مشكلة العيد زوجي وانا 2024.

السلام عليكم اخواتي الكرام
بنات انا عندي مشكله

انا متزوجه وعندي ولد عمره سنتين الحمدلله

زوجي يموت فيني وانا اموت فيه الحمدلله

لاكن صارت مشكله العيد الاول زوجي راح صلى العيد ورجع وكنت اسوي فطور لان اخوانه يتجمعون ويسوون في المخيم عند ابوه فطور حتى هوه ماطلب اسوي فطور بس مو حلوه يروح ويدينه فاضيه المهم صلى ورجع البيت قال وش تسوين قلت فطور قال ليش قلت اخذه معك وجلس يتغزل وانتي مامثلك ومدري شو عادي اخذ الفطور وطلع انا طلعت اعايد عمتي الي هيه امه جلسة عندها نص ساعه ورجعت لبيتي المهم اخواني اتصلو علي يقولون وينك مايجيتي لنا تبين نجي ناخذك قلت لا زوجي بس يخلص من عند اهله يرجع ويجيبني قالو لاتطولي قلت اوكي سكرت وجلسة شويه جاء زوجي قلت وديني لاهلي قال مو فاضي لك ولاهلك قلت لاهلي يعني ايش قال يعني ياشاطره اخوانك الحين يجيبون فطور وادخل وتقهوى تعرفينهم لزقه يقولها ويضحك تريقه انا انقهرت قلت الحين يحبونك وانت تقول هم لزقه جلس يضحك المهم خذيت الجوال كلنا جالسين في الصاله اتصلت على واحد من اخواني الكبير وحطيت اسبيكر وزوجي يسمع رد اخوي قلت وينك قال في البيت انتي الي وينك نحتريك قلت تعال اخذني قال ليش اوليه كلمك ياسر اخوي الثاني وتقولي زوجك يبي يجيبك قلت لا زوجي المكترم يقول ماابي اجيبك لان اخوانك لزقه قال اخوي افا ليش قلت لانكم تحبونه وعطيتوه وجه زياده وقال عندكم لزقه , بنات زوجي الحين يسمع كل الكلام وساكت ماقال شئ المهم قال اخوي خلاص خلاص انا الحين اجيك المهم سكرت الجوال قال زوجي ليش تقولي هذا الكلام قلت ليش انا تبليت عليك انت قلت هذا الكلام قال انا قلته امزح معك قلت انا انت تمزح وانا عمري ماقلت في اهلك شئ لامزح ولاجد قال خلاص اتصلي عليه قولي امزح معك ماقاله ولايجي انا اوديك قلت لا مشكور مابيك نوديني ومو داقه عليه انقهر وقال وربي انك حقيره قلت اوكي انا حقيره الي ماعمري قلت شئ وانت المحترم الي تتكلم في ناس يعتبرونه مثل اخوهم قال اقلك دقي على الرجال قولي امزح ماقاله قلت لا والف لا انقهر وسحبني من ايدي واعطاني طف بس مو قوي وطلع بسرعه ماقلت شئ لبسة عبايتي وخذيت ملابسي وملابس ولدي وجاني اخوي واخذني قلت لاخوي الي حصل قال ماعليك منه يمكن هوه عصب المهم جيت عند اهلي بعد المغرب اتصل 5 مرات مارديت عليه ارسل ليه مسج ردي ابيك ضروري واتصل رديت قلت نعم وش تبي قال ابي اجي اتقهوى واسولف ونروح قلت والله قال ايوه قلت ماراح اقلك لاتجي تعال ياهلا فيك تقهوى والباب الي دخلت معه تطلع معه وانسى ابي راح اعديها لك وانسى ان لك زوجه وولد وسكرت في وجهه وجلس يتصل المهم كل دقيقه يتصل قفلة الجوال ورميته في الغرفه وصار يتصل على اخواني وابوي يقول انا ابيها قالو يوم انك تبيها تمد يدك عليها قال والله غلطه والي تبيه راح اسويه لها بس ترجع بيتها وجاء عند ابوي وكلم ابوي قال رجعها قال هيه تقول مابي ارجع وجاني ابوي قال يبي يكلمك تعالي المجلس والي تبيه راح يسويه لك قلت قله ماتبي تشوفك لاهي ولا ولدها وقاله اخوي يقول وربي يوم ركب السياره طالع من عندنا يبكي المهم قبل امس ولدي عليه حراره خفيفه قلت اوديه المستشفى قلت لاخوي اتصل على زوجي وقوله ولدك تعبان وزوجتك تبي توديه للمستشفى تعرفون حرام اطلع وهو مو داري قال ليش وش فيهم قال له مافيهم شئ بس عليه حراره الولد قال ايوه وديهم الله يجزاك خير اثري زوجي على طول جاء لبيتنا يراقب اي مستشفى نروح عشان يبي يكلمني المهم وصلنا المشفى دخلت صرفو له دواء اعطيت الورقه اخوي يصرف الدواء وانا في السياره الى والي فتح الباب وربي خفت الى وهو زوجي المهم جلس يقولي ارجعي حرام عليك عمري ماقلت لك شئ يوم مزحت رحتي وخليتيني وربي معاد اجلس في البيت معاد ادري وين اروح حتى النوم انام تحت الكبري كرهت الحياه وجلس يبكي ويسلم على راسي قدام الناس وعلى ايدي وعد مني معاد امد يدي عليك هذي اول مره امدها عليك سامحيني المره هذي شوفي حياتي كيف راحت بدونك اثناء كلامه جاء اخوي قاله وش تبي انت اذا عندك كلام مو في الشارع تجي البيت ونتفاهم قال زوجي اسمح لي دقائق بس هذي زوجتي مو وحده غريبه قال اخوي طيب راح اخوي وقف بعيد قال زوجي انا تعبت وانتي شفتي حالتي الحين انتي ارجعي لبيتك والي تبيه والله لاسويه المهم قال كلام كثير وفي النهايه قال انا طولت عليكم ولدنا لاتبعدينه عن ابوه قلت اوكي انت روح وانا راح اتصل عليك وانت روح للبيت الحين قال ماراح اروح للبيت الى وانتم معي قلت الحين لا انا راح اتصل عليك وربي يابنات انا ابكي وهوه يبكي في الساره المهم راح البيت هوه وانا رجعت لاهلي قلت لاخوي الكبير ولابوي قال اخوي اجلسي اسبوع خليه يحس على دمه وانا اقول بكره انشاءالله راح ارجع اخاف يسوي شئ في نفسه وربي حتى معاد انام خايفه يسوي شئ في نفسه