اناهذي السنة اولى جامعة داخلة ع مجتمع جديد ومش عارفة اش اسوي لاني معرف اكون صداقات بسرعة وارتبك كثير وخايفة مرة 
وستايلي مرة هادي جدا وحتى مكياج اذا جيت احط اتخيل انه حيطلع شكلي موحلو او غير مرتب
لان بشرتي لونها غامق
ابي اتغير ابي اكون صداقات بس ماعرف 
ابي اتكلم لاني طفشت من صمتي بس ماعندي سوالف
ساعدوني وجزاكم الله خير
بتلقين وااااايد بنات نفس حالتج … متخوفات من الوضع اليديد
خليج بشوشة و اسألي سؤال او سؤالين وبتنفتح السوالف بينج وبين البنات وبعدها تعرفي عليهن …
وبالنسبة للمكياج اهم شي واقي الشمس و فيه مكياج يناسب بشرتج
لكن اذا الجامعة مختلطة وبتكشفين ويهج لا تحطي مكياج لانه الله بيحاسبج
موفقة
استغفر الله العظيم الذي لا إله إلا هو الحي القيوم و أتوب إليه 
وما تتعودي يكون الميك اب كثيف وواضح كتير لإنك حتتغلبي كتير
وبالنسبة للصداقات الاخوات اللي قبلي كفو ووفو
ليش متوهقة كثير !
كلنا توهقنا اول مرره يوم دخلنا بس من تتعرفين على البنات عاادي
يوم تدخلين على كلاسك سلمي عليهم يقربك منهم .. واجتهدي .. واختاري صديقاتك بعناية
وخليك خفيفة باول مره .. وبالنسبة للمكياج ما اشوفه ضروري 
البنات مره يبالغون فيه * رأيي الشخصي * .. اذا ما تحبينه اوكي عادي خليك على راحتك وعلى طبيعتك واكيد لازم تعتنين ببشرتك بكريمات ومرطبات بس .. اذا مو حابه مو لازم تجبرين نفسك على المكياج
* انا كذا 
سنتين ادرس ولا يوم حطيت مكياج او كحل او رووج انا ارتاح بدونهم لاني ارتاح كذا راح اسويه دام يريحني على الرغم من انهم يقولون خلينا نسووي لك نحط لك ارفض كل بعد شوي لازم اطالع نفسي خرب احتاج اعدل ما احب هالفكرة 
*
يعني انتي خليك على راحتك وطبيعتك عشان تتصاحبين من صديقة صح مو تصنع 
الصدق + البساطة + الابتسامة + السلام تحبب الناس فيك
وبالنسبة للمكياج عادي مو شرط تحطين على وجهك مكياج عشان تكونين صداقات !
مو مهم .. المهم الإبتسامة ممكن تشوفين لك بنت ارتحتي لها تسألينها عن وقت المحاضره او دكتوره .. ثاني يوم شفتيها سلمي عليها وبعدين بيبدأ التعارف
والبنات أغلبهم زيك يعني راح تكونين صداقات معهم بسرعه ان شاءالله