يا برد الليل مـا ترحـم عيونـي
همومي .. والسهر منك كلونـي
ليا جيت اطردك .. قمت آتـردد
ورحت آجرّ فيك آخـر لحونـي
عشانك مخلصٍ وياي .. جعلـك
بعد ناسٍ تذكـرت .. ونسونـي
يا وقتي لا تـروح .. ولا تعـوّد
تريّح في نظـر ضحكـة سنونـي
اموت بعزّ .. وامجاد .. وكرامـه
ولا اعيـش بلياليـك امغبونـي
ليا شان الزمن .! ما شان طبعـي
وربعي لا بغـو منّـي .. لقونـي
عسـى ربّـي يجمّلنـي معاهـم
على تفكيري .. وشكلي .. ولوني
سمحت امن الشقا .. والهم لكـن
درعت بسيـرة الغـض الفتونـي
على جـال المواعـد .. والمحبّـه
مع المحبوب .! ما خابت ظنونـي
يجيني كل ما ارقد .. في منامـي
ولامن قمت .. لحّفتـه جفونـي
عطيته هجسي .. وبدعي .. وقافي
وعطاني شيّ .. غيره ما عطونـي
الى من قلت ابي قربك وشوفك .!
ما حط العذر من دونـه ودونـي
احبه .. والمحبّـه مـن ضميـري
عيونه عقب شوفـه .. كبلونـي
ليا من جا .. يجسّ النبض فينـي
على فرقاه .. ويقلّـب شجونـي
يغنّي لي: [ توادعنا ] .. وأغنّي:
[عسى ربّـي يخليـك لعيونـي]
تغيب هموم صدري فـي دقيقـه
[ليا من دق .. ينشدني شلونـي]
من عيون العرب .! فأغلى قصيده
تكفينـي عيونـه ..لا قـرونـي
لو انّه جاني امن اسهـل طريقـه
لكنّـه حمـل .. شالنّـه متونـي
عسى ربّـي يطولّـي .. بعمـره
وعمر اللّي لوصله .. وصّلونـي
وعمر اللّي لوصله .. وصّلونـي
يسلموووووووووووووووو يالغلاء ويعطيك العافيه يالغلاء
رووعه يالغــــــلا
لاعدمنـــــــــاااك
تقبلي مـــــرووري
إحســـ،،،،ــــــــاس طفــ،،ـــله .