من روائع الشاعر / محمد بن فطيس المري "
قصيده بعنوان
.:" ســـــــــولفو ":.
سولفوا تكفـون لا عـاد تسكتـون ,,,, قبـل لا أهوجـس وياتينـي بـلاي
السكـات يـزود طعونـي طعـون ,,,, وتنكسر لا جا على راسي عصـاي
سولفوا لو مـا بغيتـوا اتسولفـون ,,,, قبل لا اقعد في الحزن رايح .. وجاي
واضحكوا لو بالعمالـه تضحكـون ,,,, وجاملونـي لـو يضايقكـم حكـاي
لي وليفٍ راح جعلـه مـا يهـون ,,,, هــو دواي وداي .. أو داي ودواي
راح لكن طيف زوله فـي العيـون ,,,, مــرةٍ قـدامـي ومــرة وراي
وإن سكتوا جا وهو طيفـه يمـون ,,,, رحت أهوجس له وأبيـن لـه ولاي
مكسب عيوني من الفرقا مـزووون ,,,, تمطر لطاريه .. والبرق ؟ أصدقـاي
كل ما طـروه لـو هـم يمزحـون ,,,, احرموني من غداي ومـن عشـاي
أدري إنه ما تناسـى الـود كـون ,,,, تسمع إذنه في قفاي اللسن عـداي
وكانهـم قالـوا نسيتـه يكذبـون ,,,, وإلا أنا فيـه أمتلـك نظـرة وراي
كان حبه لي على خبـري مصـون ,,,, والله ان كنـي بقـدري .. وبغـلاي
ذي بقايا الحـب وأطـلال الجنـون ,,,, والله أعلم في ضميـره وش بقـاي
غير طيعونـي ولا عـاد تسكتـون ,,,, ولا والله إن أسمعـكـم بـكـاااي
ان شااء الله تعجبكم
صح لسان الشااعر وربي يقويه ان شاء الله ^^
وتسلم ايدج يالغاليه ..
والاروع اختيارك يسلموووووووووووو