جاني الخبر يا صاحبي واظلم الكون
قدام عينـي ثـم نطقـت الشهـاده
على العموم اقولهـا ألـف مليـون
مبروك من قلـب شكالـك ابعـاده
مبروك لا يهمك سواليف وضنـون
من عاشق يهديـك فرحـة فـؤاده
سو الفرح اليوم وابليـس ملعـون
واللي يشب النـار يجنـي رمـاده
انا أول العالم على القصـر يلفـون
أول معازيـم الفـرح والـحـداده
ابشر أنا برقص على العرس بالهون
كـل يعبـر فرحـتـه باجتـهـاده
لو البلا رقصي يقولـون مزيـون
المشكلـه القلـب يفـضـح وداده
يوم العذارى في دخولـك يغنـون
وعروستك بأحلى ثوانـي السعـاده
كنـت اتمنـى بدالهـا والله اكـون
واحط انا كفي تحت راسك وسـاده
واشلون ابكتم صرختي يوم تمشون
تكفى ..خذنـي للعروسـه قـلاده
حتى معازيم الفرح قامـوا يمشـون
واصبحت انا وحدي بدون استفـاده
وطفوا علي النور من غير يـدرون
قصر الفرح يا قبر(منيره) ومهـاده
وصيتي لو جاك بنت وانـا امـون
سميتها لك (منيـره) قبـل الـولاده
فعلا مؤثره جدااااااااا
يعطيك الف عافيه
سلمت يدااااااااااااااااااك
الله لا يحرمنا طلتك