السلام عليكم اخواتي
انا عندي مشكله ومحتاجه انكم ترشدوني
انا لي اخ كبير ووحيد لنا وهوعاطل عن العمل لان اخواتي المتزوجات واللي يشتغلون يصارفونه بحجة انه عاطل وماعنده وظيفه
مع انه يقدر يشتغل اي وظيفه لكنه يبي وظيفه مريحه وفلوس كثير 
المشكله مو هنا المشكله انه يدري انا بحاجه ويدري ان الناس تتصدق علينا واكثر من ذا ماخذ حوالي 20 الف واكثر وهي حق لاخواني الصغار وحاطها على نفسه الاناني من احدث تلفزيون في غرفته الا احدث جوال ولاب توب وربي ماعطانا منها شي بداعي انه سلف وبيرده لنا في المستقبل..طيب إحنا وش يضمنا بانه بيرده لنا ؟؟
وكل اهلي ساكتين ومنطمين …ماقلوله شي وجايه صدقه لنا حوالي 5000 وراح فيها سفره لدبي يوسع صدره ومخلينا منطقين …وامي مغير تشحده يعطيها ماعطاها غير 150 بس
واخواتي الكبيرات الثنتين ماخذات قرض له كل وحده 80 الف عشان يشري فيها سياره ويفتح له محل زي الناس يلاقي منه رزقه…وعانو السياره اللي شارينها له مافادنا فيها بشي والمحل اكل ثلاث ترباع فلوسه على نفسه من السفريات القذره وماحط عليه الا 25 الف بس ومدخل له صديقه في لان الفلوس نقصت عليه وصاحبه قط حوالي 15 الف
وقسم اني كرهت اخواتي من سبت اخوي …والله كل يوم ياخذ منهن وهن يعطنه …ومايتركض لنا واحنا اهله الا بالفلوس …ياقهري وربي شاهد علي اني كل مره احتج لشغله ضروري واروح له يقول لي" انا وش ابي اركض ورى شي مالي مصلحه فيه"
ومره جاني وقال لي "انتي ماقد ساعدتيني ابد وعطيتيني فلوس اخواتي هن اللي دايم يسعدني"
قلت "وش تقصد "
قال" عطيني مكافاتك ذا الشهر وساعديني " يستهبل ذا رفضت وزعل علي وقال" مامنك فايده تشوفين بكرى لما تطلبين مني شي والله لرفض واشوف من ينفعك"
ياناس تمنيت انه مانولد ابد نذل ووصخ وحيوان وربي مايشرفني يكون اخوي
ولا كذا مره شفت صور لسفرياته القذره واخواتي وامي يدرون لكن ماقالو شي باساس انهن مايبن يخسرنه لانه الوحيد عندنا وهو اللي يمشي امورنا كلها …وربي ظلم الكل يدري انه سارق اثاث البيت وبايعه وماخذ فلوسه ومنطمين وساكتين مغير يتبسمون له
و ماحد مره غلطه الكل يبتسم في وجه لانهن رخوم وماعندهن شخصيه كلهن منطمات وكل ماجيت افتح موضوعه وانه ماعمره ساعدنا ويحق لنا انه يصارف علينا من محله الصغير او نوقف الفلوس عنه عشان يتعدل معنا
يقولون لي ان ماله الا حنا وان محله يلا يطلع له رزقه وكلام مامنه منطق ابد
والله اقهر لما ادخل لغرفته ويهاوشني ويطردني لما اطلب منه مشوار ..ما اجيه الا ومعي فلوس عشان يركض لي …والسبب اهلي كلهم من يوم وهو صغير مشوه بذا الطريق
ولا مرا امي وكلنا حولها تقول احنا اخواته اللي بنزوجه بكرا
سئلتها اختي الكبيره وكيف نزوجه ؟…قالت إنا بكرا بناخذ له قروض 
ونشريله بيت ونلقى له بنت الحلال … وهو مغير يبتسم …قالت وحده من اخواتي إنا الحين على قد حالنا كيف تبينا ناخذ له قروض …وامي ردت انه اخونا الوحيد واذا ماوقفنا معه مين بيوقف له…وسوت لنا قضيه كبيره…والله اني متاكده انه بكرى ماراح ينفعهم والله لايرميهن …
هو مانفعنا الحين الا بمصالحه … بينفعنا بكرا …ولا بيناظرنا
وربي كرهت اهلي كلهم من سبت القذر ذا …
من كلامك انك يتيمة الاب 🙁
اختي احسن حل انك تتوظفين واهلك مصيرهم يجيهم يوم ويلسعوون منه بس اصبري عليهم
والله خواتي تفكيرهم يقهر عادينه رجال وهو مو كفووووووو >اسمحيلي
بس تصرفاته مو رجوله بس نصيحتي لك انك توعين خواتك لتصرفاته واذا راضين على تصرفاته خليهم
واطلعي من السالفه وخوذي حقك بيدك
ولا تقصرين على نفسك ب شيءء
والله يكون بعونك يااااااااااااارب
فلوسكم مو من حقه يبعزقها ع نفسه
صدقيني راح تعانون من زياده اذا ما ردعتوه وقولتو له اللي تسويه غلط وانتوا بحاجة الدراهم اللي يلعب فيها
وامك المفروض تحط الفلوس بحسابها ماتعطيه واخوات لا يعطونه صدقيني بكره لو تزوج راح تعانون زيااااااده
الله يعينكم عليه لازم تجلسون انتي وامك وخواتك وتتفقون وتحلون الوضع مايصير يعيش حياته ع حسب راحتكم وحاجتكم للفلوس
بالتوفيييييييق يا اختي