ادعولي الله يريحكم في الدنيا والآخرة الطبيب يجيب 2024.

السلام عليكم ورحمة الله وبركاته
في البداية بتكلم عن نفسي أنا بنت في اواخر العشرينات وعلى ابواب الثلاثينات .اشتغل ولله الحمد . بالصدفة وانا اتصفح بالنت دخلت على شات وكانت اول مرة اشوفه قلبها ما كنت اعرف شي اسمه شات وبعد فترة دخلت شات ثاني واقسم بالله العظيم اني ما دخلت ادور حب ولا غيره دخلت اسولف والعب في قسم المسابقات واظهر وكنت استغرب من البنات اللي تتعرف على شاب وتحبه وما كنت اصدق انه فيه حب في النت وكنت اشوف اللي ذابحة عمرها عشان واحد حبته وشوي وبتموت عشانه . وما كان عندي ثقة بأحد بالمرة لدرجة ما عطيت احد معلومات عني وبعد فترة تعرفت على 2 شباب وبنت معرفة عادية وسوالف . حبيت واحد منهم وحبني رغم انه هو من بلد وانا من بلد حبيته حب خبرني كل شي عنه وخبرته معلومات عني وتعرفنا اكثر ما اقول انه حبنا خيالي ما فيه مشاكل لا فيه وهو ما يخبي عن امه شي فتقريبا تعرف بحكايتنا وكلمتها مرة واسال عنها وتسال عني يوم تسمح الظروف. الشاب اللي حبيته من بلد محتل وهو ما كمل تعليمه وخبرني عن طموحاته وكل شي كل شي لدرجة صار كلامنا واحد اعرف شو يفكر ويعرف بشو افكر انا . شفت صوره وهو ما شاف ولا صورة مني ما اقول ما طلب يشوفني بس احترم رغبتي يوم قلت له مستحيل وما اقدر .المهم قرر يطلع من بلده وكان ناوي يروح لبلد ثاني عشان يكمل تعليمه ويقدر يشتغل لانه دولته كل شي فيها متدمر تقريبا وعرضت عليه يجي لبلدي وقال اذا تسهلت بيجي .وعقبها جاء لبلدي وشفته في مكان عام وقدام الناس جلسنا سولفنا ورجع هو للمنطقة اللي سكن فيها رغم انها بعيدة بس تعنى وجا عشان يشوفني وخلصت مدة بقاءه فبلدي واظطر انه يسافر رغم انه في الفترة اللي كان فيها هني كان يراجع عشان اوراق دراسته و يدور شغل .طيب بتقولون وين المشكـــــــــــــــــــــــــــــــــــــــــــــ لة
المشكلة انه من يوم ما سافر وانا حالتي حالة وهو حاس بالشي هذا وحاطة يدي على قلبي خايفة يصير له شي اقسم بالله صرت مجنونة بتقولون ليش حاسة بالشي هذا بقول لكم ظروفه وظروف بلده الله يفرجها عليهم وعلى بلاد المسلمين يـــــــــــــــــــــــــــــــــــــــــــــــا رب
هو قدم على اوراق عشان الفيزا مرة ثانية ويبغي يرجع هني لدولتي بس الفيزا على بلدنا من بلدهم بطلوع الروح تطلع وخايفة يرجع هني ويصير نفس اللي صار له المرة الاولى انه تخلص المدة وما يتوفق لا بتقديم اوراقه للدراسة ولا الشغل
ادري بتقولون غبية ويمكن تحتقروني وتقولون هو واحد كذاب ونصاب …… اقول لكم معرفتي به سنتين وانا مب صغيرة والحمد الله الله ميزني بالعقل…… واقسم بالله اني اتمناه يكون من نصيبي واعرف انه نيته صادقة
والحين ما اطلب ولا اتمنى الا انه تدعون انه الله يجعله من نصيبي ويسهل اموره فبلدي ويتوفق وربي بدعي لكل وحدة ترد علي فسجودي
اسفة على الاطالة واتمنى عرض مشكلتي

المشاركة الأصلية كتبت بواسطة صمتي صعب تفسيرة صدقيني مو عــآرفه وش ارد عليكي ‘‘ قهـرتيني !! حبيبتي ادري انك كبيــرهـ وبـ العشرينــآت واكبر مني آكيد وافهم مني بس وربــي جد واقولك هالكلام عرفــك من شــآت بالله ودهـ يتزوجــك ويحبـك ما آظن وربي مستحيل مــآفي شاب يوثق ويتـــزوج وحــده عرفــهآ من شات راح يقوول كلمتنــي اكيد بتكلــم غيري ‘‘ انا بدعــي ربي يهــدي بــآلك ويصلحــه ويريــحه ويــريح قلبــــــك يـــآرب ‘‘ لاتزعلي بس انا قلت هالكلام لأني متـــأكده منه وصدقيني وربي مـآ آكذب عليــك ‘‘ صدقيني كلامي لك الحين مو إستحقــآر لك بس ما آبيــك تضيعيــن والله ‘‘ ربي يوفقك ويهدي بالك …. تقبلــي كلامي ونصحــي وحُبي لك

وانا اقول لصاحبة المشكله لا تثقين فيه حتى لا تنصدمي…. وقولي له لو يبغاك زوجة يجي يخطبك رسمي من اهلك حتى لو كان الزواج بعد ما يلاقي وظيفه ما دام انتي مستعده تنتظرينه يدرس ويتوظف

المشاركة الأصلية كتبت بواسطة ام ايوب الحبوب انت قلتي انو معرفتكم ببعض كانت عن طريق الشات وهو لما شافك ما غير رايو او انتي ؟؟؟ الله يفرجها عبلدنا ويطهرها عن قريب من ولادين الحرام

لا بالعكس اتمسكنا ببعض اكثر
يـــــــــــــــــــــــــــــــــــــــــــــــــ ـــــــــــا رب تجعله من نصيبي
الله يفرج عليكم وعلى بلاد المسلمين