السلام عليكم صديقاتي العزيزات
مشكلتي انا مبعوثة ادرس دكتوراه برا في بلد غربي والحمدلله على كل حال.. عندي ولدين اعمارهم 3 سنين والثاني 6 أشهر
وزوجي مرافق ما يدرس في الجامعة بس يدرس في البيت انجليزي ورياضيات عشان لازم يقدم امتحاانات القبول ويحاول يلتحق في البعثة
المشكلة لما كنت حامل في ولدي الصغير كنت حابة اجيب امي عندي أو أم زوجي تساعدني شوي.. بس كنت مترددة بسبب الظروف المادية والبيت صغير.. بس قلت ممكن
قلت لزوجي يقول لأمه أول واذا ما رضيت تيجيني اقول لأمي.. وأم زوجي حرمة كبيرة وزوجها تعبان شوي وكنت عارفة إنها ما تقدر بس قلت عشان ما تزعل
اتصل زوجي وقال لأمه تفضلي زورينا وشوفي البيبي الجديد ومن هالكلام وهيي اعتذرت انها ما تقدر.. اخت زوجي كانت عندها في البيت وزوجي كلمها وقاللها بما إنها أمي ما تقدر تيجي انتي تعالي …. وأخته ما صدقت نفسها قالت ما عندي مانع بس خليها في الصيف ما ابي اجي اثناء الولادة عشان أتفسح شو رأيك 
؟؟؟؟ قاللها زوجي حياك الله.. قالت خلاص أنا جاية بس اكلم زوجي واردلك خبر
وفعلا بعدها بكم يوم اتصلت وقالت أنا جاهزة وبجيك أنا وبنتي الصغيرة وولدي الكبير 14 سنة!!! 
بصراحة أنا كنت تعباااانة جدا بالدراسة والدوام والحمل والبيت وبيتنا صغير جدا يعني ساكنين في صالة وغرفة نوم واحدة بس والراتب يالله يالله مكفينا.. وزوجي حس بالمأساة وتندم إنه عزمها.. وأنا كنت معصبة وقتها وقلتله انت عارف ما في امكانية ليش تعزمها؟
المهم اعتذر منها وقاللها ظروفنا الحالية ماتسمح واذا سمحتي اجلي الزيارة شوي واذا انحلت مشاكلنا نكلمك ونجيبك.. هذا الكلام من 8 اشهر تقريبا وما تغير على وضعنا شي
ياربي كلمتنا قبل كم يوم وقالت إنها تبي تيجي هيي واولادها تعلمهم انجليزي.. ما اعرف يعني الموضوع احراج وللا شو؟؟؟ وزوجي قاللها أهلا وسهلا وما في مشكلة
زوجي بصراحة متضايق من اللي صار بس ما عرف يرد عليها واحرجته .. وأنا بصراحة وضعي يرثى له.. يعني اسهر في الليل واداوم في النهار وارجع انام شوي واطبخ اشياء سهلة ومو كل يوم على الماشي وبصراحة ما في مجال استقبل احد.. أنا ما اكرهها والله شاهد علي بس ما في امكانية ولا فضوية اني اقعد معها واستقبلها مثل الناس.. وزوجي بعد مشغول في دراسته لامتحانات القبول.. والبيت صغيييير وما في مجال نغيره حاليا بسبب الوقت والأمور المادية!!!! شو رايكم؟؟ كيف اقنع زوجي يعتذر منها وشو يقول؟ ساعدوني أخواتي
|
المشاركة الأصلية كتبت بواسطة اخلاقي عاليه
 انا رايي ان تتحمليها قليلا وهي لوحدها عندما ترى ظروفك لن تطيل البقاء عندكم وستخجل من نفسها خصوصا ان ابنها شاب وربما هو يطلب منها العوده فالشباب لا يتحملون مثل هذه الاوضاع وانتي في صلاتك توجهي الى الله وقولي يارب اشغلها بنفسها عن المجيء الينا وان شاء الله تسير الامور كما تريدين والله الموفق
|
الله يخليكي اختي وشكرا على طيبتك وردك المحترم.. والمشكلة لو هي جاية كم يوم ما عندي مانع انيمهم في الصالة مثلا وادبر حالي في الدراسة.. واقوللها كونك مو مطولة سامحينا هذا بيتنا وهذا وضعنا.. بس المشكلة هي جاية الاجازة الصيفية للمدارس يعني مو اقل من شهر.. وبالتالي ما اقدر انيمها في الصالة وما اقدر اني ما اقوم بواجبها كما ينبغي… وأنا اذاكر في الصالة في الليل؟؟ كيف اذاكر وهيي واولادها نايمين وعندها ما شالله ولد بالغ.. بعدين لاسمح الله ممكن تفهمني إني ابغي اطفشها لأنه زوجي قاللها اهلا وسهلا.. وأخاف تصير مشاكل وانا والله حريصة جدا على علاقتي مع اهل زوجي تكون طيبة
رح ادعي في صلاتي انها لحالها تعرف وما تيجي…. وشكرااااااااا اختي
أو يكلمها زوجك بصراحه …….
الله يوفقك
|
المشاركة الأصلية كتبت بواسطة شرقية الهوى
الله يعينك يمكن تجي فترة ومثل ماقالت الاخت تحس بوضعكم وترجع
أو يكلمها زوجك بصراحه ……. الله يوفقك |
الله يخليكي عزيزتي.. كلامك وكلام الأخت اللي قبلك عين العقل.. بالنسبة إنها تيجي وترجع فيها مشكلة لأنها التذاكر غالية.. ويمكن تزعل لأنا ما قلنالها..
أنا مع رأي إنه زوجي يكلمها بصراحة…. يعني يقوللها بيتنا وظروفنا الحالية ما تسمح ولو تسمح حياكي الله على العين والراس
"واذا قيل لكم ارجعوا فارجعوا"
الله يوقف معك و يسعدك يا رب و يفتحها بوجهك و تنجحي وتحصدي ناج تعبك و سهرك و تصيري دكتورة قد الدنيي
احييك يا اختى على جهادك الرائع مع الحياة وادعوا الله من كل قلبى ان يعينك وراى ان زوجك يصارحها قبل ما تيجى ويمكن هى تحس بظروفكم وما تيجى 