السلام عليكم ورحمة الله وبركاته
عنوان موضوعي قصدت به المتزوجات لأن عندهم خبرة أما الآنسات فحالهم كحالي
يا جماعة الخير ساعدوني الله يخليكم ويبارك فيكم
ليس عندي خبرة في أي شئ
ليس عندي خبرة في أي شئ
لا أعرف ما الملابس المطلوبة من العروسة ؟ ولا كم عددها ؟
ولا أعرف أي نوع للمكياج ولا عمري ذهبت لكوافيرة منشان أعرف نوع المكياج الملائم لبشرتي ولوجهي والألوان المناسبة لي ؟
ولا أعرف ماسكات للبشرة
ولا أعرف ما الواجب على العروسة فعله أثناء خطوبتها وفي أول ليال زواجها
ولا أعرف أنواع الكريمات للبشرة
ولا أعرف أنواع التسريحات
وأشعر أن وراي جبل محتاج إني أعرف كل تفاصيله في وقت بسيط وأنا لا أعرف أي شئ في هذا الجبل
ساعدوني الله يكرمكم ويجعلها في موزاين حسناتكم
من أين أبدأ وماذا أفعل ؟
تكفون الله يجعلها في ميزان حسناتك ساعدوا مسلمة
المنتدى كله آنسات ؟؟؟؟؟؟؟
ألف شكر للمساعدة 
شكرا لك ولحضورك
كنت أبغي آراء من سيدات مررن بتجارب حقيقية وتمنيت أن أجد رد منهن يساعدني
الموضوعات كثيرة لكن أنا كنت محتاجة آراء من سيدات مررن بتجارب حقيقية وعندهم علم أكبر من إني مجرد أقرأ الموضوعات وما أعرف وين الصالح أو الطالح من المكتوب لهذا طلبت المساعدة من خبرات السيدات لكن يبدو أني طلبت شئ غالي
شكرا للمساعدة وجزاكم الله خيرا
الموضوعات المثبته هي خير دليل
على ما مرت به كل سيدة منا قبل زواجها
وانا متزوجة ومررت بنفس الشي
انا مثلك مقبله على الزواج
ومحتاااااسه
بس انا لقيت وحده كاتبه قائمه بطلبات العروس اله يجزاها كل خير وانا محتفضه فيها
وبكتبها لك يمكن تفيدك 🙂
1-فستان الزواج ( تفصيل – ايجار- جاهز )
2-فستان الصباحيه
الجلابيات :
1-طبعا تختلف الوحده عند بيت زوجها بتسكن تحتاج كميات من الجلابيات اكثــر .. يعني من 5 الى 10 جلابيات لاتكثرووون ……وفيه بنات مايحبون الجلابيات فلاتتعبون نفسكم
قمصان النوم :
كل عروووس لاتكثر عن 15 قميص نووم لانها بتمل منهم وبعد الزواج بتشتري … طبعا يتنوعون بين الطويل والقصير وبوفتحه والرئيـــــــيسي الي حق اول ليله يكون طويل ومستر ( مايمنع يكووون دانتيل وشفاف طبعا ) ولون العرايس المعتاد للون ليلة العرس هو السكري ودرجات البيج ..
البجامات :
تنوعون بين بجامات الحرير والشورتات والبجامات القطنيه ( بتحتاجونها ايام الدوره ) وبعد لاتكثروون يعني 10 كفايه .. وطبعا مايحتاج اوصي عالسليبرز عشان نكمل الطقم >> حركات…والارواب
الملابس الداخليـــــه:
من15 الى20 طقم
ملابس البيت :
طبعا ملابس الغرفه اقصد اوالبيت لوكنتي بروحج وتتنوع بين برمودات وتنانير قصيره وحركات دلع .. اخذوا الاشياء العمليه الدلوعه (شرايكم بالتعبير) عشان تنفعكــم
ملابس السبورات :
جنزات … وتيشيرتات … قمصان كشخه وعمليه … حزامات … وماالى ذلك
البــدل والتنانير :
تحتاجين من 4 الى 6 بدل كشخه لانج من عقب العرس بتجيك زيارات كثيره وبتحتاجينها …. والي بتسكن مع اهل زوجها بتحتاج التنانير الساده العمليــه
العطورات والكريمــات :
بتااخذينلك كذا كولكشن عطور مع كريماتهم + عطور عربيه (دهن عود ومخلطات وبخور) + عطور فرنسيه+ مسك المنطقه الحساسه
الشنــــــط (الحقائب) :
العرووس تحتاج الشنط كثيــر فلازم تكون حريصه انها تنوع وتاخذ ( شنطه او ثنتين عمليات لشهر العسل + شنط سهره بالالوان المهمه مثل الاسود الذهبي الفضي + شنط ماركــات راقيــه ) ….
شنط لتجهيزاتك (طقم) + شنطة مكياج + شنطة للمجوهرات
العبــــــايات :
عدد 6 عبايات (أطقم طبعا) ( 3 راقيات للمناسبات + 3 عمليــات فيهم حركات خفيفه وممكن تفصلين وحده ساده )
المكيـــاج :
كريم أساس للسهرات ( ديور).
– كريم أساس للاستعمال اليومي ( ذا بودي شوب).
– أساس استوديو فيكس من (ماك)
– بودرة مضغوطة من (كانيبو ).
– بودرة مضغوطة للاستعمال اليومي ( ماكس فاكتور).
– لووز باودر ( من شانيل).
– مثبت مكياج ( جيفنشي).
– كريم ترطيب قبل المكياج ( هذا للحين ما اخترته ومدري شو احسن نوع).
– اللمعة دايموند باودر من ( ميك أب فور ايفير)
-الكونسيلر تاتش أوف لايت من (ايف سان لوران ).
– و الكونسيلر المتنوع الباليت الكامل من ( ميك آب فور ايفير).
– قلم الكحل الأسود من لانكوم و ماك.
– ماسكرا من استي لودر.
– و ماسكرا هيبنوس من لانكوم.
– الآي لاينر آرت لاينر من ( لانكوم)
– الشدو:
بيق مينت من ماك للسهرات بآخذ ألوان معينة .
– مجموعة شدو منوعة بين المات و اللمعة و الكريمي من ماك و بن ناي و نوبا
– علبة الشدو الكاملة من مكياجي للاستعمال اليومي و الخفيف .
البلاشر :
نوبا و ماك.
– الأرواج و الجلوسات:
– ماك و نوبا و ميك اب فور ايفير و جيفنشي.
-فرش المكياج و قطع اسفنج :
بودي شوب و ريد إيرث وماك . ومستحضر منظف للفرش من ماك.
مثبت الشدو:
من ماك رهيييييييب و يخلي اللون يثبت و ما ينثر على الوجه.
– رموش :
ماك.
الذهب والمجوهــرات :
نصيحه لكل عرووسه لاتكثرين من المجوهرات لان راح تجيك هدايا كثيره … يعني تاخذين طقمين او 3 الماس وذهب ابيض .. طقم ذهب أصفر(طبعا لوانتي من محبين الذهب ممكن تاخذين اكثـر) .. والباقي نوعي بين كم خاتم وأساور لليد .. والشبكه ليوم العرس (طبعا مب شرط) ….
الســاعات :
ساعة ليلة العــرس … وساعتين وحده عمليــه لشهرالعسل ووحده كشخه للزيارات وغيرها .. (( لوكان عندك ساعات من قبل العرس فماله داعي تكثريـن)
الأحذيــه :
تاخذين على ألوان الفساتين الي شريتيها + أحذيه بألوان أساسيه أسود-أبيض-بيج-فضي- + أحذيه عمليه لشهرالعـسل + أكيـــد حذاء ليلة العرسـ
الأدوات والمستلزمات الثانويه :
مجفف شعر (سشوار) + مكينة للحف + عدةأظافـر+ عدة خياطة+ حلاوه –شيره سويت (بكل اللغات ) + ملقط شعر + اكسسوارات الشعر + مكواة بخار + مشقر لشعرالجسم
ومستلزمات السوبرماركت (الجمعيه) ومحلات العنايه :
صابون (للوجه + شور جل + للجسم ) + شامبـو + مقشرجسم + مزيل مكياج + كريمات عنايه + قطن للتنظيف + أعواد الأذن + أسيتون (مزيل المناكير) + أولويز (للدوره ) + كيرفري للاستخدام اليومي + غسول المنطقه الحساسه (ستيل أو كيرفري ) + سبراي شعر + جل شعر + كريم شعر (فاشكول ) + مناديل مزيله للمكياج + كلينكس ( للشنطه ) + كلينكس معطر + فحم سريع الاشتعال (للدخون ) + ليفه الجسـم + علكه للشنطه + زيت لوز ( لجفاف البشره ) + فرشاة أسنان + معجون + معطر جوللحمام الله يعزكم + ديودرنت+مجموعة عنايه على ذوقك
مقتطفـــــــــات ( لاتنسي ) :
*إعداد قائمة المعازيم من وقت شان ماتتعبين
*تأكيد حجوزاتك قبل العرس بفتـــــره
*تشاورين الناس القراب منك في الخطوات الي تسوينها لان النصايح مفيده
*لوحجزتي شي (مكياج – شعر- حنا – كوشه ) وانتي مقتنعه وعاجبـك … لااااتخلين احد يحيرك الي حجزتيه خلك عليه
*حجز المكياج لاتحجزين لاشخاص كثير ماك عشان تاخذين راحتك ومايكون ضغط عالماكييره
*خلي لك مبلغ بسيط من المهر ينفع لبعد العرس
* لاتنسين الهدايا لخطيبك بين كل فتره وفتره (تقرب القلوب) >> طبعا عشان هو يجيب بعد هههه
* قراء سورة البقره كامله يوم العرس
* لبس الفستان والحذاء قبل العرس والتمرن على المشيه ويفضل مايكوون ثقيل عشان ماتتعبين
* تبتعدين عن السهر عشان وجهك يكون منور يوم العرس
* اكثار شرب الماء واكل الفواكه والاشياءا لمفيده (للبشره )
* لاتتوتريـــــــن … ترى يقولون أيام التجهيز من أحلى الايـــام حتى لوكانت تعب
طبعا هذا اللي عندي واذا حصلت شي بجي واكتبه لك
وادعيلي ان الله يتمم زواجي على خير
اختك في الله shajan
ثانيا : الاطلاع على المنتديات والمجلات احدى الوسائل التي ستساعدك بالمعرفة .
ثالثا: اطلبي مساعدة احدى قريباتك او صديقاتك من مررن بتجربة الزواج ولديها الخبرة الكافية لارشادك ومساعدتك
والبنات مشاءالله ماقصروا واي خدمة احنا حاضرين (: