السلام عليكم ورحمة الله
عندي ولدين ولله الحمد. الله يحفظهم ويصلحهم
مشكلتي مع ولدي الكبير اللي عمره خمسه سنوات وتسع شهور
يعني قرب على الست سنوات !!
باختصار….
مشكلته …. ما يبي يسوي (البراز) اكرمكم الله الا في الحفاظه والمشكله الثانيه في (حفاضة النوم )
حاولت اكثر من مره أعوده ينام بدون الحفاضه بس والله تعبت معاه كثير
بس انا اللي شايله همه اكثر المشكله الاولى .
مع العلم انه اول ما تعلم على دورة المياه كان يسويها وما عنده اشكال
بس في فتره جاه امساك وكان اذا دخل الحمام وانتو بكرامه يتالم كثير ومره تجرح من قوة الامساك ….. ومن بعدها لاحظة انه كره الحمام ويخاف يسوي (البراز) تحديدا
حاولت معاه باكثر من طريقه … بالمدح والتشجيع ….وانت تقدر وانت شاطر … بس يجلس يبكي وكاني بدخله بيت الرعب؟؟؟!!!!
ومره شلت كل البامبرز اللي في الدرج وقلت خلاص ما عاد فيه ابغاه ييأس
بس للاسف بدون فايده قاعد حاصر نفسه ولا سواها .. لدرجت اني خفت عليه لان بطنه انتفخ واستسلمت مره ثانيه ولبسته
كلمت دكتور نفسي بس بصراحه ما استفت كثير او بمعنى اصح الطريقه اللي قالي عنها ما نفعت معي وهي التركيز على السلوك الايجابي
وانا بقالي فتره طويله اشجعه بس مو راضي يتجاوب معي
تعبت والله من جد تعبت …. الولد كبر وباقي يسوي في الحفاضه وما ينام الا بحفاظ
مع انه طول اليوم دخوله للحمام تمام ومعتمد على حاله كليا في (البول) وانتم بكرامه يعني يدخل ويسوي ويتشطف وينشف ويلبس
الحين هوه في التمهيدي وانا كنت حاطه امال كبيره على دخوله في جو المدرسه والاختلاط بالاولاد بس ما زال الحال على ماهو عليه
لاني كنت اعتقد ان مشكلته كلها غيره من اخوه الصغير اللي عمره ثلاث سنوان ونصف . طبعا جبتهم وراء بعض وكنت اتوقع انها غيره ولفت انتباه . مع اني والله ما خليت بالاهتمام والعنايه والمساواه بينه وبين اخوه
انا ادري ان الموضوع حساس شويه وصعب
بس انا طرحت الموضوع اليوم ….
وكلي امل اني القى من تفيدني بعد الله بتجارب شخصيه او نصيحه غاليه
واعذروني على الاريحيه الزايده بس ما لقيت افضل منكم افتح لهم قلبي واستفيد من خبراتهم
والله يجزاها خير اللي بتشاركني همي
بنتي الحين عمرها 5 سنين وشوي … صحيح تروح الحمام بالبيت وتجلس ع الكرسي بس مو دائما
ولما اروح عند اهلي او مكان عام مستحييييل تجلس ع الكرسي الا بعد جهد جهيد وكلام واخذ وعطااااء
انا احس انها تخااف او تتخيل انها رااح تطيح
ان شاء الله يسلك معك ،، ويصير زي الفل
الله يسعدك كلامك ريحني بس انا ودي اعرف الشي هاذا طبيعي عند كل الاطفال؟؟؟؟
يعني الخوف والدلع هاذا عادي او ان فيه مشكله لازم ابحث عنها؟؟؟؟
والله يجزاك خير مره اخرى
كنت اخاف من بعض الحمامات الموجوده بالبيت ،،،،،
امممممم انا راحت عن بالي فكره انه ولدك صار معه امساك .. يمكن حبيبتي هالشي اللي مؤثر عليه
يمكن يتخيل انه لو راح الحمام راح يصير معه مثل زمان ،،
انا برايي انك تشووفي الموضوع ولا تسكتي عنه ،، خصوصا انه يتبرز بالحفاظ وفتره ان شاء الله راح يدخل المدرسه 00 واتخيلي يكن يلاقي تعليقات من اصحابه بالمدرسه ،، وراح يسبب له احرااااااااااااااج
بتهيأ لي شي عادي ما تخافي
انتي فهمي ابنك انه كمان شوي رح يدخل الروضه
وبعدها المدرسه
واصحابه رح يضحكوا عليه
والمس رح اتخليه في البيت
بجوز يستوعب
كمان احكي له بجيب لك الي بدك اياه
اي شي بحبه يعني
وسلامته الغالي
لو بيعرفوا الاولاد انا بنربيهم من حبات عينينا
الله معك
كلامك صحيح وصدقيني ما بقيت طريقه معاه مره وحده سواها في الحمام وانتي بكرامه
ما تصدقي اني سويت له حفله وكان يطلب ابوه سناره حقيقيه واشتريناها مكافأه له
لكن ما رجع عادها مره ثانيه
وعلى فكره هوه طول اليوم ما يلبس الحفاض
ولا عنده اشكاليه بس لما يبغى يسوي ( البراز) اعزكم الله يروح يجيب الحفاضه من الدرج ويجلس يترجاني البسه
وحتى خارج البيت وفي المدرسه… ما يلبسها ابدا حتى هوه يستحي احد يشوفه فيها
لكن الله يصلحه شاغل بالي على طول
والله معك حق تربيتهم تطلع من حبة عينا الله يعين الجميع على التربيه
والف شكر مره ثانيه
____________