صباح الخير اخواتي
تصدقون وانا اكتب معتقده ان مشكلتي تافهه
لان في اخوات مشاكلهم وبصراحه اكبر
شوفو خواتي
انا مشكلتي تبدا لمى تزوجت طبعا انا كنت رافضه الزواج لان زوجي وبصراحه موعكس امنياتي الاكل شي ارفضه بالرجال
اولا اصغر مني ثانيا ماعنده اي مؤهل ثالثا خارج من السجن بتهمة مخدرات رابعا انسان ماعنده اي حس بالمسؤوليه خامسا معروف بين الناس انه شخص تافه
امي كان اهم شي عندها تزوجني لاني وصلت 29
اول ماتزوجت قلت باحاول معاه يتغير
اول ماتزوجنا سحرني يابنات سحرنه بحه اهتمامه عشقه بنات والله صرت اقول لحالي وش سويت يحبني كل هالحب
خلاني تصرفه انسى كككككللل عيوبة بس قررت اساعده لانه ماكان عنده ثقه ابدا في نفسه كان على رغم العيوب اللي فوق طيب زياده عن اللزوم
وفي نفس الوقت ضعيف ماعنده شخصيه
قلت خلاص الرجال صار زوجي
بنات من كثر ماكان ضعيف صار يعاملني كاني اعلى منه واني شي ما يستاهله
ماحبيت كذا انا قاريه كثير في علم النفس وبديت احفزه اساعده اقوي ثقته بنفسه والله يبنات انها خمس سنوات لوتشوفونه الحين ماتصدقون صار له كلمه صار له شخصيه كمل دراسته في المجال الصحي والحين يطبق بنات لو تشوفنه من اول والحين تقولون هذولا اثنين
بس زواجنا واجهته عدة مشاكل خلال الخمس سنوات واول مشكله واجهتني ولاده في الشهر السابع ادت الى موت طفلي بعد الولاده بشهرين
زوجي اول كان ادائه طبيعي يعني ممكن مره في اليوم وان كثر مرتين بعد ممات ولدي صارت بالاسابيع والحين بالاشهر ومن رمضان اللي فات الى الحين مرتين
ماعاد له قوه
المهم بدا من ثلاث سنوات بالمغازلات بنات في البداية كانو مجرد بائعات هوى وبعدها
صار يعشقهم ويحبهم سوى علاقه مره مع وحده عمرها تقريبا 20
وكانت في جامعة الامير سلطان
اخذت ايميلها وسويت اضافه ودخلت معاها بنات والله اني ما هزئتها ولا شي تكلمنا بغيت اعرف شاللي فيها ماهو عندي
طلعت صغيره
وحبوبه تكلمة عن مشاكلي عن زواجي من غير ما اقولها من زوجي تكلمت عن الرجال الخاينين عن وجع الخيانه وعن تفاهة البنات الخاينات والله انها مستمره معي وهو تركته سوته بلوك
والله من غير ما تدري الى الحين منين انا ومين زوجي
بعدها زوجي ظل من وحده لوحده الى ان طاح على وحده من الرياض
توها بالثانوي يعني عمرها 17او 18وتخيلو كيف عرفت انه حابها صارت اغنيته المفضله حبيت انا صغيرون
دخلت الايميل وحاولت اسويلها اضافه بس ابد ما قبلت وعلاقتهم الى الحين لها 5 شهور على حد علمي
بنات صار يدور عيوبي
صار يشوف بيني وبينه فرق صار يقول انصدمت لمى اكتشفت انك اكبر مني ب5 سنوات منت اضن سنه ولا سنتين
صرت احي اني ناقصه بنات تخيلو طول اسنين احاول امتص حزنه والمة واساعده صار الوضع معكوس النفسيات السيئه اللي كانت عنده لمى اتزوجنا صارت عندي والثقه اللي كانت عندي صارت عنده
حسيت اني مكسوره المشكله اني لمى طلبت منه الطلاق رفض وقالي انه يحبني
بس وقته كله لصغيرونته من يجي من الدوام نت او تليفون وانا جيبي لي وهاتي لي
ما ينام الابعد صلات الفجر يعني لمى اروح الدوام لاني موظفه على بند الاجور
لنى اقوم افتح جواله بنات كاني ابغى اقهر نفسي ع الصبح اشوف رسايله لها احبك موووووووووووت
ياطبيبي يابلسم جراحي وش جراحه يابنات والله انه اللي جارح وقاتل
لاحد يقول واجهيه تراه صار وقح بيتهاوش معاي عشان تدخلت في خصوصياته صار عنده قوانين غير قوانين الناس زوجي الحين عمره 30 وانا 34يعني ماهو ذاك الفرق
لكنه بدى يشوفه فرق
بنات عارفه راح تقولون الرجال كلهم صارو كذا بس والله يذبح ويحرق الجووووووووووووف الخيانه والغدر
بس اذا تبغي تستمرين معه ادعيله بالهدايه
اليوم مثلا انا ابغا اسافر الرياض يومين مع هلي بنات شوي ويطردني من البيت متى بيجون اوديك لهم ترحون من مره
بنات ترى انا اواجهه بس باسلوب استهزاء احيانا
مثلا لمى تجيه مكالمه يقول اوووووه بروح اقابل خالي عند الباب بنات ترى عارف اني عارفه بس صار يتواقح معي
بنات والله ماهاين علي غير نفسي وعمري اللي ضاع
هاين علي ان تعبي معاه وصبري يروح لوحده غيري
هاين علي انه صبرت معاه ع ايام قحط لدرجة اهملت كل ما يختص فيني ولمى طالبته يوفر لي مستلزماتي
قال ماراح احاسبك على شي الا لمى احس اني موفرلك كل شي
بتقولون وين راتبك للاسف خلاني اطيح في مديونيه مخليتني الى السنه الجاية مااستلم ولا راتب
صحيح اني صغيره بس بنصحك نصيحه
انتي كل شي سويتيه له يعني خليته يكون
رجال واخلاق واثق ويكمل تعليمه
ونسيتي تعلمينه الدين اللي هو بيكون
مانع له عن الحرام
الطلاق مهو حل وبعدين بترجعين لمشاكل
اهلك وامك يعني قبل زوجتك اي واحد
عشان كنتي بنت شلون لو مطلقه
مدري شقول بس موب متاكده
بس دامك تقولين انكم قليل تمارسون الجماع
يمكن زوجك فيه ضعف ويعوض بمعرفته
للبنات وكذا
نصيحه روحوا لطبيب
غيري شي من حياتك صارحيه
قولي ماساعتك الا عشان ابي انا وياك
نكون اسعد زوجين وان علاقاتك بتخرب ساعدتنا
وش اللي ناقصني اذا العمر هن مصيرهن
يكبرن
ولو بتخطبهن بيرفضنك لانك كبير ومتزوج
افضل البشر الرسول تزوج خديجه
وبينهم سنه مو اربع سنواات
وانتي حاولي تغيري بستايلك وتفكيرك
يعني سوي رجيم لو كنتي سمينه
قصير شعرك
تدلعين وصير كنك طفله
اعرف حريم اكبر منك وقسم لاشفتيهم تقولين
بالعشرينات
الله يوفقك يااااارب ويهدي زوجك
جددوا بحياتكم سفره حلوه او ليله فندق
مع شويت اناقه وفستان حلو
تاكلين قلبه ان شاء الله
اهملييييييه واذا شفتيه موجود كلمي با الجوال واضحكي وبيني له انك مستانسسه مره ومو مهتمه فييه
اطلعي لزميلاتك وصديقاتك استانسي خليه يفهم انه ولا شي عندك مثله مثل الكرسي
قوي علاقتك با الله اكثري من الدعاء وقراءة القران وقيام الليل ادعي ربك واستغفري كثييييييير
دعواتي لك …