،،
هاقولكم النهارده علي اهميه التغيير
و التغيير اللي اقصده النهارده مش ليله في الاسبوع لا ده كل يوم
اولا مظهرك
فاجيء جوزك كل يوم بشكل مختلف و لوك جديد في استقباله و الحكايه مش صعبه
يوم فستان قصير او بدي و جيبه و شعرك خليه احسن مسدل
علي الاكتاف و لو تاتو علي الصدر و خلخال حلو في الرجل يبقي ايه يجنن و المكياج
يكون ناعم (مظهر الانوثه)
يوم جينز و بادي مع قصه ديل حصان و شويه اكسسوارات ملفته مع مكياج متوسط القوه
(مظهر البنت العصريه)
يوم بيجامه ستان حلوه او فستان ستان رقيق مع ورده في
شعرك و سلسله رقيقه في الرقبه مع شويه كحل و ماسكرا و روج لونه هااااادي جدا
(مظهر الانثي الرقيقه)
يوم لبس طفولي بجامه او فستان برسوم طفوليه مع عمل قصه شعر للاطفال و بدون مكياج
(مظهر الانثي الطفله)
يوم قميص من قمصان جوزك و ماتلبسي معاها اي حاجه لوحده بس و ارفعي شعرك او
اعمليه ذيل حصان و المكياج روج بس و سلسله رفيعه علي الرقبه و ماتقفلي الازرار
العلويه لازم يكون صدرك باين و تكوني لابسه برا من النوع اللي بيضم الصدر
و ماتنسيش لما يستغرب تقولي ليه (وحشتني دورت علي حاجه فيها ريحتك عشان استأنس
بيها ) و دي حركه جااامده جدا (هاتلاقي الضحكه من الاذن دي للاذن التانيه )
يوم شورت و تي شرت و طاقيه او كاب مع اكسوارات عصريه و قصه شعر عمليه و بعض رتوش المكياج
(مظهر الفتاه العمليه)
يوم تلبسي فستان مكشوف مع رفع شعرك و اكسسوارات سهره و مكياج صارخ و ماتنسي الكعب العالي مثيييييير للرجاله
(انوثه طاغيه)
يوم لانجريه (و ماتنسيش التجديد في التفصيله مش كله استايل
واحد ) و شعرك خليه علي جنب مفرود او ارفعيه و مكياج متوسط
(مظهر الانثي العاشقه)
يوم طقم زي الموضح في الصوره مع مكياج و قصه شعر رقيقه
يتبع
نوعي في استخدام العطور لكن لحظه العلاقه الخاصه عودي جوزك علي ريحه واحده بس و تكون من مجموعه عطور او خلطه خاصه او عطر مش منتشر ( لانه هايرتبط بالعلاقه لو شمه جوزك علي حد تاني هايثيره لاننا هنا ولدنا ارتباط شرطي بين العطر و العلاقه الخاصه)
و طبعا مش هاوصيكي كمان في التنويع في البخور و عطر الفراش
ممكن تنوعي في انواع الاكل و كمان ممكن تغيري من طرق تقديمه و ابتكري انتي اي لمسه بسيطه بتعمل فرق كبير ممكن تحطي ورده مع الاكل ملقاه باهمال لذيذ
او سبت ورد
او تكتبي اسم جوزك علي منديل سفره بالتطريز
او ترفقي مع الاكل اكواب عصير و تزينيها و تكون من صنع ايديكي
ممكن تجددي بانك تفرشي اي لحاف او سجاده علي الارض و تغطيها بملايه و ترتبي عليها المخدات بطريقه حلوه مع شموع حلوه و ورد
الاضاءه غيري فيها ممكن تغيري لون اللمبه للون تاني يعمل شويه تجديد
او تستغني عن الاضاءه بالشموع
او كل فتره تجيبي طقم سرير جديد و غيري عن المعتاد بالوان جريئه
فيه طرق كتير للقضاء علي الاهاق عند الزوج بعد عناء يوم طويل من العمل
المساج طبعا علي رأس القائمه يوم اعملي مساج للجسم كله
يوم تاني مساج للقدم فقط
يوم حمام مغربي
يوم حمام دافي مع اعشاب عطريه (بابونج- لافندر- مريميه – خزامي) مع شويه ملح لان الملح له قدره رهيبه علي ازاله الارهاق
يوم طبق ميه سخنه مع ملح و ادعكي رجول جوزك
جددي في الاوضاع
جددي بان تكوني انتي اللي بتتولي زمام سير العلاقه
جددي بأنك تكوني مهاجمه شرسه
جددي باي حركه جديده من ابتكارك
اتمني ان تنسيقي و افكاري تنال اعجابكم
و ماتنسوني من دعائكم
اللهم اجعل لي من كل ضيقا مخرجا و من كل هم فرجا
ام نور و مهاب
ما شاء الله تبارك الله
انا مبهورة بموضعك وكثير عجبني
أكتر حاجة عجبتني هي فكرة لبس قميص زوج
و كتييير عجبتني زي الأبيض بتاع العاشقة هههه لاني فعلا عاشقة بس أنا ولهانة هههههههه
مجهود يشكر
تقبلي ودي و تقييمي