بسم الله الرحمن الرحيم
السلام عليكم ورحمةالله وبركاته..
أنا مشكلتي ما أتوقع أحد مثلي .. من وأنا صغيرة أعاني من بعج أو فتق ماأدري وش تسمونه هذا صار فيني منذ ولدتني اأمي ..و أنا بنت عمري الآن بالعشرين ومو متزوجه والله شايله هم البعج اللي فيني والمشكلة هالبعج هو في أسفل بطني يعني في المنطقة الحساسة وكبر معي لدرجة إني خايفة يأثر علي لما أتزوج لأنه أحس هذي المنطقة كبرت شوي وصرت مو زي أي بنت حتى الملابس أحاول البس الواسعة عشان ماتبرز المنطقة حتى والله تعبت بأيام طفولتي لا شلت حاجة ثقيلة يوجعني وحتى الآن وأنا كبيرة ألام ..
والله مستحية أقول لأهلي هم عندهم علم بس ساكتين..وعلاج البعج عملية ومستحيل اسوي عمليات وأنا كبرت وأستحي ولا تنسون إنه في منطقة صعب الواحد يكشف عليها والله إني شايله هم
طيب قولولي يأثر هذا الشي في المستقبل والزواج وهل تعرفون احد مثلي وراح هالورم لأنه كل ماكبرت كبر معاي
افيدوووني..
أنا عادي جدا أقعد بدون زواج بس أهلي مستحية منهم وش أقول لهم..والله حتى تعقد ماأنام زي الناس ولا أدرس زين دايم أقول أخرتي رح أقعد بغرفتي لحالي أنا وهمي ورح أنعزل عن الناس
ساااعدوني
وأتمنى إنكم فهمتوني..
انا حاسه فيك تدرين ليه..؟ لان كان عندي مشكله قريبه من مشكلتك نوعا ما..
بس انا "بصدري" وانتي "بالمنطقه الحساسه"
لكن الحمدلله بعزيمتي وارادتي تخلصت منها..
انتي بس يبي لك احد يشجعك ويعطيك العزيمه عشان العمليه..
انا كان عندي ورم في صدري ماادري وشو هذا كنت اشوفه كبير جدا وواضح والمسه كنت خايفه منه جدا..
ومما علمت احد هالشئ صار يضايقني ومااعيش حياتي طبيعي..
لدرجة اني اقوم من النوم ابكي وارجع انام..
رحت وخبرت صديقتي باللي فيني لاني كنت حيل متضايقه..
قالت لي خبري امك..ترددت قبل مااقول لامي كثيييير بس بعدين رحت وقلت لها..
من بكرا اخذتني للمستشفى..كنت جدا جدا جدا مستحيه والدكتوره تكشف علي..
قالت لي سوي تحليل واشاعه عند مستشفى كبير..
ورحت وممااااالقيت جراحه حرمه كل اللي يمدحونهم رجال..
واضطريت اني اسويها عند رجال..
وصياح انا وامي عند الكشف..
وسويت العمليه وكان اللي فيني "ورم حميد"
والدكتور قال انها (12) ورم تخيلي في صدري 12ورم..
واماكن متفرقه بس الحمدلله لك يارب اللحين رجعت حياتي احسن من اول بكثير لان هذا الشئ كان يقلقني واللحين تخلصت منه بفضل الله..
لا تخافين من كلمة عمليه اطلبي منهم يحطون لك بنج كامل ماتحسين بشئ نهااااائيا وعن تجربه..
واذا ع البعج ولد عمتي سواها في نفس منطقتك وكان عمره ثلاث سنين واللحين الحمدلله مافيه الا العافيه..
وترا في ناس اشد منك يااختي احمدي ربك..
عمتي سوت استئصال ورم في راسها وارحامها وصدرها في عمليه وحده مدتها (9)ساعات..
والورم الحميد حنا عندنا وراثه بالعائله..
نصيحه اختي نصييييييحه سوي العمليه وارتاحي منها تفتكين من كثرة التفكير والهواجيس ومنها تكونين مرتاحه لما تتزوجين..
انا تزوجت بعد ماسويت العمليه باربع شهور ومكانها واضح وزوجي عادي عنده ماهمه..
تقبلي مروري اختي الحبيبه واتمنى اكون افدتك
وبالتوفييييق..
وكل من رد علي وساعدني وعطاني من وقته ..ربي يعافيك ويرضى عنك ويحقق اماني..
جزاكم الله ألف خير وأتمنى ألقى حل منكم غير العملية مستحيل أسوي وأنا بهالعمر..حسوا فيني..
على فكره انتي لمى تتزوجي لو حملتي حتتكشفي على دكاتره وممرضات غصب عنك عشان الي فبطنك عشان انتي الان لسى بنت مكبره الموضوع انتي اطلبي من امك العمليه ولا تجيبيلها سيره الخجل من الزوج بس قوليلها متضايقه منها بالبس تعورني تالمني وكذا لاتجيبي سيرت الزواج وتوكلي على الله وسويها وعيشي حياتك حبيبتي العمر واحد لا تضيعيه في الخجل
وما على قلبك شر