السلام عليكم ..
بصراحه ما ادري من وين ابداا
انا عمري 35 سنه متزوجه لي 20 سنه لاني تزوجت صغيره مره يمكن 15 سنه عندي سته اولاد جميله والحمد لله بشهادة الجميع ومحافظة على اناقتي وشكلي حتى لمايشوفني مع عيالي مايصدقون اني امهم ماشاء الله بس الشي هذا لم يكن له عند زوجي اي اعتباار بالذات بالسنوات الاخيره خاني مع الشغاله فوق غرفه نومي وعيالي عرفو وانهارو لان ابوهم مطوع ودايم يجلس ويضربهم على الدين !! يضربني ويضرب عياله ضرب عنيف جدا لدرجه انه ضرب ولدي الكبير بشي زجاجي وتشوه وجه ولدي وخيطوه بعدة غرز حاولت كم مره معاه اني انتحر من كثرة الظلم الي حاسه فيه واحيانا اجرح نفسي بموس وهو ودايم يحرض عيالي عليه بذات ولدي الكبير يدعي الدين ومربي دقن زي قلته ودايم يقولي انتي فاسده ور ح اتزوج وحده ثانيه صالحه !!! وانا وربي يشهد اني عمري ماسويت فيه خيانه حتى كنت مسجله بدوره تحفيظ القران بس كل هذا ماكان له عند زوجي اي اعتبار واخر شي سواه الي هيه الطامه الكبرى انه سرق بيتي بيت اعطاه لي ابويه لان ابوي الله يحفظه غني جدا واعطى كل وحده من بناته بيت فقام زوجي المطوع باخذ بنتي وولدي بالقوه وبالتهديد الي المحكمه وزور البيت وكتبه باسمه طبعا بعد ماسرق صك البيت من غرفتي
انا ما اقولكم حكايتي عشان ابرر خيانتي بس حابه اقولكم حياتي بصفه عامه عشان تكون الصوره واضحه
تعرفت على واحد في النت ارتحت له مرره واول مره ارتاح مع احد زي كذا جلسنا يمكن سنه بس نسولف بصراحه كان بقمه الادب والاخلاق انسان ماقد شفت مثله بصراحه حسيته قريب مني لاتقولون اني جاهله ولا قمت اراهق انا لي بالنت يمكن عشر سنوات وكنت اسمع قصص التعارف وكنت اشره على اصحابها ولاتوقعت بيوم اني بكون علاقه مع احد بس مدري كيف التقينا وارتحنا لبعض انا اعرفه اللحين يمكن لي سنتين وبصراحه حبيته بكل معنى الكلمه واول مره بحياتي احب لدرجة اني ابكي واقول ليه ماتزوجت الانسان هذا بدل زوجي الظالم ياااما بكيت وهوه بعد حبني حب صادق وتمناني زوجه له وبصراحه عشت معاه بالرسايل مثل الازواج شاف مني كل شي وتعريت عنده وهو تعرى عندي مثل زوج وزوجه بالظبط بس وجهي لا ادري انه غلط الي اسويه بس والله حبيته حاولت ابعد عنه ماقدرت حسيت اني كاارهه كل شي حاسه اني بموت وحتى ادعي ربي انه يكون زوجي بالحقيقه وهو بعد مايقدر يستغني عني ويبكي من حبه لي بس انا كذبت عليه عشان خفت يتركني وقلتله اني مطلقه وعمري 30 بس انا ادري اني الي اسويه غلط وحرام بس حاولت ابعد حاولت انهي العلاقه ماقدرت ضعيفه مرره قدام حبه عطوني حل عندي صوره كلهااا اطالع فيها وابكي ايش الحل تمنيت اني ماعرفته تمنيت ان زوجي ما اهملني وسويت الي سويته تمنيت اني اتوبه واموت ارتاح من الدنيا هذي اماانه لاتخلوني لوحدي …اشكركم
اجلسي مع نفسك جلسة صادقة وضعي النقط عالحرف ,, وهل انتي ضامنة ان تطلقتي من زوجك ان صديقك راح يتزوجك ؟؟؟؟
انا من رايي ان هالشخص الصديق كذاب حتى لو اظهر لك انه مايسمع فيك ويموت عليك لكن كزوجه لايفكر بك
نصيحتي اتركي صديقك ولا تفكرين فيه ,,, ودخلي احد من اهلك يتفاهم مع زوجك عشان يعاملك بالحسنى
والا الطلاق ارحم من هيك عيشه مع هالزوج
الله يريح بالك ويلهمك الصواب
اللهم اجرنا في مصيبتنا خيرا