السلام عليكم بنات
كيفكن
انا مشكلتي اني ما احب اشتغل بالبيت شغاله ماعندي وزوجي مايحبهم ابدا
انا مابحب شغل البيت ابدا لاتنظيف المطبخ ولا تنظيف الغرف
دايما بيتي
مليئ بالاوساخ
بحاول اني انظفه طبعا بالاكراه لانو زوجي انسان نظيف جدا جدا
يعني انا مابنظف الصحون لحتى تقريبا مايبقى ولا صحن نظيف ولا ملعقه
اضطر اني انظفهم عشان استعملهم
عندي ولدين
ومابحب انظف شي ابدا
دايما عالتلفزيون او النت
احيانا غرفتي تبقى اكتر من 3اسابيع ما انظفها
بس اشيل الظاهر والغبار
والاوساخ اتركهم
وقتي مو منظم ابدا وزوجي ضاق خلقو مني كتير ودايما يقول للناس يلي حوالي اني مو نظيفه بالبيت
بس المفاجأه انو لما بيجي لعندي الناس طبعا بياخدو موعد وانا ببقى تقريبا يوم كامل بنظف وبمسح
وحتى احيانا بواصل الليل مع النهار منشان مايحكو علي الناس
وكتير بدايق لم حدا بدو يزورني بس عشان ما اشتغل وانظف
داق خلقي من حالي
شو اعمل والله رح طق احب اكون متل باقي النساء بيتي نظيف وعميلمع
وكل يوم بقول بكره ببدابالتنظيف ومابنظف
ياريت تساعدوني
كلكم ربات بيوت وتعرفو كيف تنظمو حياتكم احب اطبخ واهتم بالاكل
بس التظيف لا
ارجوكم يابنات اي نصيحه بليز تعبت 
السلام عليكم ورحمة الله وبركاته
كيفك اختي… يارب تكوني في اتم الصحه والعافيه…
اخيتي اكثري من الاستغفار عند البدء بأي عمل شاق بقول (بسم الله ولاحول ولاقوه الا با الله ) اي عدد
ويااااااااااااارب تتوفقي في حياتك دوما وتحسي قيامك لعملك وانتي في قمه السعاده والنشاط واهم شي احتساب الاجر لله
اختك المحبه لكي في الله 
بنوته فله
لدرجة اني مامصدقه كلامك النظافه من الايمان اختي
والرسول وصى بنظافة البيوت وانتي هتخلي بيتك وكر للشياطين
لانهم بيتجمعو على الاماكن القذرة ماحابة اخوفك بس لازم تكوني نظيفه ومرتبه
وتوفري لزوجك واطفالك جو نظيف هادئ اختي حتى مايطفش منك ويروح لغيرك
انا بنصحك لانو هو غيرك تماما نظيف ومرتب وانتي عكس لازم تكوني قوية
وصاحبة اراده كثير سيدات الهم اعمال بره وداخل البيت وصاحبات مسؤليه
انتي مواقل من احد والمفروض تخلي بيتك ماناقصه اي شيئ وتوفري الراحه
لزوجك وبيتك مملكتك عمرك شفتي مملكة قذره لازم تبدأي تغير من نفسك
وياريت تسمعينا اخبار عنك حلوة
بصراحة انا بنضف بيتي كل يومين ومع هيك بحس حالي كتير مقصرة وما عم نضف شي مع العلم اني وقت نضفه بنضفه كاني عم عزله يعني بساويه مساواة نضيفة كتير …
لان طول الوقت بيتوسخ وصار يديق خلقي متلك بس مع هيك ما اهملته ابدا ابدا …
والله ياقلبي لازم تشدي على حالك اكتر وتعملي جهدك لتنضيف بيتك مشان ولادك مايطلعو بكرة هيك …
ومشان جوزك مايمل منك ويتجوز عليكي
حرام انا متاكدة انو بيحبك ومابيستغني عنك وانتي كمان …مشان هيك انا برايي لا تضيعي ها العمر والسنين يلي عشتوها مع بعض مشان شوية اهمال منك ..
وبعدين النضافة من الايمان
اختي .. خافي الله في نفسك واطفالك وجوزك يلي صابر عليكي وبيحبك وما بيتخلا عنك
واذا بدك نصيحتي …
قطعي علاقتك با النت لمدة جمعة بس .. والله انك رح تتغيري كتير ..سمعي من الله ثم مني
لان النت بياخدلك وقتك كله لدرجة انك انه بياخدلك وقتك وانتي مو حاسة ..
وعليكي با الستغفار وزكر الله طول الوقت
وربي يوفقك وتتغيري باقرب وقت
وطمنيني شو بيصير معك
الله معك حبيبي
خليكي مثلي اصحى في الصباح بدري واظف البيت من……….الى وبعدين الملابس وبعدين اعمل الغدا واخذ شور واعمل ميك أب خفيف واتعطر وانتظر زوجي ولما بيرجع بيكون مبسوط كثير مني ….
وكل يوم انا كذا من الصباح بدري لانه سبحان الله تكوني نشيطه وغير كذا قال صلى الله عليه وسلم "بورك لأمتي في بكورها" وباقي اليوم اكون فاضيه ما عندي شغل