نصيحه من القلب 2024.

طبعا انا كنت متفوقه جدا جدا جدا يعني دايما اخذ الاولى على الصفوف كلها وماعمري اخذت جيد جدا ومن صرت ثاني متوسط صرت مدري كيف يعني جبت جيد جدا وطبعا يعني كل سنه من اخذ الشهادهه اسوي حفله والكل يشوف شهادتي واول متوسط جبت 99% بس ثاني متوسط جبت 89% طبعا انا عندي طموح وودي ادرس خارج المملكه واخذ بعثه بس امي سمعتها قالت لابوي يمكن عطوني عين وتبي تاخذني لشيخ بس بصراحه انا رافضه وهالنصيحه للكل لا تعلمون احد عن النتيجه حقتكم يعني
يمكن قريب منك يعطيك عين تطيرك لازفت مستوى يعني مو لازم الكل يدري انك جايبه نتيجه زينه وانا احاول قد ما اقدر ارجع مستواي مع العلم انه مافيه شيء يلهيني ووقت الاختبارات اعطي امي لابي وكل شي ممكن يلهيني واذا خلصت الاختبارات اخذه ساعتين كل يوم اربعاء وخميس وانا اكل الكتاب اكل بس مدري كيف جبت 89% بصراحه انصدمت من نفسي وقررت اخذ لغه وادرس زين وماراح اخلي احد يعرف كم نسبتي واذا بعلمه بخليه يذكر الله

لا تستخفو بها ابداً

المشاركة الأصلية كتبت بواسطة ذكرى؟؟ زيييييييييييييين تسوووووووووين الناس اغلبها الحين ماتذكر اسم الله وشكرا على النصيحة ^^ انا بسنة 2024 زرت خالتي و كانت فاتحه ببيتها تحفيظ قرآن هي وامي يحفظون ويدرسون مع جارات الحي هناك ولما رحت ازور خالتي واساعد بنتها باستقبال الجارات حرصوا علي اشاركم ودخلت المجلس اسمعّ من اللي حافظته وما امدح نفسي صوتي كان حلو اول مرة اروح لتحفيظ واخر مرة كانت سمعت للاستاذة المعوذات والفاتحه بذاك اليوم على اني ماحضرت الدرس بس كان تجويدي رائع ورجعت البيت مكتومة ومن وصلت بديت اكح ويطلع دم من صدري ورحت المستشفى قالوا ماينفع تطلع البنت لازم تتنوم عندها التهاب حاد بالرئة وبسببه تنومت 5 ايام بالمستشفى و اكلي وادويتي كلها بمصاص زرعوه بوريدي يحقنون فيه الابر .. بسبب عين من الامهات اللي كانوا بمجلس يراقبوني وانا اقرا وبعدها امي شكت لخالتي وطلبت منها فضلة الجالسين كلهم بذاك اليوم ولما حضروا خالتي ضيفتهم كالعادة واخذت فضلتهم من النواة وتحممت فيه والحمد الله انا تمام والان ما احب اروح لتحفيظ بسببهم …!! على انها قصة قديمة ذكرتيني فيها قال الرسول صلى الله عليه وسلم ( العين تُدخل الرجل القبر، وتُدخل الجمل القدر ) لا تستخفو بها ابداً

اي والله صادقه ومشكوره على المرور الجميل

الله يشفيك ويزول ما بك من بأس