بسم الله الرحمن الرحيم
كيفكم حبيباتي ان شالله تمام 
انا عندي اخت من ذوي الاحتياجات الخاصه عمرها خمس سنين ماتقدر تمشي ولاتتكلم حتى مانقدر نعرف وش فيها ماخلينا مستشفى ولاشيوخ الا ورحنا لها بس الحمدلله ع كل حال الجنه خير وابقى ربي اراد لها الخير في الدنيا هو اللي خلقها وقادر انه يشفيها بامره اذا قال لشيئ كن فيكون الحمدلله الحين نراجع فيها في مستشفى التخصصي بالرياض وقالوا عندها متلازمه ماحددوا نوع المتلازمه لان التحاليل باقي ماجات بس قالوا ان مرضها بالدم قالوا لازم علاج طبيعي ثلاث ايام بالاسبوع ومركز تاهيلي ومحايل عسير مافيها هالمراكز اقرب مركز يبعد عننا 180 كيلو وابوي كبير مايقدر كل يوم ع هذا المشوار وماعندنا اخوان كلنا ست بنات اللي تقدر توصلني لمسؤل او مسؤوله بالتنميه الاجتماعيه اكون ممنونه لها واي وحده تقدر توصلني لناس مسؤولين لها الأجر من رب العالمين 
