشي حياتك صح ..
ورب البيت بكرا تتذكر اللي صارلك وتقولي كيف انا عذبت حالي عشانه
مادري انتي كم عمرك ؟
والله كلامك يرحيني ومشكوره يالغلا
انا عمري 22
لا يا قلبي حرام
اقطعي علاقتك فية ,
وراح يجيك الشخص اللي يحترمك ويقدرك ويعزك
ومثل ما قلت لك أول خطوة ألغي رقمك ؟
وشيلي كل حاجة عندك تذكرك فيه ….
وكل ما حسيتي ان الدنيا ضايقة عليك روحي صلي ومالك الا الله يفرج همك
وقولي " لا إله إلا انت سبحانك أني كنت من الظالمين "
وادعي ان يبعده عنك ويعوض بخير منه زوج صالح ..
اشكرك اختي
ولكن تجريحه بالكلام لي احس انه يضعف وماله حيله غير الكلام يعني هو ماايدري ايش يقوول مو بوعيه يتكلم بكلام لاذع
ملاك
صدقيني كلامك مازعلني ابدا وانا كاتبه الموضوع ابي ترشدوني للطريق الصحيح
ابي الصح
مشكورين على تفاعلكم