السلام عليكم كيفكم ان شاء الله بأحسن حال
انا من المتابعين للمنتدي بشكل يومي لكن اليوم حابة افتح لكم قلبي وابي نصائحكم 
عمري 30 سنه عزباء موظفة بقطاع خاص قبل سنة اتصلت علي شخص اسأل عن وظيفة وقال راح يساعدني وكان جدا طيب ومحترم طبعن وظيفتة مره ممتازة ووضعة المادي ممتاز على كلامة وبدا يسالني عن حياتي ويتكلم عن حياته هو مطلق مرتين وعنده ولدين وقال يبغى يتقدم لي اخذت الموضوع مزح ومااهتميت لان همي الوظيفة والفتره هذي حصلت له ظروف وحولت له تقريبا 20الف انا بديت اتضايق منة صار مايكلمني الا مره باليوم حتى لما يسهر عالواتس مايسولف معي انا وكل مااكلمة بموضوع الوظيفة يقلي لاتستعجلين والله لوظفك لان الحكومي يتاخر انا بديت اشيل هم منه وخاصه يعرف عني كل شي وحتى لو جاء خطبني انا اخاف من الزواج اللي بعد علاقه والله طول رمضان وانا ادعي لو كان خير ربي يسهله ولو شر يصرفه عني 
ساعدوني انا صح او خطا
كيف تنصاعين وانتي تسمعي القصص والمصايب اللي تصير للبنات وأكثر المصايب بدت علاقه على أنه بوظفها وانتي ياهبله مصدقه لأبعد محول له 20 الف وانتي ماتعرفنيه
عموما انا بتابع صحيفة سبق عشان بعرف نهاية قصتك مع هذا الرجل هل الهيئة بتمسكه أو بيقاوم ويفلت منهم ..
ياحبيبي هذا مصيرك اذا ماتداركتي نفسك
الحقي عمرك واقعي العلاقه
إبتعدي عن هذآ الرجل ، فَـ والله مهمآ كآن صآلح فَـ الشيطآن شآطر ، أتركيه لوجه الله ..
يريد الزوآج ، منكِ فليأتي ولكن لآتحآدثيه قط ، الرجل ذئب مآكر ، …
كيف حولتي له مبلغ 20 ألف ؟؟
رآجعي نفسكِ ، وتدآركيهآ ، قبل أن تنغمس في وحل الذنوب والمعآصي ، فآأنتي إمرأءة وآعية
حمآكِ الإله يآرآئعه ، وأبعد عنكِ كل مآيؤذيكِ ..
لآإله إلآ أنت سبحآنك إني كنت من الظآلمين
على كلامك معاه , او ارسالك الفلوس له , وحتى على كلامك له عن حياتك الخاصة
انا متيقنة ان لو لمتك ماراح استفيد شيء لانه صار .. بس السؤال انتي فعلا للآن جاهلة بأن هذي طريقتهم لاستغلال البنات ؟
على عمرك وكبرك – ربي يحفظك – للحين انتي ما اتعضتي سوا منك او من غيرك ؟
جاوبيني بينك وبين نفسك – لا تقولين لنفسك اعذار وكوني مع نفسك صادقة عشان تعيشين مرتاحة !
هو مطلق مرتين – يعني باللهي الغلط من زوجاته يعني كلهم كانوا مو تمام مثلا … واضح انه حق بنات , اسفه بس يعني صدق بالعقل ,, يعني ولا وحده اعجبته ولا وحده كانت كويسه !
الوظيفة .. انتي موظفة بقطاع خاص قلتي .. القطاع الخاص اسمع مرتباتهم حلوة بس الاجازات يمكن قليلة .. اذا عشان كذا .. اذا ما كملتي دراستك كملي وقدمي على وظيفة سنعة بيقبلونك بقدراتك مهاراتك بشهاداتك مو من الناس او احد تحتاجين تنشرين عليه غسيلك وتعطينه عشان يوظفك !
وفيه رب كريم رحيم يجيب الداعين وغفور – لا تنسين !
ببالتوفيق .. والحياة قصيرة عدلي احوالك قبل يفوت الفوت !
ليه ؟ يقرب لك ولا تعتبرينه صديقك ولا وش السبب بتحويلك له فلوس ؟
ابعدي عنه ولا تكلمينه ماظنتي هذا وراه وظيفه
استودعي الله نفسك
والله يبعد عنك كل شر
وتبي منه يوظفك
الله يهديك ……..
طيب الحين كيف يرجع لك ال20 والا صدقة ماتبينها …؟؟؟ انتي ماتعرفينه كيف تطالبي بحقك؟
ولو عرفتيه فضيحة بيقولون لك ليه تعطينه وكيف تثبتي انها لك ؟؟؟؟
المهم ابعدي عنه وربي يغنيك بكل شيء وظيفة وزوج وفلوس
حاولي تحرقي رقمك هذا وتطلعي جديد وتنهي علاقتك فيه من اليوم هذا
الله يوفقك ويستر عليك