أخواتي العزيزات
بداية لا أعرف كيف أشكركم وأشكر أصحاب المنتدى على اتاحة هذي الفرصة لطرح مشاكلنا بخصوصية واهتمامكم بحلها فكما تعرفون نحن النساء نحتاج من نفضفض له ولكن اين نجد الشخص الثقة الذي نفضفض له براحة ودون ان نخاف ان يفضحنا .. فجزاكم الله خير الجزاء .. جزاكم الله خير الجزاء .. جزاكم الله خير الجزاء .. والله انها دعوة خالصة من أعماق قلبي ..
القرار اللي قررته يا أخواتي وأريد منكم ان تشجعوني عليه
أني **قررت أن أسامح زوجي على كل ما سبب لي من آلام وصدمات نفسية وعاطفية
خلاص تعبت تعبت تعبت
أريد أن أعيش مرتاحة
أريد أن أنتبه لعلاقتي بربي
أن أركز على عبادتي اللي هي سعادتي الحقيقية
كنت أظن أن الوحدة اذا تزوجت ،، كما أنها تتعلق بزوجها ،،كنتاظن انه حتى هو راح يتعلق فيني
لكن انصدمت
يحبني صح
يموت علي صح
لكني مو بالمرتبة الاولى عنده مثل ما انا حاطته بالمرتبة الاولى عندي ..
بينما هو ،، اهم شي عنده ( نفسه ) ( نفسه ) وبس !!
اهم شي وناسته وربعه
انا بحثت كثير في هذا الموضوع ولقيت اغلب الرجال كذا
فقلت خلاص لازم استسلم للامر الواقع
انتظرته سنين وسنين توقعت انه بيفضى لي ويحن علي
لكن مادام هذا طبعه
والزوجة بالنسبة له بس عشان تمسك البيت وتجيب عيال وتربيهم
فمالي الا تقبل هذا الامر
المشكلة انك اذا تجاهلتيه وسويتي مثله راح يدور غيرك يقول ما عطتني وجه
لكن قررت اني اكون الزوجة الصالحة
أأدي الواجبات اللي علي اللي الله أمرني فيها
مو عشانه هو
لا
عشان ربي يرضى عني
عشان يقال لي ادخلي الجنة من اي ابوابها شئت
خلاص يازوجي العزيز
تركت لك الدنيا اتهنى فيها
روح لاصحابك مثل ماتبي
سافر وانبسط مثل ما تبي
اشبع بالدنيا مثل ما تبي
اشبع طلعات وسفرات وربع ..
لكن ، بيجيك يوم اذا كبرت وضعفت واحتجت ،، بتدورني ،، انا وعيالك اللي ما دريت عننا ولا رضيت تتفقد حاجاتنا ولا راعيت مشاعرنا..
روح الله يسامحك
الله يسامحك
لكن انا
سأكون قوية بايماني
قوية بالاستعانة بربي
وبقوم بواجبي
وبستمر برعاية بيتي ( بيتك ) وعيالي ( عيالك )
ومن غيرك
لكن الله معي
الله معي
الله جل جلاله بعظمته وسلطانه وقدرته معي
سأصبر لان الله وعد الصابرين بقوله : " إن الله مع الصابرين "
وأنت يازوجي استمممممتع
استمممممتع
اجمع المال وروح وسو اللي تبي
وانسى ان عندك اسرة الله سبحانه هو اللي أمرك بالقيام بمسؤوليتها وسيحاسبك الله يوم القيامة يوم لن ينفعك أصحابك ولا مالك ولاقوتك ولا سلطتك اللي مغتر فيهم وشايفنا نحن زوجتك وعيالك ما نستحق ولا نسوى شي ..
رووووح خل دنياك تنفعك …
والله يغنينا عنك وعن حاجتنا لك ..
ونا يا حبيبتي ماشيا علا هاذا النظام وحياتي كله امل في امل
وسعاده الحمد الله علا كل حاال
وعلا قوولتك
خليهم يستمتعون في الدنيه وحنا لنا الأااخره
الجنه احلي واجل وامتع بكثيرررررررررررررر من الدنيه
الله سبحاانه واعدناا فيها
لا اله اله الله
فعلا الحياة لاتستحق كل هاالصعوبات
شوفي أنا تعلمت من دكتوري طارق الحبيب
في الحياة إما تنتصر لمبدأ أو تنتصر لنفسك في الأول الله وكيلك وفي الثاني نفسك اللي تتعب وإنت ترضيها
وإنتي جربتي تنتصرين لنفسك والنتيجة ماتغير شيء بس ضياع وقت وتلف أعصاب ومايمك أحد
واللحين راح تنتصرين للمبدأ وثقي تماما الله وكيلك
يعني من اليوم راح تنامين وإنتي مرتاحة والأهم من هذا كله تربيتك لأولادك
اللي بكرة راح يكونوا رجال وأزواج في المستقبل بإذن الله إهتمي فيهم وأتعبي عليهم من كل النواحي ولاتخلين مأسأتك تتكرر مع زوجات أولادك
وعلميهم الأشياء اللي كان ودك زوجك يبادلك فيها وإنت كفؤا لها بإذن الله..
وكان ودي تكتبين موضوعك في أحد الأقسام الأخرى عشان الكل يستفيد ..
(دعواتي تحتويك )
ويصرف عنك الشر يالغلااا ..
…
|
المشاركة الأصلية كتبت بواسطة vittamin c
 يعطيك العافية غلاتي
فعلا الحياة لاتستحق كل هاالصعوبات شوفي أنا تعلمت من دكتوري طارق الحبيب في الحياة إما تنتصر لمبدأ أو تنتصر لنفسك في الأول الله وكيلك وفي الثاني نفسك اللي تتعب وإنت ترضيها وإنتي جربتي تنتصرين لنفسك والنتيجة ماتغير شيء بس ضياع وقت وتلف أعصاب ومايمك أحد واللحين راح تنتصرين للمبدأ وثقي تماما الله وكيلك يعني من اليوم راح تنامين وإنتي مرتاحة والأهم من هذا كله تربيتك لأولادك اللي بكرة راح يكونوا رجال وأزواج في المستقبل بإذن الله إهتمي فيهم وأتعبي عليهم من كل النواحي ولاتخلين مأسأتك تتكرر مع زوجات أولادك وعلميهم الأشياء اللي كان ودك زوجك يبادلك فيها وإنت كفؤا لها بإذن الله.. وكان ودي تكتبين موضوعك في أحد الأقسام الأخرى عشان الكل يستفيد .. (دعواتي تحتويك ) |
كلامك بلسسسسسسسسم للروح
اشكرك
انا استفدت كثيرا من ككلمااتك اختي
ساحاول اطبقة في حياتي البائسة