أحببته ولازلت أحبه ماذا أفعل
أحببت شخص من خمس سنوات وأنا فى عمر16 عام وأنا الأن 21
لازلت أحبه توسط بيننا الكثير ليزوجونا من بعض ولكنه يقول أنى صغيرة
هو عمره33 عاما..
حاولت كثيرا أن انساه ولكن لا استطيع
وارفض الزواج من غيره
كلما رأيته رق قلبى وانهرت بكاءا لا تجف عينى
ادعو ربى واسأل ربى أن يجمعنى به على خير ويجعل زواجنا خير
اخشى ان ادعو بالشر دعائى بالخير
كما قال ربى : ويدعو الانسان بالشر دعاءه بالخير وكان الانسان عجولا.
هل زواجى منه شر يبعده ربى عنى ؟؟؟؟؟؟؟؟؟؟
اعمل ايه فى حبى له؟؟؟؟؟؟؟؟؟؟؟؟؟؟؟
اذهب دائما احاول أراه من بعيد فى كل مكان ممكن يكون فيه
أكون مثل من يبحث عن تائه ….
ولكن والله لتعلموا انه حب طاهر جدا احببته لدينه والله على ذلك شهيد
بالله عليكم أفيدونى وقدموا لى النصيحة فأنا اختكم الصغيرة……
أحبه أحبه ماذا أفعل؟؟؟؟؟؟؟؟؟؟؟؟؟؟
و هو كمان عنده 33 سنة يعنى سنه مناسب للزواج
يعنى المفروض يجى يتقدملك
وهو لو كان بيحبك زى ما انتى بتحبيه اكيد هيعمل كده
انما لو متقدملكيش لازم تحاولى تنسيه بجد
ربنا يوفقك ويارب يجمعك به على خير
آميييييييييييين
حبيبتى الرجال لما بيحبو حد ويختاروه زوجه له مبيهتموش بالسن خاالص , بالعكس هما بيحبوا البنات الصغيره.
والفرق مش بينكو كبييير لدرجه انه يرفض الجواز…انا اعرف ناس متجوزين وازواجم اكبر منهم ب 20 سنه
انا اسفه بس انا لو مقولتهلكيش محدش هايقولهالك……..هو مش عايزك…هو مش عايز يتجوزك………انسيه
يا حبيبه قلبى انتى بتقولى انك مش قادره تنسيه…مفيش حاجه اسمها مش قادره انساه بدل ماعشتيش معاه……….وصدقينى انتى لو عايزه تنسى الجن الازرق هاتنسيه….بس انتى اللى مبتساعديش نفسك
منين يعنى عايزه تنسيه ومنين بتروحى تشوفيه من بعيد او بتدورى عليه……….
بصى اسئلى مجرب …وانا حصل معايا نفس الموضوع ده , بس مش لدرجه 4سنين يعنى هما يدوبك 4 شهور
وبرده مكلمتهوش بس لانى عارفه انه مش ممكن يتم زواج بينا…سيبت المكان اللى كنت بشوفه فيه …مع ان المكان ده كنت بروحه كتييييييييييير …واى لقاءات ممكن تحصل هناك مع الاصدقاء كنت بالغيها حتى لو كان حصل ايه…واللى كان بيجيب عن سيرته بالخير كنت بسيبلهم القاعده كلها وبمشى ياما باقعد سكته ياما كنت بدخل فى موضوع تانى…و والله كنت بدعى ربنا فى الصلاه انى انساه ..و اهو بئالى سنه الا كام شهر مشفتهوش….صحيح انا مش ناسياه والدليل انى بحكيلك عنه بس خلاص مفيش اى مشاعر من ناحيته…..
لانى ساعدت نفسى وان لا يضيع اجر من احسن عملا….اى عمل ..ومحاولتك انك تنسيه ودعائك وتفاديه يعتبر عمل ………واملى فراغك باى شئ اقرى قران كل ماتفتكريه …صدقينى الشيطان نفسه هو اللى هايخليكى تنسيه…ماهو مش عايزك تقرى قران بئه………..
غالبا انت مش هاتنسيه الا لما تحبى واحد تانى…هو كده دايما الحب الجديد ينسى الحب القديم….بس المشاعر ممكن تروح مع الوقت والبعيد عن العين بعيد عن القلب …فعلشان كده لو اتقدملك حد وكان انسان كويس اوعى ترفضى …فى الخطوبه بتحبيه وتنسى اللى فات كله وتركزى على خطيبك بس بينسيكى الدنيا كلها ربنا يوفقك……
.صدقينى الراجل اللى انتى بتحبيه ده بنى ادم عادى مش ملاك ..فيه الحلو و فيه الوحش وفى ناس كتييييييييير افضل منه واللى خلقه خلق غيره…انما هى مرايه الحب عميه ..بس قعدى مع نفسك عدى الصفات اللى وحشه فيه…يمكن عصبى..ومين عايز يعيش مع حد عصبى؟؟…..يمكن متزمت؟…يمكن بخيل ….يمكن من انوع اللى بيحب يتحكم فى مراته زى ماهو عايز مش مهتم برايها……….هو اكيد واحد من الصفات دى ….ادعى انتى بس ربنا واشغلى بالك ووقتك بحاجه تانيه…
واعرفى ان الحب اللى انتى حاسه بيه دلوقتى مش بيدوم بعد الجواز……….
واسمعى كلام اختك متفكريش فى واحد رفضك لمجرد رفضه ليكى يبقى ميستهلكيش وميعرفش قيمتك ولو معرفهاش دلوقتى مش هايعرفها بعدين..انتى فهمانى؟؟!!!!…….
ادعى ربنا يرزقك بالزوج الصالح الطيب الهين اللين معاكى اللى يحبك وتحبيه وتسعدوا بعض…اللهم امين انا وانتى………………ولو هو الراجل ده يبقى ربنا هايجيبهولك لحد عندك
ربنا كاتب نصيبك و زوجك من قبل ماتتولدى فمتتعبيش نفسك زوجك هايجيلك لحد عندك……سبحان الله
وانا اسفه جددددددداااااا انى طولت عليكى….بس انا كده لما قولتلك كل اللى عايزه اقوله انا ارتحت لعله يفيدك بشئ….. وفقك الله لما يحبه ويرضاه……والسلام عليكم ورحمه الله وبركاته
الرجل عندما يحب سيعمل المستحيل وأن كانت الفتاه صغيره وأنتي لستي صغيره..
وتذكري .. وعسى أن تكرهو شيئآ وهو خيرآ لكم..
أتمنى لكٍ التوفيق وأن تنالي ماتتمني
لكِ ودي..
أختك..لحظه جنون
وكل كلمه قالوها هو الواقع اللي نعيش فيه
انا عارفه ان النسيان صعب ولكن تناسيه واذا تقدم لك شخص مناسب تزوجي ولاتنتظرينه لانه ماراح يجي وصدقيني راح تنسين بعد زواجك
عارفين ان كلامنا صعب عليك وثقيل بس صدقيني وزي ماقلتي انتي اخت لنا ولازم ننصحك
الله يوفقك ….
نصيحه اكرهي الحب علشان ماتتعذبي ولا تحبي احد ابدا
الحل بغير الحب لا تحبي احد
لانه الراجل يعمل المستحيل على شان لبحبوهم
احكي لك على زوجي لما اتقدم لي كان ابويا رفضوا رفضا ما فيش رجوع فيه
لكن زوجي كان مصر علي ومع انه في الاول بعث اهله لكن رفضه ابويا زيي ما قلت لك
وزوجي بعث لي وقتها رسالة وقالي تعالي نهرب لكن رفضت وكتبت له وقلت له مستحيل اهرب معاك
ولو ما تزوجتكش مش رايحة اتزوج مع اي راجل تا ني
لحد ما جات له فكرة في راسه وراح لعند ابويا في المسجد وقال له انا لطلبت بنتك وعاوز توضح لي ليش رفضتني فابويا لما شافوا مصر على زواجي به فوافق على زواجنا وكان راضي علي والحمد لله عايشة مع زوجي بكل حب
حبيبتى انتى لسه فى فترة المراهقة فحولى تنسية ولا تذهبى الى الاماكن التى يذهب اليها واكيد ستجدين الحب عن قريب وارضى بقدر الله