السلام عليكم ورحمة الله وبركاته
اول شي انا بنت عمري 18 سنه , طالبه في الجامعه واتخصصت قسم حاسب الحمدلله وعائلتي ناس متفهمه ومتعلمه ومستوانا المادي جيد الحمدلله , يعني اقدر اقول اني سعيده في حياتي بنسبة 70% والحمدلله والمنه على ذلك
مشكلتي معقققققققققققققده واتمنى منكم تركزون علشان تقدروا تساعدوني لانه والله المشكله متعبتني مرة ودايم ابكي منها ومضايقه لي صدري 24 ساعه وما ارتاح بسببها
ورجاء يا بنات بالردود ابعدوا عن الشتائم والكلام الفاضي لاني والله مو ناقصه اللي فيني مكفيني
وعلى فكرة هالمشكله كاتمتها بصدري من زمان ولا قلت لاحد
انا يا بنات عندي حبيب ومتفقه انا واياه على الزواج ومتعرفه عليه من 3 سنين !!
إنسان ماشاء الله تبارك الله عليه , والله يا بنات كامل والكامل الله , والبنات كلهم يحسدوني عليه , وسيم ماشاء الله تبارك الله عليه وعيلته ناس محترمه ومستواهم المادي جيد , وغير كذا انه يدرس بكلية الهندسه ومعدله جيد جدا, ومحافظ على كل الصلوات ولا يدخن ولا يشيش ولا يسرع ولا له بحركات شباب هاليومين , والله يا بنات انه انسان مافي منه اثنين والله يحفظه ويخليه لي يارب
المشكله يا بنات هي بشكلي
انا كنت جميله جدا والحمدلله ولكن قبل سنه بالتحديد صارت مشاكل بالعائله ووفيات يا كثرها وناس قريبين مني مرة وناس ربوني كلهم ماتوا وامراض واستغفر الله كانت اسوء سنه بحياتي
المهم هالامور سببت لي ازمه نفسيه وصرت اكل كثير ووزني زاد , وغير كذا مع المشاكل جتني ثعلبه بحاجبي وصار يتساقط وصار نص حاجبي موجود والنص الثاني متساقط !! غير كذا طلعت لي رؤوس سوداء على شكل خط على انفي وقاسمه انفي نصفين , خط واضح وكبير !! والله يا بنات انه شكل وجهي صار بشعععععععععععع !!! بشع بشكل ما تتخيلوه
انا الحمدلله لسا حلوة لكن والله هالامور مخيلتني اكره نفسي قدام حبيبي , هو ماشاء الله كل يوم يحلو اكثر ويبغا يجي يخطبني قريب , وله فترة يطلبني نتكلم كام لاني وحشته لكن لي سنه اتهرب منه واقوله استحي واضيع السالفه وهو يقول طيب براحتك , اساسا راح اشوفك يوم الشوفه , وكلم امه وكلمت امي وخلاص ما بقي الا ابوي وابوه يعني الموضوع باذن الله صاير صاير
بس اني محرجه يا بنات !! احس اني مو البنت اللي حبها وكان يبغاها !! , شوفوا انا عارفه انه ما راح يتخلى عني حتى لو قلت له الحقيقه , لكن طبيعي كل ولد يتمنى تكون حبيبته احلى بنت !! وانا ما ابغا احرمه من هالشي , خصوصا ان بنات خالاته وقريباته كلهم يحبوه وقيد وراني صورهم وصراحه بناتهم حلوين , ماهم احلى مني والله لكن اللي صارلي والله هدم لي كياني بالكامل وكلها ظهرت فجأه ومع بعض !! والموضوع صاير محرج ويبكيني فوق ما تتصوروا
رجاء يا بنات لا تقولوا المشكله تافهه حطوا نفسكم مكاني !! اقسم بالله حتى قريباتنا مرة يستغربون لمن يشوفوني يقولون وش هالحاجب ووش هالخط (الخط اللي بأنفي) !!
كنت اميز بنت واحلى بنت بالعائله والله الحين صرت عاديه وصاروا كل البنات احلى مني بسبب هالاشياء !!
ما همي نظرة الناس فيني انا همي نظرة حبيبي , ما ابغا احرمه انه يشوفني عشان لا يناظر بغيري بس والله ما ادري ايش اسوي محتاره مرة !!
هل اقله الحقيقه ؟ ترى حبيبتك اللي انت حبيتها صارت دبه وشينه ؟
او احاول اتهرب منه الى ما اصلح وضعي ؟! لاني والله مارست الرياضه كثير وحطيت ادوية كثير لكن علاج هالامراض اللي فيني مشكلتها كلها تستغرق وقت وانا اكررررررررره الانتظار !!
يعني احتاج رياضه 3 شهور متواصله وانا شهر واحد بالقوة اكمله واطفش !!
وعلاج حاجبي يستغرق 4 شهور !! وبصراحة الشعر ينبت صغيييييييير وشكله بيطول !
والخط اللي على انفي استخدمت له دواء قيمته 160 ريال وخفف لي المشكله وبعدين رجع الخط اسوء مما كان !!!
يا بنات ايش سبب اللي يحصلي بالله ؟ وايش الحل لمشكلتي ؟! والله ما ابغا اشوف نظرة الدهشه في وجه حبيبي يوم الشوفه !!
والله يا بنات ترى شعور ما يعلمه الا الله !! زوجك جميل ووسيم وانتي دبه وشينه !!
اساسا كل الناس راح يعايرون علي وبيقولون حرام هذا يكون زوجك !!
امانه عليكم حطوا نفسكم مكاني واحكموا , انا تقريبا احلى بنت في العائله والحين صرت في الحضيض فجأه وبدون سابق انذار !!
وانتوا عارفين وربي الزمن هذا زمن الشكل , ما احد يطالع بالجوهر , انا حبيبي مو تافه عشان يكون كل همه شكل , لكن هل معقولة ما يكون جمالي سببه في حبه لي ؟! اكيد لا !!
وحتى لو ماني جميله اكيد حيتمنى لو اني جميله !!
ما ادري والله انا ايش قاعده اكتب لاني والله اتكلم لكم وانا زي المجنونه
الله يخليكم الله يخليكم نزلوا موضوعي يا ادارة لاني والله مرة محتاره ووضعي صعب وما يعلم فيه الا الله 🙁
المشاكل اللي عندك كلها سهلة وتنحل
والمشكلة انك عارفة حلولها وبديتي فيها بس ما كملتيها
يا قلبي والله مافي حل غير انك تلعبي رياضة او تسوي ريجيم قاسي
وتضعفي
ومشكلة حاجبك حطي عليه زيت خروع
ومشكلة الخط اللي بخشمك استخدمي الدوا اللي كنتي تستخدميه
معلش اصبري واتحملي كله عشان تكوني احلى
لا تقولي ما احب الانتظار الله يعينك انتظري
لان في المقابل في نتائج حلوة
بعدين اهم شي ثقتك بنفسك لا تهتز
الله يتمملك على خير يارب
إذا زاد وزنك بشكل عادي غير ملفت .. فتأكدي أن هذا هو للي يحبون الأزواج
يعني زوجك رح يكون مستانس بيك وانتي مربربة ..
ثانيا الرؤوس السوداء إذا نفس الرؤوس العادية خذي لها لصقة طبية وشيليها بها
أو روحي للكوافيرة تعمل لك تنظيف وجه ورح تروح
وثالثا الثعلبة للي فحاجبة مش كارثة
خذي كل ليلة فص ثوم وافركي به حاجبك واستمري لين ينبت الشعر ورح تدعيلي ..
الثوم ينبث الشعر في الحواجب وحتى لو كانت الثعلبة في الراس تقضي على للي خليفو هاذي الثعلبة
طيب وريني فين المشكلة إذا اتبعتي نصائحي ما رح نشوفك مرة أخرى في قسم المشاكل
رح نشوفك بحول الله في قسم الأفراح والمسرات وتعزمينا وأول دعوة تكون لي أنا هه >> أنانية هه
شنو رياك ؟ من الليلة ابدئي بالثوم على ذاك الحاجب للي ما خلاك تنامي .. تراه شي بسيط لا تشغلي بالك ..
نسيت أقولك : إذا وزنك كثير بطلي أكل زايد ورح تضعفي ..
وإذا أنتي من البلدان للي أكلتهم الرئيسية الرز ..
عملي مثلي .. لما أريد أنقص وزني أترك أكل الرز نهائي وأنقص بسرعة وبلا ريجيم ..
الرز هو المصيبة .. توقفي عن أكله ورح تشوفي ..
—————————————————
وعلى فكرى جمال الوجه مو كل شيئ اهم شيئ هو جمالك الداخلي
ولازم ثقتك بنفسك ماتهتز
طب بعد الزواج ايش راح تعملي بالحمل والولاد
الله يعينك
بس الله تبارك وتعالى لما ينعم على العبد وما يحافظ العبد على النعمة يبتليه علشان يتنبه ويرجع
انا من خلال حديثك فهمت انه ما عمره شافك
بس نسيتي الآية اللي ربنا يمدح فيها النساء الغير مصاحبات للرجال
(ولامتخذات أخدان)يعني لازم الوحدة مننامايكون عندها خدين-يعني ماتكون متعرفة ومصاحبة رجل
وانتي الله يصلحك3سنوات-بالله لو لاقدرالله كان آخرايامك في الدنيا وانتي لازلتي مصاحبته ماتزوجتيه
كيف بتقابلي ربك وانتي من المتخذات اخدان-يعني عندك خدين (صديق)ادري ان نيته سليم بس الموضوع يعتبرعند الله غلط
حاولي تبتعدي الى ان يتم الزواج لعل الله يصلح مافسد
الله يحفظك