مرحبا يابنات سيدتي الغاليات
انا قصتي طووويله لاكن ابي اختصرها وابي منكم توجهوني وتنصحوني وتدعون لي
انا ابوي طلق امي من ولادتي لان امي صابها مس بالنفاس وصارت تهرب من البيت وتخلينا وابوي كان يجيبها ويطقها لين يغمى عليها وبالنهايه طلقها انا وداني لخالتي تربيني مع عيالها وهو تزوج انا من رحت لخالتي ماشفت ابوي ولاامي ولاسمعت حتى صوتهم لين وصلت لعمر 16 سنه كنت اشوف ابوي بكرت العايله بس واتمنى يجي يشوفني يسئل عني المهم بعد هالسنين قالو ابوك جاء يبي ياخذك معاه وفرحت فرح من قلب ورحت معاه بدون تردد لاكن الصدمه من الي لقيت لقيت زوجت ابوي حاقده قدامي حتى خواتي لاجيت اتكلم معهم تخزهم بعينها ويتركوني ويطلعون من الغرفه المهم ان ابوي جاني وقرط على 5 الاف وقال جهزي نفسك الاسبوع الجاي تزوجين انا انهرت وهربت من البيت ولقوني الشرطه وقضايا مالها تالي وانو البنت لازم تروح مع ابوها انا رضخت للامر الواقع والله كنت صغيره حتى التجهيز مااعرفله بعد اسبوع زفوني والصدمه لمن شفته طلع شاااااايب يابنات وجلست معاه 3 شهور وصار عليه حادث واخذني ابوي وقال لازم تتركينه هذا خلاص ماراح يقدر يمشي انا رفضت وبعد 6شهور طلع زوجي من المستشفى وهربت له ومن ذاك اليوم وابوي محرم يسلم علي لاني كسرت كلمته زوجي ربي عوضني فيه طيب وابن حلال وجبت منه 4 اطفال الحمدلله المهم يابنات ابوي طلق زوجته ورحت له برمضان وسلمت عليه ورضى عني وجلست عنده على اساس اسوي فطوره له لاكن الصدمه اني اكتشفت ان ابوي مايصلي ولايصوم وانا اشتغل بالمطبخ دخل علي ويبغى يعتدي علي وانا صايمه تخيلو المهم دافعت عن نفسي ودقيت على زوجي وخذاني بدون ماقلت له الاسباب انا صرت اكره ابوي ومااحب اروح له رحت له بعيد الضحيه ابي اسلم عليه ورفض يسلم علي يبيني اجلس عنده اشتغل له وانا خايفه من بعد الي صار قلت لزوجي خله يجي يسكن معنا بالبيت بس هو رافض وهو الحين رجعت زوجته بس مايبي يسلم علي ويقول لاتطبين بيتي ووزوجي يقول لاتروحين له هذا كافر مايخاف الله ولازم تسمعين كلمتي انا تعبانه نفسيا اخاف ادخل النار بسبب قطاعتي لابوي انصحوني
الله يكون بعونك
اذا خايف على نفسك من ابوك ماله داعي تروحين
سلام سلام من بعيد و الا ارسلي عليه رساله بالجوال
لاتخافي ان شاء الله مابتدخلي النار لانك قطعتيه شوفي قصة نوح عليه السلام لمن خاطب الله عز وجل عن ولده انه من اهله بقوله تعالى َﯾَا نُوحُ إِنَّهُ لَﯿْسَ مِنْ أَهْلِكَ إِنَّهُ عَمَلٌ غَﯿْرُ صَالِحٍ فَﻼَ تَسْأَلْنِ مَا لَﯿْسَ لَك (بِهِ عِلْمٌ إِنِّي أَعِظُكَ أَن تَكُونَ مِنَ الْجَاهِلِﯿنَ )46( )هود
قال القرطبي -نقﻼ عن شﯿوخه من العلماء- وهو الرأي الذي نؤثره: كان ابنه عنده -أينوح مؤمنا في ظنه، ولم ﯾك -نوح ﯾقول لربه: )إِنَّ ابُنِي مِنْ أَهْلِي( إﻻ وذلك عنده كذلك، إذ محال أن ﯾسأل هﻼك الكفار، ثم ﯾسأل في إنجاء بعضهم. وكان ابنه ﯾسرّ الكفر وﯾظهر اﻹﯾمان. فأخبر الله تعالى نوحا بما هو منفرد به من علم الغﯿوب. أي علمت من حال ابنك ما لم تعلمه أنت. وكان الله حﯿن ﯾعظه أن ﯾكون من الجاهلﯿن، ﯾرﯾد أن ﯾبرئه من تصور أن ﯾكون ابنه .مؤمنا، ثم ﯾهلك مع الكافرﯾن
وثمة درس مهم تنطوي علﯿه اﻵﯾات الكرﯾمة التي تحكي قصة نوح وابنه. أراد الله سبحانه وتعالى أن ﯾقول لنبﯿه الكرﯾم أن ابنه لﯿس من أهله، ﻷنه لم ﯾؤمن بالله، ولﯿس الدم هو الصلة الحقﯿقﯿة بﯿن الناس. ابن النبي هو ابنه في العقﯿدة. هو من ﯾتبع الله والنبي، ولﯿس ابنه من ﯾكفر به ولو كان من صلبه. هنا ﯾنبغي أن ﯾتبرأ المؤمن من غﯿر المؤمن. وهنا أﯾضا ﯾنبغي أن تتصل بﯿن المؤمنﯿن صﻼت العقﯿدة فحسب. ﻻ اعتبارات الدم أو الجنس أو .اللون أو اﻷرض
بس برضه مايمنع انك تشتري كتب نصح عن الصلاة والترغيب فيها وكتب عن الجنة ونعيمها
يعني اشتري كتب ترغيب وليس ترهيب واهديها له مع عطر حلو وسبحة وسجادة وتكوني سويتي اللي عليكي والاهم تدعيله ياقلبي ان الله يهديه لطريق الاسلام الصح وهو اذا بدا يخاف الله بيركظ لكي يستسمح منك
انا موقصدي اقسيكي على والدك. ..لا لا لا. ..بس لان قصتك حزينة وحبيت اخفف عنك
الله يصبرك ويعينك وجميع امة الاسلام امين
الله يفرج همك ياااااااارب ويكون بعونك وان شاء الله البنات يفيدوكي
وقولي له أنا إبنتك وكل الآباء يحبون أبنائهم ويعامولنهم أحسن معاملة فعاملني مثلهم
موفقة