مشكلتي مع خطيبي حيرت الجميع فما رايكم ارجوووكم ساعدوني والله تعبانه كتير -لصحتك 2024.

السلام عليكم ورحمة الله وبركاته

كل عام وانتم بخير بمناسبه شهر رمضان الفضيل

راح احكيلكم قصتي بالاختصار بس ربي شاهد اني ما بكذب بحرف ولا ابالغ باي شيء انما الحقيقة وراجية منكن النصيحة

انا حبيت شخص لمدة سنتين وهو حبني كتير ووضعو كتير صعب يعني ما في عنده بيت بس انا انسانه متواضعة وحبيته حب جنون وقبلت به كما هو وقلت نبني حالنا مع بعضنا وحبيت صفاته لانه انسان طموح ويحبني ويريد سعادتي

طبعا خطبنا بصعوبة من قبل 5 اشهر وعقدنا العقد يعني انا( متملكة)" طبعا هو من اول الخطوبة اتوضح لي كتير اشياء يعني عصبي لدرجة الجنون قلت اتحمل واصبر مش مشكله اكيد الظروف والضغوطات بس والله والله يهيني ويجرحني كل ما عصب مني او مش بسببي ويصرخ وما يهمه انه بيكون احد يسمعنا او لا

ويخلق مشاكل من سؤال او من اي سبب تافه ويشهد ربي اني انسانه متعلمة وجميله ومعي الماجستير ومثقفة بالدين وبالحياة العامة

هو انسان عادي ليس متعلم لكن طموح وبتعلم دورات بتخص مهنته والحمد لله يعني راتبه كويس

بس الي جارحني انها زادت المشاكل وتفاهمنا كتير وحكيت معه بكل احترام وما في شي نافع جربت كل شي كل شي

اذا اعترضت على الي يسويه من اهانات وجرح لي يزعل وما يعجبه ويصير مشكلة واذا سكتت يزيد بهذا كله وما خليت شي الا وسويته

كتير بهددني انه خلص انهما عاد بدو ياني وبدو يتركني وصارت اكتر من مرة وتقريبا كل ما يعصب بهددني مع العلم بعدها اذا صحيته من الي حكاه بيجي وبيراضيني بس انا صبورة بس لمتى الصبر انا بعطي وبقفل الخط بوجهي وانا بعامله احسن معامله وافضل اسلوب ومع العلم اني الكل يشهدلي امامه ومن وراه انه اخذ ست البنات وكتير الناس بيحكولو انه محظوظ انه اخذني

بس احسه تغير اكتر من اول لا بيهتم ودائما يهدد واحسه بيكذب علي باشياء واكتشفتها وبس يعصب يحكي امام اهله من ورائي كم هو تعبان ومتضايق يعني شي لا يصدق على اشياء جدا تافهه

استخرت كتير ودعيت كتتير وقلبي تعب ومع هذا بحبه وسويت كل شي معه ما نفع يوميا بيعصب وعحسب مزاجه انا لازم اكون
اذا كان معصب وراق وانا زعلت بيحكيلي خلص انا رقت احكي منيح واذا كان معصب وانا رايقة بقلي انت خبيثة وبيلقبني باسوء الالقاب بيحكيلي انت كحية كالثعبانه والله العظظيم اني ما بعامله الا بما يرضي الله واحيانا بس يعصب بيكفر يعني استغفر الله يسب الدين او الرب واستغفر الله رب العالمين

مع هذا انا شفوقة وحنونة ورحومة اخاف اتركه ومن حنيتي اني ما بدي يندم انه خسر انسانه مثلي والله ما بغلط معه ولو غلطت بتاسف وبراجع حالي باقل من دقيقتين بس هو انسان متكبر وعزيز نفس ما يحكي معي الا بعد مرور يومين او اكتر وما يرد عمكالماتي وقت ما يزعل ويسد موبايله

شو رايكم مع العلم انه اخته حكتلي صعب العيش معه والله يصبرك رغم هيك هو انسان حنون جدا جدا بس شو اسوي ارجوووكن لا تبخلن علي بالنصيحة

انا خطبت قبل هيك 3 وما تم نصيب وكانت الفترة اقل بشهرين ما اعرف ليش تغير وليش هيك بيصير معي مع اني خايفة من المجتمع وشو بدهم يحكو عني لاني هذا الشخص اخترته واقنعت اهلي فيه رغم عنهم وللاسف خذلني ومش زي ما كنت متوقعه

وبستغفر ربي كل يوم وكل دقيقة وبدعيه واستخرت اكتر من مرة يمكن 10 مرات

اتركه وافسخ الخطوبة واصبر عكلام الناس
او استحمل معه لاجل الحب وما يكون احترام والا راح يتغير شو رايكككككن

انا بعذاب وانهيار عصبي ارجووكم ساعدوووني