لأن بستك حبيبي تزاعلت وياي
اسف موكتلك ما اكررهه
لو ادريك تزعل ماابوس شفاك
احسبهه على هالمرة عبرهه
معذور انه صدك لن جنت عطشان
وامطارك حلم بالكو تقطرهه
شفت كبالي زمزم وارتايت ارتاح
ومنهه انه شربت لحظات اذكرهه
حسيت الكسوف بكلبي صار بساع
وبعيني الشمس مكسور خاطرهه
وبضهري احس ذنوب ماتنشال
هاي ذنوب يمك بلكي تغفرهه
ا حس انه احس اعيوني بس كلمات
تكتبلك شعر هو انت شاعرهه
احس ضلوعي صارت بيه جن سيوف
هاك ضلوعي كلهه كبالي كسرهه
بيدك انت روحي وانه اريد الروح
خلي ايدك بدييه وروحي فجرهه
هيه اصلا الك اخذهه يمك دوم
سامحني والك هالروح انذرهه
غيبوبه وخذت مني الوعي بلحظات
وبوسة تحولت غيبوبتي اعذرهه
شمرتني اعله شفتك ميت بلاروح
غيبوبه وصغيره شبيك دعذرهه
ا خذ مني التريده واعتذرلك جاي
هاي جروحي يله بملحك احفرهه
هاي عيوني يمك واني كلي اهنااا
وانذار اصفر انطي الروح انذرهه
الــــــــــــرد :
مو هذا السبب آني زعلت وياك00
مو مسألة بوسة القصة تحصرهه00
متعوّد على (الآسف) وصار سنين00
ومتعوّد (يمينك) ما تكررهه000
ما يوم زعلت من بوستك يهواي00
تبوس شفافي حيل وحيل تعصرهه00
كل هذا طبيعي وداعتك معتاد000
بوسات وحضن لعيونك اذكرهه00
ما ظن هذا ذنب وأبد ما ينشال00
تتوسّل تريد وتطلب اغفرهه000
تتصوّر شفافي زمزم وترتاح00
من تبوس تبرد ينطفي حرهه000
تحس عيونك وبيهه فقط كلمات00
وتحس روحي قصيدة وانته شاعرهه00
وتحس بضلوعك تقنّعني بيهه سيوف00
وتناوشني صفطه تكول كسّرهه000
لو روحك تسلـّمني وتريد انّوب00
احط ايدي بديك وآني افجّرهه000
تفقد وعيك بغيبوبه انته تصير00
ما تكدر تميّز حلوهه ومرهه000
ما رايد عذر منّك ابد ماريد00
كل زلـّة البدت وعيونك اغفرهه000
بس رايد افهمك ليش انه زعلان00
ورايد تفهم الغلطة وتعبّرهه000
موعد واشتلتني آنتظرك وما جيت00
حيران تركتني بشارع آخرهه000
وين وعودك ومضبوطك انته وياي؟؟
مواعيدك هواء بشبك اكثرهه000
لو رايد اقدّملك كرت انذار00
اترس جيبك بأصفرهه واحمرهه00
آختيـآر مميز
سلمت يمنيـج غ ـآليتي على هالنقل
و صح لسـ،آن الشـآعر
سلمت يمينك حبيبتي,,,,,
ننتظر جديدك,,,,,,
مودتي,,,,
تسلمي حيا تي علي النقل بيديج الحلوه وان شاء لله نشوف جديدك…تقبلي مررررروري
الله يعطيك العافيه