بسم الله الرحمن الرحيم
السلام عليكم ورحمة الله وبركاته
اليوم حبيباتي جيبالكم طريقتي في الكشري المصري
طبعا الكشري طبق شعبي ومحبب جدا جدا في مصر بلدي الغاليه ربنا يكتبلي زياره ليها قريب يارب
طريقتي مختلفه شويه بس ان شاء الله هاتعجبكم
المقادير
هانحتاج رز -عدس اصفر -عدس بجبه -شعيريه -زيت -مكرونه مسلوقه -عصير طماطم-صلصه طماطم-ثوم مفروم-حمص حب -كمون-ملح-خل-بصل شرايح
الطريقه
اول شيء هانسوي البصل نقطع البصل شرايح
نضع عليه رشه ملح خفيفه وملعقه صغيره دقيق ونقلب كويس
نحمره في الزيت ونزود الزيت شويه علشان هانحتاجه في عمل الكشري لاحقا
ده شكل البصل بعد التحمير الملح والدقيق بيخليه مقرمش وما يطري ابدا
اللحين نبدا في العدس ابوجبه
ناخد شويه زيت من اللي حمرنا فيه البصل ونضع عليه بصله صغيره مقطعه صغير ونقلبها لغايه ما تدبل شويه
ثم نضع عليها العدس بعد ما نكون غسلناه كويس وننقعه ربع ساعه
ونقلب كويس ونضيف عليه شويه كمون وملح ونقلبه شويه
نضيف علي العدس مويه مغليه يادوب نغطيه يعني اكننا هانسوي رز لاننا ما نبغاه فيه مويه لما يكمل سواه ونسيبه علي نار هادئه
هنا بعد ما نضج تماما وطعمه يميييييييي يتاكل لوحده من غير اي شيء
بالنسبه للحمص بسويه بطريقه مختلفه شويه يعني بعد ما بغسله وانقعه ساعه او اكتر بضيف عليه المويه واحط معاه بصله صغيره وحبه طماطم صغيره وحبتين هيل وورقه غار واسيبه لغايه ما يستوي تماما براحته
يتبع حبيباتي 
هانحتاج رز مصري مع عدس اصفر ويكون الرز ضعف العدس يعني لو هاتسوي كاسه رز تسوي نصف كاسه عدس
نحمر شعريه في شويه زيت من اللي حمرنا فيه البصل قبل
بعد ما اتحمرت الشعيريه نضيف عليها الرز والعدس بعد ما غسلناهم كويس ونقلب
ونضيف المويه حق الرز مويه مغليه يادوب نغطيه علشان لا يتعجن معانا
ونظبط الملح ونسيبه علي نار هادئه حتي ينضج تماما شوفوا ماشاء الله كيف شكله
اللحين نيجي للصلصه
نحمر الثوم في الزيت حتي يكتسب اللون الذهبي الحلو
ثم نضع عليه عصير الطماطم وملعقه صلصه طماطم ونسيبهم علي النار حتي يتسبكوا وطبعا نضيف ملح وكمون والصلصه تكون متوسطه الكثافه يعني مو خفيفه مره
ناخد شويه ثوم نحمرهم في الزيت ونضيف عليهم شويه عصير طماطم وفنجان خل وملعقه كبيره شطه ونسيبهم ياخدوا غلوتين
وقت التقديم هانجيب الطبق اللي هانقدم فيه ونضع الرز ثم نضيف عليه المكرونه اللي سلقنها وعليها العدس والحمص والبصل مثل الصوره
وناخد من كل نوع سويناه في اطباق جانبيه للي يحب يزود
اما بالنسبه للحمص طبعا بناخد شويه منه ونجمل بيه طبق الكشري مثل ما سوينا
والباقي ناخده منه بالمويه حقه ونضعها في كاسه ونضيف عليها عصير ليمون وشطه وكمونونظبط الملح طبعا واستمتعي باحلي حمص شام مع طبق الكشري
اممممممممممممممممم
وده طبق لاول واحده بترد
وطبق كمان يا حلوين
ان شاء الله عجبتكم الطريقه
جربوها طعمه مميز جدا روووووووعه احلي من المطاعم وانظف
في امان الله وحفظه ورعايته
اختكم ام يوسف
فعلا مختلف بس اكيد شهى تسلم ايديكى
ومصر وحشتنى جدااااااا لما تروحى خدينى معاكى 🙂
يقيم ويستحق الشعار
بس فى كم صوره كبيره ياريت تصغريهم
يسلموووووووووووو،،
والكشري اكله الكل يحبها
طريقة مميزة
وانا ما أكلت الكشري نهايئا واتمنى اذوقه في مصر
بس الصور الكبيرة ياريت تصغريهم
شكرا على الاكله الشعبيه للمصريين
بصراحه طريقه مميزه وراااااااااااااائعه اكيد بجربها