السلام عليكم ورحمه الله
اولا انا مغتربه في بلد اجنبي مع زوجي وعندي بنوته عمرها 3 سنوات و3 شهور… قررت ابعثها للحضانه يومين بالاسبوع لمده 4 ساعات الى 5 ساعات حتى تتقوى شخصيتها وتكون اصدقاء … لانه بحكم الغربه لا املك الكثير من الصديقات وحتى اطفالهم باعمار بعيده عن بنتي وبخاف تصير منعزله … لانه حتى لما نلتقي مع اطفال ما بحسها بتتفاعل منيح معهم….
المشكله الان انه ما انسجمت بالمره مع الاطفال او حتى المدرسات!!!
ببعتها بتبكي وبرجع اخدها وبتكون تبكي برضه!!!
الها الان مده شهر عالحال هاي
شو اعمل ؟؟؟ شو بتنصحوني؟؟؟؟
اطلعها منها؟؟ او اخليها وبتتعود
انصحوني شو اتصرف؟؟؟
الله يجزاكن الخير
انصحك لما توديها قولي لها لو مابكت اليوم وكانت مؤدبة ستهدينها شيئا تحبه وانها ان بكت ستحرمينها من شيء تحبه وكلميهم في الحضانة يهتموا بها اكثر والا غيري الحضانة
يبكوون لما يروحوا مكان جديد عليهم ،،،، وخصوصا امهم بعيده عنهم
هو يمكن فترره وبتتعود
انتي قولي لها لما بتوصليها للحضانه انه راح اخليك شوي هنا وبعدين ارجع اخذك
خذي معك مثلا كيك او بسكويت لما تاخذيها تعطيه اياه ،،،، وقولي لها اذا صرتي ماتبكي
راح اشتري لك لعبه اواي شي تحبه ~
الله يخليها لك
انصحك بفتره اكثر وشوفي اذا كانت نفس الحاله
الاحس تنفصل عنها
يبدو ان ابنتك كانت انطوائية منذ صغرها
يعني ما كنتي بتخرجيها لخروجات و زيارات لعائلات او لاطفال
يعني ما كانت بتندمج كتير مع العالم الخارجي او تتأقلم مع غيرها
لذلك طبيعي تكون خائفة و تبكي اختي
لذلك عند وصولها للحضانة خليكيشوي معها يعني خليها تشوفك من بعيد
و تكلمي مع المدرسات و المعلمات و خبريهم بحالتها ليجعلوكي متواجدة بعض الشئ
كمان لما ترجعوا للبيت تكلمي معها بطفولية بلغتها و خبريها ان مثل ما البابا بيروح عمل و شغل و انتي بتعملي بالبيت او تشتغلي لازم تكون كبيرة و تعمل و تروح للحضانة
ارجوكي كوني معها و تعاوني معها علي حب الحضانة و تبسيط مفهومها لها
مع حبي
"مينو"