السلام عليكم بنات حبايبي انا افكر اروح دكتوره نفسيه لاكن مو عارفه كيف اقول لابوي اخاف من رد فعله هو والناس تعرفون مايرحمون وانا ابي اعالج نفسي لان حالتي سيئه بس قد مره ابوي يقولي انتي مريضه نفسيا فاصرت حاسه انه راح يزيدها علي وكرهته وصرت اخاف اكلمه بس مافي غيره امي ماتهتم فينا ولا شيء وانا ضايعه كيف اتشجع اقوله دون اهتم لرد فعله هو والناس وتعتقدون الدكتوره النفسيه راح تفيدني او لا للي جربت اتمنى ماتخذلوني **
والله زيارة الطبيب النفسي مثل زيارة الطبيب العادي
بس انتي مثل ما قلتي نظرة الناس والتخلف اللي معشعش في عقلهم على زيارة الطبيب النفسي محد يقدر يغيره
عشان جيه لا تقولي لاهلج تبين دكتورة نفسية
قولي لهم بروح المستشفى تعبانة
واذا رحتي ادخلي بروحج عند الدكتورة
واهلج ينتظرون بالخارج
او روحي انتي و احد تثقين فيه انه ما راح يخبر حد من اهلج او الناس
موفقة
استغفر الله العظيم الذي لا إله إلا هو الحي القيوم و أتوب إليه
اعرف شكثر ناس يروحون حق دكاترة نفسية و ما اشوف فيهم شيء غير طبيعي ولا اشوفهم مينن…مشاكلهم مختلفة عن بعض بس كلهم يروحون علشان يفضفضون حق احد ممكن يشاركهم أفكارهم و يساعدهم بحل مشاكلهم.
بإختصار الدكتور النفسي وظيفته الإستماع و حل المشاكل بحكم الخبرة + العلم سواء علم بالطابع النفسي او الإجتماعي او البايولوجي…إلخ
جواب سؤالچ: انا عن نفسي اشوف الموضوع عادي و اقل من عادي بعد، ما عليچ من نظرة الناس او رايهم المتخلف (شوفي الأجانب، عندهم الطبيب النفسي مثل الصديق/حلال مشاكل و يروحون له بدون اي خوف او تردد و الكل يدري و يقولونها بصراحة سواء لمشاكل عادية، اكتئاب، بوليميا، انوريكسيا، او مجرد فضفضة (قاعده اذكر لچ مشاكل ناس اعرفهم شخصياً و يزورون دكاترة نفسيين) عكس العرب يروحون بالخش و الدس وعلى بالهم ان الدكتور النفسي بس حق المينن و الغير طبيعيين و شوف عيني محد قال لي هالحچي ) روحي راجعي دكتور نفسي اذا بهالشيء راحتچ و اذا كلش كلش..لا تعلمين احد مو شرط يدرون الناس روحي بسكات و طلعي بسكات من غير علم الناس؛ لا تجاملين اي احد على حساب حياتچ، راحتچ، و صحتچ.
الله يوفقچ ولا تخافين او تترددين
بس أنتي عارفة الناس متخلفين !
اللي يروح لطبيب نفسي يعني مجنون
حاولي تخليه سر .. يعني روحي أنتي وأبوك بدون ماحد يعرف 🙂
وقولي لأبوك عادي .. مادام هو قالك مريضة نفسية
خلاص .. خليه يروح يعالجك !