سلام بنات بجي افضفض لكم وافتح قلبي بنات انا كنت معزومه بعرس قبل كم يوم وتجيني وحده تقولي عقبالك رديت عليها بابتسامه 
وقلت تسلمين شوي وقت العشاء وترجع تمسكني قدام الناس يافلانه لايكون زعلتي قلت من ايش وكان فيه حريم واقفات كلهم كذا 
يبون يعرفون وش السالفة المهم قلت من ايش قالت لما قلت عقبالك 
قلت لاوالله عادي ليش ازعل قالت والله مدري عنكن وراحت وخلتني واقفه والعيون تمحلق فيني والله غصيت بدمعتي وسويت نفسي عادي ومشيت
انا يابنات كبييييييييييييرة عمري في نص الثلاثين بس نصيب وقصر وش اسوي صرت اكره المناسبات من نظرات الحريم واحراجهم والا ودي ببيت وزوج واولاد مناي طفل اضمه وزوج استقبله وهو جاي من دوامه واقوله هلا بك ياضي عيني اليوم العصر رح جيب اميمتك وبيك يتعشون عندي ويغيرون جو البيت
اااااااااااااااااااااااه يابنات والله مابي الا دعواتكم وانا بس افضفض لكم ولااشتكي الشكوى لله اولا واخيرا وانا واثقة ربي سبحانه بيعوضني ويرزقني واثقه بالكريم سبحانه واااااااااااااااااااثقة يجي يوم واكتب موضوع في قسم الحياة الزوجيه واستشير واشور عليكن بعد
ويوم بكتب في قسم الامومه والحوامل بمشيئة الله 
والحين استأذن وانتظر ردود تبرد الخاطر
الله يرزقك ابن حلال الزوج الصالح وذرية صاالحه يااارب
ادخلي هذا الموضوع
¥
أنا عانس لذا لاقيمة لي بالحياة
وتدرين يالغلا لما قلتي واثقه وبقوه بربك
قلت هالانسانه ماتحتاج لدعوتنا لان لك يقين يحطم الصخور بالله
اسال الله ان مايمر هذي الايام والا الشاب الخير الطيب. الحنون ياتيك
موفقه