السلام عليكم ورحمة الله وبركاته
اخواتي الحبيبات .. بداية أرجوا كل من تمر صفحتي تدعوا لي
دعوة في علم الغيب ولها مثلها عند رب العالمين …
غاليتي.. بي من الهم مالا يعلمه الا الله ..
موضوعي كما هو واضح من العنوان ..
انا ام لثلاثة اطفال
ابني 13 سنه في سن المراهقه (هو أكبرهم)ويشهد الله تعالى اننا نحاول جاهدين
انا وابوه ان تعدي هالمرحله على خير
دايما نذكره بالله ونخليه يحفظ قران كريم
ويستمع الى خطب ومحاضرات عبر النت …
وندعي له بالصلاح والهدايه هو واخوانه
ونحاول نتعرف على اصحابه…
احنا في الغربه يابنات ويشوف الحريم هنا((لابسات حدّث ولا حرج))
ودايما نقوله انت غض بصرك واتق الله وبس ..
ما شريت له جوال لاني خايفه عليه من رسايل البلوتوث ومن ومن…
ولان المدرسه اللي يدرس فيها مختلطه ..اخاف يتكلم مع اي وحده
ويصير اش شي مو زين ونندم..
مالكم بالطويله … كان عندي شغاله تجي باليوميه..
تنظف وتروح بيتها ..وعادي على ذا الحال فتره طويله ..
الى اخر اسبوع ماجت ..ورسلت لها مسج ماردت
انا ىقلت عسى خير..
اليوم الثاني تجيني صديقتها تتكلم شوي انجليزي
وتقولي ان ابني فلان الاسبوع الماضي كان يمسك الشغاله ذيك مع صدرها وفي ذاك المكان((تعرفونه))
انصدمت يابنات والله ماقدرت اوقف على حيلي..
والشغاله هذي تجي عند جاتي تنظف لها واأكده انها قالت لها
انا لله وانا اليه راجعون
الولد من ناحيه ونظرت جارتي لي وموقفها وش راح يصير ؟؟؟
يابنات خايفه على ولدي وما ادري كيف اتصرف
اكيد باعلم ابوه … وراح يضربه ..
بس قولوا لي كيف افهمه ان ذا الشي غلط كبير
اهو فاهم بس كيف اغرس فس نفسه الخوف من الله ومحاسبة النفس
عجزت والله عجزت ….
حسيتني كارهه الحياه …
اللهم لااعتراض …..
بالله عليكم لاتبخلون علي بالرد
يمكن وحده مر ابنها بنفس المرحله تفيدني…
اشيروا علي لاعدمتكم
واللي ماعندها شي أسألها بالله لاتبخل على ولدي ولو بدعوة ان الله يهديه ويحصن فرجه
عسى ربي يسهل على كل من ترد امورها ويصلح بالها
اعذروني عالاطاله بس والله تعبانه
وياليت الادارة تنشر موضوعي
بس حبيت ادعي له الله يحفظه ويحصن فرجه يااكريم
ان شاءالله الاخوات يساعدونك
اولا//قولي لاابوة ولا تسترين عليه خلي ابوة يضربه ماراح يموت بالعكس الضرب نوع من انواع التاديب
ثانيا//انتي فهميه انك لو سويت الناس ماراح تسكت وراح تفضحك مثل مافضحتك الشغاله
ثالثا //فهميه عقوبه الزنا عند ربي انه نااار من تحت واسع ومن فوق ضيق زي التنور لايدخله الا الزناااه ويضربونه الملاائكه بمقامع
رابعاا//فهميه الامراض اللي تؤدي لموت مثل الايدز والهيربز اللي ماله علااج يعيش ايام معدوده ويموت
خاامساا//حفزيه ان كل ماغض نظرة وماتحرش في احد ان الله يعطيه اجر اكبر والسبب قوته في نفسه وانه اخزى الشيطان
وحبيبتي حاولي تذكريه ان اذا سويت بالناس ترضى احد يمس امك او اختك او عماتك
وخليه يتعوذ من الشيطان وان الشيطان يوزة واذا وزة لازم يتعوذ منه لاتمكنه اللي يبيه بل يخسيه ويخزيه والله يخليه لك ان شالله
والله يا اختى ما بعرف يمكن الاخوات يفيدونك انشاء الله
هل فعلا ولدك سوا ذا الشي او لا ،بما انك تقولين ان صديقتها هيه اللي
قالت لك ، ياعزيزتي دام الموضوع قيل وقال لازم تتأكدين يمكن قاعدة تتبلى
على ولدك ماتدرين ،والشغالات فيه منهم الصالح والطالح والله سبحانه
هو الوحيد العالم بخفاياهم ،على العموم الله يحفظنا واياك من كل شر ،
سلامي لك 