<<<صوره توضح المصيبه هههههه
اكيد دخلتو الموضوع ومنفجعين
لا ترا انا افجع منكم
قبل لاابدا رجاء انا مابي احلفكم ولا ابي اغصبكم بس رجاء ياليت الكل يتفاعل معنا
ترا موضوعي فيها قبائل ههه
وشسمه وين كنا فيه
إيه
خلني اقولك القصه<<ياكثر بلاويك 
اللحين البزر الي توه قزيم ومايفكر
الا باللحليب والرضاعه
وموعد توم وجيري الي طلعوه مع خشومنا
كل مانجي نجلس الا لازم يحطون توم وجيري
او
يلعبون كراش 
هذولي زمان اول 
اللحين البزارين تطورو
خلاص اللحين اشوف الي توه فاطم
يقول لامه ابي سياره
مو السياره اللعبه لا سياره صدز حقيقه ههه
لا وهمر <<< ياساتر
او يبي شماغ وثوب
او مفتااااااح سياره
او دبااااااااااااااااااااااب
ماقلنا شي
نبلعها يمكن لانها رجوله متقدمه ><:
والله يستر منها
بس البلاء اللحين اذا
انقلبت الموازين 
الحين اختك او بنتك الصغيره لما يصير عمرها 4 او 5 سنين تحب تحوس بتسريحتك
ماتخلي روج ولا كحل الا شخمطت على وجهها 
حتى اشوفهم ياخذون الخطاط يحوسون بيدينهم يقاله نقش الحناء
ماقلنا شي انوثه متقدمه 
بس المصيـــــــبه الي شفتها 
والظاهر اني بعزل عيالي عن العالم
وتدريس عن بعد
من هاللجيل الي يطلع 
صح كثرت عليكم بربره بس وشسوي من الحره
لازم مقدمه علشان تفهمون
شفتو العنوان دوكم قصته
الله يسلمكم
عندي اخوي توه جائ مو اللحين قبل 4 سنين هههههه 
هو واختي مسوين مشكله بالبيت
تقولون حزب الله 
تخيلو في فتره شفت اخوووووي الصغير
ماعاد يحب يلعب مع اختي
ماااغير اشوفه ماسكن شي اسود
رايح وجائ
المهم
كنت اتقهوه بالصاله الا الورع((الولد))
داخل ولابس برقع
انا قمت سميت بسم الله الرحمن الرحيم
على بالي الي خبركم
قلت خيييييير
الا وهو يضحك يقول حلو علي
انا ياحبي له ضحكت عليه
وقلت طفل ياعمري يحب يجرب كل شي
وشوي الا اشوف مايبي يفارق عنه
يشمشم فيه الا وشو يدخل بخشمه
حتى ابوي قال وش فيه البزر !!!!
لابس هالبرقع كل يومه
هههههههههه لا والي يضحك روع الجيران
كان راعي البقاله جائ وطلعته له
صرخ قال بسم الله الرحمن الرحيم
ياعمري رحمته
اللحين انا من شفت الوضع قلت غريبه
تعلقه موب صاحي وش السالفه
تعالو شوفو المصيبه الي وصل لها بزراننا
خالتي كانت ساكنه برا الرياض وقبل شهرين وجت للرياض وهي اخت امي الوحيده واستانست امي لانها سكنت قريبه منها
المهم وحنا رايحين انا وامي لهم
واخوي ورا جالس
الا يقول كلام زلزل الارض من تحتي
قال
لابسات البراقع ياسعد فتنني
:::::
لااااااااااااااااااااااااااااااااااااااااااا
انا شوي جلست اطالع في امي وامي تطالع فيني
محنا مستوعبين والتفت له وش قلت
قال
لابسات البراقع ياسعد فتنني
اكيد منصدمين بزر توه مافقش
ولما حللت الكلام في مخي
وخاصه افتتنني(يعني افتنوه من العيون والحركات))
مادريت الا وانا طابه عليه ورا 
وهو يهرب ورا والحقه
سويت فضيحه بسيارتنا الجمس
من برا يشوفنها ترتج يحسبونا فالينها ونرقص
مايدرون فيه حرب جواها
وامسكه مع اذنه يالتسلب من وين جبت الكلام 
صاااح قال ماقلت شي
قلت كل هالمصيبه ماقلت
وش تشوف من ورانا
قلت من علمك
قال..ولد خالتي
قلت ..هاااااااه هالبزر الي توه باول متوسط
ياربي خربت الدنيا
واعطيه قبصه..
واجلس لين وصلنا والا اشوفه يلعب كوره عند الباب
ويالتني ودي اطعسه
قلت…تعال ههههههههه ياعمري عليه
هرب عارف ماناديه الا وهو عارف اني بصفقه
ويدخل البيت وانا اركض وراه وانطلع نعالي والنتسابق تعاااااااال
ويروح ينخش ويتخبى ورا خالتي
قالت…شعلامك على ولدي
قلت..ولدتس هذا يبي فورمات من جديد
وعلمتها
ضحكت !!!!!!
وقالت…اااااه ايام اول
يالابسات البراقع ياسعد شيبني هههههههههه وهي تهز الراس
ويازين ايام اول
قلت..خيررر اجل انتي شيبوك
وذاك فتنوووه
اجل الام والولد رايحين فيها ههههههههههههههههههه
ياربي رحمتك طبعا ماتهنيت ذاك الليوم
علمت خالتي وامي ان التربيه لازم وكذا
قالو..انتي معقده رجعنا على ياطير يالي
قلت…حرام عليك اللحين الزمن يخوف
البزر صار يعرف العلوم كلها
ومافيه مشكله يتزوج
وخالتي قالت…وش اسوي اخوانه متزوجين وهو لحاله ماقدر اراقبه طول الوقت
قلت ياسلام موب عذر
المشكله غرفته فيه الدش والبلايستيشن
والبلاوي
انا رقيت لفوق وهو هج هههههههههه ويصارخ
رفست الباب واجلس قدام التلفزيون
اشوف وش حاط
والا ماشوف فيه شي يعني اشوا مشفر
والتفت لمه تعال انت..
من وين عرفت هالبلاوي
قال من ولد جيراننا
قلت جيرانكم ماخبر عندهم بزر صغير
قال لا بالثانوي
انا مسكت راسي
وجلست اعلمه هم مايناسبونك وكذا
وجلست شوي لما ارتحت
وامسك البلاستيشن
ياربي رحمتك
شريط السيارات وشسمه درايفر مادري وشسمه
بناااااااااااااااااات شفت شي
حريم يمشون قدام وهو يصقعهم
قال احب صوتهم
انا خلاص مااعاد اقدر اتحمل
خربووووووووو عيااااااااااااااااالنا
ياربيه مانقدر نسكر منا الا يفتحون منا
ياناس انتبهو
لبزرانكم والله انهم يخوفون اللحين
انا ااذا شفت ابو 5 سنين اتغطا منه
مايستفااااااد
1-بزرانكم انتبهو وش يطالعون من يصاحبون الخ
2-شوفو الالعابهم وشي ياربيه اولها شريط المصارعه
يجيبون حريم لبسيهم على كيفك
3-اولادك شوفي من اصدقائهم بعضهم اكبر منهم يصاحبونهم ويفتحونهم على بلاوي
يالله اترك المايك لكم للتعليق
اذا موضوعي اعجبك اتركي دعوه
والملك يقول لك بالمثل
والسلام عليكم ورحمه الله وبركاته
سبحان الله وبحمده
سبحان اله العظيم
سبحان الله العظيم
على دورنا الواحد ماكان يفتح تمه اذا فتح تمه بيجي الكف على وجهه
شكلك معصبه مالومك
اجل بزر عمره 4 سنوات يقول هالكلام
عشنا وشفنا
من تصرفاتهم احس عمري بال50 هههههههههه
مو نفس الجيل
ايه وربي صدقتي
صرت اخاف من اولادي بس لاينحرفون مع الموجات الجديده الي صارت هالفتره
ههههههههههههههههه
ياااساااتر بس
شكلي بغير في الاغنيه وبقول
المنحشات من الرد ياسعد قهرني ><