محتاجة افضفض ومو لاقية الا انتوا بعد الله سبحانه بس محتاجة أحد يكلمني يرد علي يهديني ينصحني يمكن الكلام اللي بقوله سايح على بعضه يعني ممكن اتكلم عن شغلة فجأه ادش بشغلة ثانية لكن من القهر اللي فيني
انا اكرهه أمي اي أكرهها من فعايلها لي دايماً تحب تفرق بيني انا واخواني في المعاملة بشكل مو طبيعي وبشكل ملحوظ حتى اخواني حسوا بالتفرقة وكذا مره نقولها
حتى خالاتي انتبهوا وتفتخر وبكل ثقة تقول فلان وفلانه غير ما اقولهم شي ولا اعصب عليهم ( قصدها اخوي واختي ) طيب واحنا ؟ والمشكلة احنا موجودين وخالاتي يقولون لا حرام عليك والثانية تقول ما يصير
والله بأتفه الأسباب تفرق ولو قلت لكم مواقفها والله بتعب ومراح تخلص
أمي مع الأسف مجرد أسم أم لكن ما أشوفها مثل كل الأمهات دايماً تحرجني وتجرحني بكلامها بس خلاص ألحين صار عندي مناعة من كلامها الجارح بس تأثر فيني اجل في أم تقول لبنتها ( أنتي عسرة نفس ولادتك كانت أعسر ولاداتي ) وكأنه بكيفي استغفرالله مو كأن هالشي بيد الله سبحانه
كنت أتمنى أن امي تصير صديقة وحبيبة وأخت لي لكن وين ؟ ما عمرها جات وضمتني ما عمرها جات وهي تشوفني ومبين علي الضغوط النفسية ونفسيتي تعبانه تقول اشفيك ؟ شاللي فيك متضايقة ؟؟؟
حتى كلمة حبيبتي وقلبي بالحسرة اسمعها واللي ذابحني اكثر مع بنات خالاتي الصغار بس تقول حبيبتي ويا قلبي وتصير الأم الحنون وانا اطالعها وانا فيني حسرة
ولا كلمتها وقلت لها قالت احنا ما قصرنا عليك بشي كل شي جبناه لك صح كل شي عندي الحمدلله مو مقصرين علي ب ولا شي بس اهم شي مقصرين علي بالحنان انا عمري 18 سنة وبعد كم شهر بصير 19 صح يمكن تقولون كبيرة بس الحرمان صغرني محتاجة أحد يعطيني اهتمام حب حنان
هي أم وتدري وفاهمة ليش ما تتقرب لي ؟؟ وبسببها صرت عنيدة وصرت أعقها لأنها من الأول ما عطتني الحنان ما فهمت طبيعتي وشخصيتي
صار قلبي قاسي عليها مو بكيفي بس خلاص ما أحس ب مشاعري اتجاهه اذا تعبت او مرضت عادي قلبي ما يحن عليها
فوق كل هالكلام احس بعد ما فضفضت ولا قلت اللي في قلبي
ايااااااااااااااااااااكي وعقووق الوالديين
قال تعلى ((فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا ) سوة الاسراء
قال صلى الله عليه وسلم: (رضا الرب في رضا الوالد، وسخط الرب في سخط الوالد) [الترمذي]
في نااس بس تتمنى يكوون عندهاا ام ,, ونآآس بتعااني موالديهاا اكثر منكــ بس موو سبب لتعقيهاا
تقربي من امكــ بالحسني واعملي كل شيء برضيهاا قبل ان يقوت الاواان ,,
جبيلهاا هدايهاا اعمليلها كل شيء لتحصلي على رضااها ,, اكييد امكــ بتحبكــ بس انتي مقتنعه انه امكـ ما بتحبكــ ,, من هلا بتروحي على امكــ بتعتذي منهآآ تقبلي اديهاا وتطلبي لسماح ,,
وان شاءالله بتتصلح علاقتكــ مع امكــ الله يوفقك لما يحبه ويضااه