فمان الجـرح لا والله فمان احـــزاني الكُـبـرى
فمان اغـلى ثلاث سنيـن مِـتّ بْـها عشــان اعيش
فمان الحب واحـلام القلوب البيض والخضرا
فمان الآه مـن كثــر الزعـل والشـــوق والتطنيش
فمان عيونك اللي مالها بين العيون .. اُخرى
فمان غــرورك اللي علّـم الطاووس نفـْـش الريش
فمان عطورك اللي تسكن انفاسي وبالأحـرى
فمان انفاسك اللي تسكـن عطـوري ومدري ليش؟
فمان الليل واحضان الدفــا ومصافح القمـرا
فمان البــاب والشبّـاك يــوم اواعـــدك .. ونطيش
فمان التوت والرمــان واحلى فاكهــه حمـرا
فمان الضحكه اللي كنّـها مـن مبسمك .. بخشيش
فمان غيابك اللي ما ترك لمْواصلك .. بُشرى
فمان الشـك وظنــون الخطــأ والكـذب والتشويش
فمان العيد .. كنـّي به يجيني وحالتي تزرى
يطبْطبْ فوق أكتـافي حزن ويقــولَ لِي "معْـليش"
فمان الجوع واحساس العطش ومفارقك صحرا
تعبــت افتـّــش ْلواحاتـــها .. واضـنــاني التفتيش
فمان ضلوع مكتـوب ٍعلى أنحاءها اليُسرى
"هُــنا توجـد جـروحي" لو تكــرّمتي: بـلا تنبيش
فمان دموع لا تـُسمن ولا تُغني من الذكـرى
وانا اللي ماقدرت اطلع من اجوائي معك بشويش
فمان الشـارع اللي كلّما جيـته .. وانا أقــرا
معانـاتي من اوّل يــوم فـي وصـلك إلى التهميش
فمان الشاعر اللي يجمع بتجربْـته الصغرى
فكر بــدْر .. ورومانسيّة نزار .. وفلسفة درويش
فمان العاشق المجني عليه .. بتسلية عذرا
من اوّل "بعشقـك" حتى نهايـة "ما تصبّرنيش"
فمان الخوف ويدينك جنود وأضلعي أسرى
وانا فينـي مــن الإحبــاط ما يكفي هزيمــة جيش
فمان اشيــاء ما تنقــال للعالم .. ولا تــطرى
ممـالك حـب .. دمّـرها اللعب وسْياسـة التطفيش
فمان الإيش؟ ما أدري ولكنّ الزمان ادرى
وانا اللي ضاع ما يدري حبيبه ضيّـعه لجل ايش؟
فمان الله ياقلبـي مع انّــك جــرح ما يبــرا
كتب ربّي عليّ اعيش من دونك (وانا ما اعيش)
منقول
سلمت يديك
ويعطيك العافيه
راقت لي كثيرااااا
شكرااا عزيزتي على النقل الموفق
لاعدمنااااااااك
بس حبيت اعدل البيت الاول
اللي هـــــو
فمان الجـرح لا والله فمان احـــزاني الكُـبـرى
فمان اغـلى ثلاث سنيـن مِـتّ بْـها عشــان تعيش
لانها مكتوبه اعيش
وشكرا واسفه
تسلم ايدكـ خيتي **
منتظرررررررين جديدكـ
تسلمييين اختيار مميز
تحياتي
|
المشاركة الأصلية كتبت بواسطة انْفِاس شوق ..
 نقـل رآآئع ..ومميز
سلمت يديك ويعطيك العافيه |
مرورك الاروع
نورتي 
|
المشاركة الأصلية كتبت بواسطة امواج العشق
تسلم يمينك كلمات راااائعه تقبلي ارق تحياتي
|
مرورك الاروع
الله يسلمك
نورتي