صينية العجة جامدة اخر حاجة 2024.

السلام عليكم ورحمه الله و بركاته

النهارده بصراحة كنت مشغولة قوي علشان نزلت السوق و اشريت حاجه الشهر من سمك و فراخ و كفتة بلدي و لحمه

دعواتكم ربنا يسترها معايا الشهر ده خاصة و عندي مصاريف المدارس الخاصة لازم تتسدد الشهر ده

المهم بقي صدعت و الله من التوضيب و الترتيب في الحاجات و قلت اعمل صينيه عجة عالغداء

و كالعادة حبيت تشاركوني لقمتي الحلوة

يلا بسم الله اتفضلوا معايا

المقادير

3 بصلات

معلقتين دقيق

6 بيضات

جزمة بقدونس

ثوم مفروم و ملح و شطة و كمون

الطريقة يا قمرات بسيطة جدا

** شوحي البصل كويس و انزلي عليه بالثوم المفروم بالكمون و الشطة و الملح و الفلفل الاخضر

* حطي البقدونس و شوحيه لحد ما يذبل خالص

* اضربي البيض و الدقيق و طماطميه في الخلاط و ضيفيهم للبصل و البقدونس

و جررررررررري عالفرن بقي على طوووول

و ادي النتيجة صينيه عجة فاخرة اخر حاجه

بس سامحوني لا ذوقتها و لا حاجه لان الولاد كانوا جعانين بجد و الريحة جننتهم كمان

اتفضلوا الطريقة بالتفصيل في الفيديو ده من ايدي

‫طريقة عمل صينية العجة في الفرن Omelets‬‎ – YouTube

دعواتكم بقي ربنا يهدي لي اولادي ويرزقني برزقهم

امين يارب العالمين